زوجة صديقي ..عنيدة ..يسأل اكسر راسها ام اطلقها ؟! - منتدى عالم الأسرة والمجتمع
logo

الملاحظات

المتزوجين مواضيع تهم المتزوجين من الرجال والنساء.

 
أدوات الموضوع
انواع عرض الموضوع
قديم 11-01-2004, 02:44 AM
  #8
جمـــره
عضو مميز ومثالي
تاريخ التسجيل: Jan 2004
المشاركات: 136
جمـــره غير متصل  
Cool

شكلها دلووووعه مرره...وهو دلعها اكثر وزاد الطين بله..مممم لو ماكان يحبها كثير ماكان دلعها..ودامه يحبها ..لازم يتفاهم معها بشويش ..ويستعمل معها نفس الاسلوب اللي تحبه..يدلعها باسلوووب ..ويفهمها بهدوء انه مو حاله كل مااختلفوا على شي بسيط شالت بنتها وراحت غرفه ثانيه...كذا بتحرمه وتحرم نفسها من اي طريق للمصالحه غير الاعتذار الرسمي والكلاااام.. يعني بصراحه هي خبله شوي شكلها وعلى قولت الحياديه ماتعرف شي بكيد النسااء..ماظن انه مايخطر فبالها انها هي تصالحه خصوصا اذا كانت هي الغلطانه لكن وجودها فمكان ثاني واصرارها على انها ماتتعامل معه وقت الزعل يضيع منها الفرصه..واظن النوع هذا يكون برئ مررره وعلى طبيعته يعني يقدر يشغل مخه شوي ويشكلها زي مايبي لو كانت تنام جنبه وهي زعلانه.... كان اكيد بيصير موقف او اي شي ..يخليهم تيتكلمون او يضحكون.. او حتى بدون شعور ..يطبع على خدها بوسه او هي تضحك... بدون مايكون كل مره في حاجه ان احد يعتذر وهالاحد هذا دايم هو ..ههههههههههه..ليش مايفكر بشي يخليها تضطر تكلمه غصب عنها او تجلس معه باي دافع... بما ان اسلوبها كذا يستغله... يعني مثلا يثير فضولها بشي يخليها تساله عنه...يشتري هديه يحطها فمكان هي تشوفه..عشان يلفت نظرها ويخليها تتودد له..او مو شرط كذا ..ممكن يسوي نفسه مخبيها عنها .. بس يدور مكان يضمن انها تشوفه فيه..يمكن كذا تشك انها لاحد ثاني وتروح تساله وتكلمه..او ممكن مره يتكشخ ويلبس احلى لبس ويسوي الشاي والقهوه بنفسه ويبخر المجلس ويجيب حلويات من برا كله لعيونك يانيشاان هههههه..ويعزمك انت وخشتك.. يتفق معك..بتموووت هي عشان تعرف وش السالفه واكيد بتجي تساعده فالمطبخ وتساله ولايعطيها وجه...بتضطر تكلمه وتلاطفه .. وبكذا غصب عنها تتكلم معه بدون مايكون اعتذر لها..وماظن بعد ماتروح انت بترجع تسوي نفسها زعلانه.. كمان ممكن يتكشخ ويطلع من البيت فتره طويله .. يروح عندك ولا يتعشا برا..او يروح لاهله ويقول انها مشغوله لو سالوا عنها...او يسهر عند التلفزيون ويسوي شاي ويجيب فصفص ويسوي نفسه آآخر روقان.. بتنقهر هي انها قاعده لحالها ومعصبه وهو يطلع ويدخل ومونس حاله..بتضطررر ترجع حتى لو ماعتذرت..في مليون طرريقه يقدر يخليها غصب ترجع لهب س هذا كله اذا كان طوووويل بال ويحب يسوي افلام ههههههه... واذا مرره ماله خلق يايكملها بشكل مباشر ان الوضع كذا مو عاجبه وان لازم يكون في تنازلات من الطرفين .. او يكلم اخته اذا كان عنده خوات يثق فيهم.. بحيث انها تطرح الموضوع بشكل غير مباشر ومو معها هي ...يعني بجمعه تفتح الموضوع وتقول ان الوحده لازم ماتزعل من زوجها كثير وان الرجال يزهق بسرعه وبكرا يدور غيرها ومن هالخرابيط عشان تتاثر بدون ماتحس ان الكلام مو جه لها...والله يووفقهم يارب ويصلح له زوجته زي مايبي لان شكله مقدرها ويستاهل انها تحطه على راسها ..هذا اذا ماكسره هههههه
 

مواقع النشر


ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 01:26 PM.


images