حبيبتي ميني ماوس
كلنا مرينا بنفس مشكلتك .. راح أقول لك من واقع تجربه مريت أنا بنفسي فيها
أولا .. لما تروحين سوبر ماركت أشتري لولدك بو سنتين بعض الحلويات اللي هو يحبها وبدون مايشوفها ولما توصلين البيت وإنتي قاعده مع ولدك عطيه الحلويات وقولي له إن الحلويات هذي من عند البيبي اللي في بطنك
اليهال بهذا السن يكون تفكيرهم على قدهم وبيصدقون فشوفي أول ردت فعل لولدك راح تتغير للأفضل وبينبهر من كلامك
ثانيا .. لما تبوسينه بوسيه مره ثانيه وقولي له البوسه الثانيه من البيبي اللي في بطني علشان هو قالي أبوسك علشان هو يحبك
ثالثا .. دايما قولي له إن البيبي يسلم عليك ويقولك صباح الخير أو مساء الخير على حسب الوقت اللي تتكلمين معاه
رابعا .. في أثناء الأكل أو في طلعاتك أو لما يقوم بأي نشاط طيب ذكريه بالمولود الياي بأنه مبسوط من أفعاله وإنه وايد يحبه ومستانس منه
والله يوفقك ..
إنشاء الله أكون أفدتك
06-06-2006, 11:29 PM
ضوابط المشاركة
العرض المتطور