قصتك احزنتنى كثيرا...
وهونت عليا مشكلاتى
لقد جعلك الله اية ..فى الصبر وقوتة التحمل ان شاء الله يعوضك خير
تحملتى من زوجك الكثير والكثير ...كان الله فى عونك
اسال الله ان يهدى زوجك

قال تعالى: (إِنَّمَا يُرِيدُ الشَّيْطَانُ أَن يُوقِعَ بَيْنَكُمُ الْعَدَاوَةَ وَالْبَغْضَاء فِي الْخَمْرِ وَالْمَيْسِرِ وَيَصُدَّكُمْ عَن ذِكْرِ اللّهِ وَعَنِ الصَّلاَةِ فَهَلْ أَنتُم مُّنتَهُونَ) [سورة: المائدة - الأية: 91]
لا تنسى الدعاء يرد القضاء
ولا تنسى ذكر الله وعليكى بالاستغفار
طمنينا عليكى
تحياتى


رقة

__________________



** اللهم اهدى لى نفسى وزوجى واولادى واهلى والمسلمين والمسلمات وفرج كربتنا واقضى حاجتنا **

اللهم أمين


نسعد بزيارتكم : فى ركن الثقــافة الزوجيــة


هل تريد ان تعرف اين تذهب مشاركاتك .. اضغط هنا

اختي العزيزة
يمكن ردي متأخر شوي بس اسمحيلي اقولج هالرد اللي في خاطري لان مشكلتج آلمتني وايد

اول شي الله يصبرج على ما بلاج و يعينج على الياي كيف ما كان

اختي ... انا ما اعتقد ان زوجج ممكن يتغير في يوم من الايام .. صح ان باب التوبة مفتوح و الله يهدي من يشاء .. بس من الكلام اللي قلتيه الظاهر ان زوجج مو ناوي يتوب الا اذا صارت مصيبة اة كارثة ساعتها ممكن يحس و يخاف .. لان واضح من كلامج انه ما كان يرتد عن تصرفاته الا يوم يخاف سواء من مرض او فضيحه .. لكن كونه استمر اكثر من عشر سنين على نفس الغلط حتى بعد ما عرف انج كشفتيه و اهله دروا بالسالفه فاظن خلاص اغسلي ايدج منه

الحل فيدج انتي .. لان مهما اتكلمتي و شرحتي مشكلتج و الكل تعاطف و ياج بس ماحد بيحسو يفهم الوضع الا انتي ... فالقرار شو ما كان لازم يكون من عندج لكن نحن علينا النصيحه وبس

نصيحتي لج ---مع اني ادري انها صعبه لاني مجربتها--- انسان مثل هذا ما يتعاشر ... صح ان ابغض الحلال عند اللله الطلاق و صح ان الحرمه ما تستغني عن ريلها خاصة بعد العشرة الطويله و صح ان الحرمه لازم تفكر في عيالها و حاجتهم لابوهم ... لكن كل شي له حدود ...

زوجج خاين زاني شارب خمر منافق حتى في دينه كيف ممكن تعيشين وياه؟؟ كيف تأمنينه على نفسج؟؟ كيف تأمنينه على بناتج؟؟؟ انتي تقولين انه يوم يرد شارب ينام في غرفة البنات انزين شو ضمنج انه --الله لا يقدر -- ما يرد في يوم سكران مو عارف ارضه من سماه و يؤذي وحده من بناتج او يعتدي عليها لا سمح الله؟؟(وهالشي ياما صار)
بعدين ما تخافين على نفسج من هالامراض اللي كل يوم نسمع عنها الله يكفينا بلاها؟؟ لو ماخفتي على نفسج خافي على عيالج ... زوجج ما فكر في سمعته وانتي سكتي و طنشتي ومافكرتي في كرامتج ولا سمعتج بس على الاقل فكري في سمعة بناتج اللي بيتربون مع ريال سكير زاني سيرته صارت معروفه عند الناس.. انتي تقولين بعد ان ابوه يشرب خمر و هو يمكن خذ هالعاده من ابوه .. فليش تخلين عيالج يتربون و يكبرون و هم يشوفون ابوهم يسكر و يزني و امهم ساكته و راضيه؟؟ ماتخافين ياخذون هالعاده منه؟؟؟ والاهم من هذا في حديث يقول"الزا دين يؤديه الرجل في أهله" .. هذا كلام الله ورسوله و معناه واضح فكري فيه شوي

عزيزتي... الله لا يحرم اي حرمه من زوجها ..ولا اي عيال من ابوهم .. بس الطلاق احيانا هو الحل ... انتي لو صدق حاسه ان فيه اي امل مهما كان بسيط ان زوجج يتوب صج و يغير سلوكه انا اول وحده بقولج اصبري و اتحملي عشان بيتج ما ينهدم و عيالج ما ينحرمون من ابوهم .. لكن اذا تعتقدين ان الوضع اللي انتي فيه بيستمر .. فلازم تصلحين حياتج قبل ما يفوت الاوان و يصير شي ماتتمنينه

سامحيني عالاطالة والله يعينج ويهديج للقرار الصح
اختج ام ميرة