السلام عليكم ورحمة الله وبركاته

الولد الصغير المفعوووووووووووص حالف مية يمين أن ما راح يرضع من الرضاعه

ما خليت عصير ولا حليب ولا شاي ما حطيته فيها

وهو مصر على الرفض والاحتجاج على هشي إلي يصير وإلي يحس أنه تعذيب وعلى إني بخيله ما أبي أرضعه

هو عمره ثمانية أشهر

اليوم أنا وأبوه حطيناله في الرضاعه عصير تفاح وخليناه يمسكها

الأفندي قام يلعب فيها ويرميها يمين ويسار ويعضضها

خليناه يلين مل

قمت وحطيت الرضاعه غصب في فمه وبعدين قمت أعصر العصير غصب ويشربه غصب وهو يبكي

قعدت جنبه ومسكت راسي وقالي زوجي خليه

بعد شوي جبت رضاعه ثانيه فيها شاي ملوبا بالفواكه نفس الشي صار

شوي وببكي

المهم بعد أسبوعين ونص راح أسافر ماليزيا ومستحيل أرضعه في الطياااااااااااااااره

شسوي؟

إلي عنده خبره يساعدني حتى أكله قليل مقارنه بأقرانه

أختكم يللوووووووووووو

المشاركة الأصلية كتبت بواسطة بحرينية ولكن الله يكون في عونج.. المشكلة إن الطفل صعب تغيرين من عادته .. أنا بنتي 3 سنوات وللحين ترضع بالرضاعة.. بس اسبوعين ونص كافية أن شاء الله.. حاولي ولاتيأسين.. جربتي تعطينه يشرب في الكأس اللي بالفتحات.. أو بالعود.. يمكن يتقبلها أكثر من الرضاعة.. وأفضل أيضا..

المشاركة الأصلية كتبت بواسطة بحرينية ولكن حبيبتي.. ترى حليب الأطفال مثل نان وكيكوز واللي مثله ماصخ مافيه سكر... أنا أعرف وحدة تضيف له السكر عشان بنتها تشربه.. وأنا بنتي تمشي في الشهر السابع أحاول أعطيها عصير كوكتيل الجاهز.. أو حتى أعصر لها الفاكهة وأضيف السكر.. أدري مب سهل ابدا تعلمينه عليه بس حاولي.. جربي كل أنواع العصاير هو ماشالله كبير لا تخافين عليه من الأكل او المشروبات الجديدة.. أنا بنتي الأولى كنت أخاف اعطيها أي شي (أم يديدة).. وأتقيد بكتب تغذية الطفل.. وهي الحين 3 سنين وماتاكل شي مفيد أبدا.. بنتي الثانية من ألحين أعطيها كل شي تجربه بس بكميات محدودة كل مرة.. ما أكثر عليها.. والحمد لله أحس شهيتها افضل من الأولى.. لا تخافين أختي توكلي على الله.. وجربي له عدة أنواع.. ومثل ماقلت لج إضافة السكر إن شاء الله ماتضر..

المشاركة الأصلية كتبت بواسطة yallow السكر صعب أحطه لأن مرض السكر منتشر بين الأطفال ,شو رايك في العسل مع الحليب؟ سمعت أن العسل في السنه الأولى من الطفل يتحول لماده سامه, هل صحيح هالكلام؟

المشاركة الأصلية كتبت بواسطة king-n-quean كإنك تتكلمي عن بنت أختي من جد بهدلتها ونفس الشي تسوي, بس تدري إيش ضبط معاها حليب الأطفال الي بالشيكولااتة مره عجبها وتنازلت أخيرا و رضعت الرضاعة إن شاء الله يفيد معاك, ورحلة موفقة .