اختي العرووس حنا هنا مالنا قصد بردودنا الانفيدك يالغاليه..
اولا زوجك طيب ومحترم جداً الله يخليه لكم..
ثانياً لازم قبل تواعدين اهلك مره ثانيه تقولين لهم خل اشوف فلان
مشغول ولالا وارد لكم..لازمن تستأذنين منه اول ..
لعلمك حتى اهله ممكن يصرفهم لو جوه بهالطريقه..
ثالثاً اختي انا اهل زوجي مايحبوني ويجتمعون ماادري عنهم..
بس لازم الام تحسنين اليها قدر الامكان..خواته وش بيضرونك
لارحتي لها نصف ساعه بالاسبوع تسلمين عليها وتاصلين رحمك..
خليهن يتكلمن لحد مايشبعن..لاتلقين لهن بال..لان عملك لله ..
ولانك تبين ذريتك تبرك زي ماانتي باره فيها..
تصدقين خالتي كانت ماتطيقني ودايم ترمي علي كلام من تحت راس
بنتها..ولاجبت لها شي تستهتر فيني..
مع الاحسان ومرور الوقت الحين والله تدعي لي وتدافع عني من وراي
وانا ماادري عنها..سبحان الله كم ملك الاحسان من انسان..
وبالنهايه بلاقيه بذريتي الله لايخيب رجاي.
مره سوي حلا وقهوه وروحي..ومره اطلعوا تمشوا انتم وخالتك..
ومره اعطيها مبلغ هديه اذا كانت محتاجه..
ومره هديه طبعاً فترات متباعده..وتأكدي انك بتملكينها بإحسانك
وبترضين ربك ..وبتكبرين بعيون زوجك.
الله يوفقك ويرعاك.