السلام عليكم و رحمة الله و بركاته
انا عضوه جديده في المنتدى الرائع وان شاء الله ألاقي ترحيب من الاخوة الاعضاء الأفاضل المحترمين
اما بعد ....
انا عندي مشكلة عانيت منها من بداية زواجي و الحين صارلي سنة و 3 شهور
انا تزوجت ولد عمي و يشتغل في الجبيل وانا عند اهله في الاحساء لعدم توفر السكن في الجبيل و لظروف دراستي المهم هو يشتغل 6 ايام و يجي يومين .
وفي هاليومين اللي يجيهم يسهر في الليل مع ربعه في الديوانية و ينام في النهار بس ما تصورون يروح من الساعة 8 ولا تأخر عليهم 10 و بعد هم ما يخلونة اذا تأخر يتصلون عليه ولا يرجع الا الساعة 2 او 3 و احيانا يوصل للفجر و طبعا بعدين نوم ، و نومه ثقيل ما يجلس الا العصر و احيانا يطلع عنده مشاوير مع ربع الهفوف و لا مع ابوه ولا اخوه و دائما مشغول .
و اذا طلع وياي نتمشى و صار ضميره يأنبه لانه ما يجلس وياي ربعه ما يخلونه رن و رن بالجوال يبغونه يجي لهم تاخر عليهم و يرجعني البيت و يروح لهم
و اذا جلس في البيت وياي ساعة يكون جسمه جنبي و باله في الكمبيوتر ولا في التلفريون و تنقضي هالساعة وانا اسولف معاه بأخر الاحداث اللي صارت في عائلتنا او البيت او اي شي كل مرة سالفة احيانا يتجاوب وياي و اغلب شي سرحان مفهي في اللي قدامة و بعدين يقوم ركضه حق ربعه و اذا قلت له اجلس شوي يرد علي و يقول انا من ساعة جالس يمش
واذا اتصلت عليه وهو في الديوانيه ما يرد علي و اذا رد ما يكلمني عدل يخاف يعرفون ربعه واذا عرفوا يحرضونه علي و يعايرونه ( ارجع ولا بتقفل عليك الباب , ولا بتراويك الويل ... غير ذلك من التعليقات) المشكلة ان اغلبيتهم اقابرنا ابناء اعمامنا و غيرهم انا اعرفهم واحد واحد و اعرف اصواتهم اذا قاموا يعلقون و انا اكلمه و بعد هم كلهم يشتغلون في الاحساء يعني موجودين على طول
واذا كلمته في البيت عن موضوع السهر بره يزعل و يقول انا انا ابغى اظل حر على طول ، ما سمع لي ولا لأبوه كل%