السلام عليكم..
اخواتي الفاضلات..
لايخفى عليكم ان الوحده مننا بعد الدوره او النفاس
تحس انها نظيفه فعلاً لو كانت جافه..
الحل بيكون مفيد في حالة كانت الافرازات طبيعيه ماهي
مرضيه بسبب قرحه او التهاب شديد..
ممكن استخدامه بطريقتين:
1- مع عصير
2- مع الشاي
طيب الحل ماهو؟
عزيزاتي الحل بسيط وغير مكلف وبمتناولنا جميعاً..
وانصحكم تجهزونه ياللي على وجه ولاده من الحين..
الحل هو:
قشر الرمان
واحذركم اشد الحذر من شراءه مطحون من العطارات..
مره شريته مطحون وسبحان الله ماادري ليش كل ماجيت
استخدمه ترددت ..
وقلت بشريه قشر بدون طحن وبطحنه انا..
وعينكم ماتشوف الا النور يابنات مع انه جايني بكيسه ومغلف..
يوم فكيت الكيسه بغسله استغفر الله وش هالقرفففففف
والله العظيم بدون مبالغه بوسط القشور كلها ديدان متيبسه..
ومخلفات فيران وشبك عنكبوت
قلت هذا اللي ماانطحن كذا..يعني بيصير عندهم ذمه وبيغسلونه لنا
ويجففونه وبعدين يطحنونه لسواد عيوننا!!
بعدها حلفت ايمان بالله مااشتري شي مطحون برا..والله لو اني مشلوله
او يديني مكسره
المهم مالكم بالطويله بس ماسبق تحذير وتنبيه لأني انا شخصياً كنت غافله
وعلى نياتي..لكن للأسف التجار اهم شي عندهم المكسب وفوق كل اعتبار
حتى ذمتهم
بعد ماتاخذين قشر الرمان العدل ..وتنظفينه زين هذا اذا شريتيه من برا..
تجففينه يوم او يومين..ثم تطحنينه وتحطينه بعلبه بالدولاب..
على فكره فيه بنات شقرديات يحفظون قشر الرمان بعد ماياكلونه بالبيت
سلمي لي عليهم << ياحبي للسنعات لو مانب منهم
الطريقه الاولى
انك تحطين ملعقه صغيره
حقت الحلا مع كوب عصير وتخلطينها زين وتشربينها ..
يومياً افضل وماراح يضر..وممكن يوم ورا يوم..
الطريقه الثانيه
نفس قشور الرمان مكسره بدون طحن..تحطين منها قطعه
كبر اصبعين من يدك ممكن مع سكر ومويه بس..
وممكن مع قليل شاي اخضر..او زنجبيل اللي تحبين..
وتشربين كوب يومياً..
واللي ابغى انبهكم له يابنات ان الطريقه هذي تستخدم وانتي
طاهره بعد الدوره والنفاس
..وطبيعي بتشوفين افرازات غريبه
لكنها مع الوقت بتقل بإذن الله..
انتبهوا ماتستخدم وفيه دم..لأنها ممكن تحبسه وتجففه قبل اوانه.
والله يوفقني واياكم
ونصير حور بعيون ازواجنا

مشكوووووووووووووووووووووووره اختى

__________________
أم قدوري

مشكووووووووووووووووووووووورة بالفعل مشكووووووووووووورة الله يجعلك حورية في عين زوجك.

مشكورة حببتي

الله يجعلك حورية في عين زوجك.

__________________

اللهم ياودود ياذا العرش المجيد يافعال لما يريد - أسالك بعزك الذي لا يرام وملكك الذي لا يضام ونورك ونور وجهك الذي ملأ أركان عرشك أن تغيثني وتصرف عني كل سوء -- ياحي ياقيوم

أم قدوري
**
اجمل احساس
**
بنت شام
واياكن جزى عني كل خير واحسان..
اشكركن على المرور..واسأل الله لنا
ولكن التوفيق.