كلامكم يخليني اتردد اطلع اللي عندي الحين..
انا اذا قلت لكم بديت اتحسن فبقولكم رديت وخربت كل شيء
وقلت كلام اخيس عن قبل

انااااااااااااااا تعبااااانه نفسيا
احس بصراع بداخلي
احسن اني قاعده اصارع شخصيتي الاصليه والتغيير اللي صار لي
يعني صراع بين الزين والشين..

وانا امر بمد وجزر ....
وهالشيء متعبني انا اكثر من اي حد ثاني...

انا احس نفسي مو طبيعيه
اقعد اتخيل مواقف ما صارت واتخيل انها بتصير مستقبلا.. واعيشها كانها واقع!!!

البارحه وانا اتسبح طولت مو من زود وساختي بل من كثر ما قاعده اتخيل أمثل..
صرت خايفه على نفسي احس اني بستخف... ابى اصير زينه بس شيطاني اقوى...

تدرون شو اتخيل... موقف بتفاصيله وكأنه حدث صدق..
اتخيل ان بأول يوم لنا مخططين نطلع نتغدى مثلا على اساس انه صار فتره مقاطعين بعض وبعيدين عن بعض..
يجي هو فجأه يقول لي اهلي عازمينا عالغدا وبنكسل الطلع لمره ثانيه..
واقوله ليش نقدر نعوضهم بيوم ثاني.. ويصر هو عشان ما يزعلون..
هنا احس اني مجبورة وان محد عندي عشان يوقف معاي او اروح له..
فأروح غرفتي ودموعي تسابقني(على فكره بالحمام قاعده اصيح صدق وكأني بالموقف)!!!!
ويلحقني وامسح ادموعي واقوله اوكي بجي معاك وبضغط على نفسي بس عشان ترضى
وتنازل هالمره بس عشان اشوف انت كيف بتعوضني...
بيقول لي خلاص ما بنروح لهم(وعلى فكره هو بالواقع جذي اذا زعلت غير رايه)
انا اقول لا بنروح لان اصلا خلاص مالي مزاج حق الطلعه ... واروح وانا مجبورة...
انتهى...

!!!!!!!!!!!!!!!!!!!!!!

انا نفسي متفاجأة من تفكيري ومعايشتي للموقف وكأنه واقع...
حتى لما حسيت بنفسي مسحت دموعي وطلعت ولا كأن شي صار...

واليوم اتصل فيني وما رديت عليه قلت حق ربيعتي بالدوام اكيد يبى شي مو من الله
لاني البارحه خربتها وقلت له حدد وضعي كيف بيكون مع الاخذ بعين الاعتبار اني ما راح اجي دبي
ولا تكلمني الا لما تفكر...
وفعلا ما اتصل فيني طول اليوم البارحه...

اتصل الصبح وهو مو من عوايده ما رديت طرش مسج يقول انا تنازلت عن الشقه بابوظبي ولازم نفضيها هاليومين
قلت له روح انت انا مو جايه يقول واغراضج اقوله خليها ذكرى لك
ما تتذكرني الا لمصلحه ولا لما تخلص المهم وآخر الليل تفضى للسخافات وانا من هالسخافات..
ما رد على كلامي رد طرش ... انا كلمت واحد بدبي عشان الشقه..
قلت ما بي واسكن بروحك... كل هذا بالمسجات..

رديت البيت اتصلت فيه .. قال اتغدى عالسريع عشان اروح الكليه ... قلت كلمني لما تخلص..
قال انا بي آخذ الاغراض اليوم .. قلت له وانا بروح بكره اذا انت تجي اليوم...
وقلت له ترى حط ببالك ما بي وياك ... وبعدين انا ابى فلوس ما عندي شي..
قال انا بروحي ما عندي هاليومين واتريا فلوس بتنزلي هاليومين...
قلت له انت ما تستحي اصلا مخليني بيت اهلي وانت تعرف ما عندي كالعاده.. بس مو مشكله اهلي بيصرفون علي..
....... وسكرت عنه...

رحت عشان انام قبل ما انام قعدت افكر بكلامكم ... فندمت وقلت ليش انا جيه .. ليش قاعده اخرب كل شي...
وارد اقول لا هو الغلطان... وجذي ي ي ي ي لين ما رقدت...
نشيت وانا تعبانه وقلبي يدق ومو قادرة اشيل نفسي ... وانا اعرف هالاعراض ...
عرفت ان ضغطي مرتفع... لان صار لي مرتين لين الحين من حملت وكله من الزعل... والنفسيه الزفته...
ارتحت اوي وما خبرت حد لين ما هديت نشيت اتسبحت وطلعت وطرشت له مسج ...
قلت خلص من الكليه وكلمني... واتصلت وما رد ...
الحين انتظر يرد علي...

لانه قرر يجي بكره بدل اليوم ...
فكنت بقوله دام انك تخلص الساعه 7 تعال بوظبي عشان ناخذ أغراضنا ...
وبكره تحمل الاثاث... بس ما رد وما اظن بي بوظبي الحين... متأخر...

فشو رايكم؟... كيف اصلح غلطي .. وكيف اخلي الزين فيني يقوى على الشين...
لاني تعبت

بسمه وعبير والباقيين من المتابعين وينكم....