اختي ريم ,,, لقد تابعت معاناتك من اول ما كتبتي عن موضوعك ... } كان الله في عونك

اشكر بنيابه عنك كل من ساهم في توجيهك وتهدئت نفسك والدعاء لك عسى الله ان يقبل ما دعو به

اختي اود اليوم ان اهنيك بزوجك لانه طلع شهم وكريم معك في تفهمه لوضعك بس حطي نفسك مكانه واظن انك

فعلتي اكثر من مره ,, بنسبه للي حصل منه في اليومين هذي من نفور اوعزوف في العلاقه .. << هو بسبب ردة

فعلك السابقه ,,, يعني خايف يقلب المواجع عليك ,,.>>

ولهذا السبب انت بادري في العلاقه معه وما اظن انه بيردك ابدا ,,, اذا حبيتي تهدين الامور الان معه,, يكون افضل

او انك تبدئين بالمحاوله وتحسسينه بانك مــــــــــعه نسيتي جميع اوجـــــــــاعــــــــك وهمـــــــــــــومك ولهذا

نفسك تســــــــعدينه وتتقـــــــــربين منه اكثر ,,, الله يسعدك ,, امين

احب اقولك شيلي جميع الافكار المتشائمه من راسك .. مثل الزواج باخرى .. اوانه قرفان منيك .....,,,,,,,,,,

حتى لاترسخ في بالك وتتعبك وتحرمك من السعاده اللي بانتظارك ان شاء الله


تاكدي اننا معك دائما باذن الله ,, بالدعاء ,,,,, والنصيحه,,,, ودمتي

اختك لي مشاعر

__________________
يا مرحبا .. نورت المنتدى بوجودك .. حياك الله

سبحان الله وبحمده

مشكورين يا أخ تباع الأثر والاخ كاره الرياضيات


أنا قلت لزوجي على القصه وماحدث فيها وانه لم يتم فقدي لعذريتي


وهو فاهم هالشي فأظن انه من الصعب علي أقلب القصه وأغيرها


صعب جدا التناقض وخصوصا اني فهمته المحاوله الفاشله من عمي وقتها كنت منهاره من قوة البكاء وكنت أسبه سب فظيع

جدا جدا يعني أتوقع انه ما راح يصدق فكره انه سئت الظن بعمي وانه كان يوقظني من النوم فقط


راح احاول أصبر فتره شهر شهرين اذا ظل زوجي على الصد والهجر والجفاء

راح اتحين الوقت المناسب وأصارحه فيه وعن أسباب صده وبعده عني

وبنفس الوقت راح أكون له الزوجه الحنونه والزوجه المهتمه بزوجها

وقد ما أقدر بدلعه و أونسه وأخليه يعيش لحظات حلوة


ومتحاجه دعواتكم لي كل من يدخل ويقرا مشكلتي محتاجه منه الدعاء

__________________

مشكور او مشكورة

ياا لي مشاعر

على اهتمامك وتفاعلك ومشاركتك

والف شكر على دعائك لي


بحاول قد ما اقدر اني اشيل الافكار السيئه من راسي

__________________

غاليتي ريم الله يفرج همك ويسعدك ويرزقك الذريه الصالحه

صراحه قلبي معك وادعي لك من كل قلبي من عرفت قصتك

اختي ليه مايكون زوجك بعيد عنك هذي الفتره لانك انتي زعلتي منه اخر مره حصل بينكم شي وعشان كذا حس انك انتي الي ماتبين هذي الشي يعني يفكر في نفسه ويقول لو اقرب منها راح تقول وش ذا الاناني الي مايفكر الافي نفسه ليه ماتبدين انتي معه حتى ينكسر الحاجز

ولا تحطين في بالك انه كرهك ابدا وبعدين ترى سنك صغير يوم الحادثه واذا كنتي ماذكرتي له العمر حاولي تذكرين عمر اصغر


ونصيحة لوجه الله لا تدعين على عمك ادعيله حتى تحل مشاكلك كلها باذن الله تعالى وتشعري براحه نفسيه

والله الله بزوجك عاد انتي ماتتوصين بس تذكير وسوي كل الاشياء الي كان يطلبها قبل حتلى لو ما طلبها الحين

والعطله جايه ليتكم تسافرون عشان تغيرون جو وتتحسن ان شاء الله نفسياتكم الله يسعدكم

واسفه على الاطاله بس يالله نحاول نفتح لك افق واراء وافكار تختاري منها الاصلح

لحظه وداع

أشكرك من كل قلبي

بس ياريت نقدر نسافر بس زوجي ما عنده اجازة والأسهم دامره الميزانيه



على فكره زوجي اليوم قالي كلام غريب

جدا حبيت أقوله لكم


زوجي ما يواطن السفر ويكره يسافر

واليوم قال لي وش رايك نسافر يومين نغير لنا جو فيها


وش معناه تصرفه ؟؟ هل هو جاد بكلامه؟؟

__________________

يعني يمكن أول لما أجيب له طاري السفر يقعد يحط 100 عذر وعذر وجميعها اعذار واهيه


يعني مرة قلت له قبل 5 شهور
نفسي اسافر مكه ناخذ عمره يومين ونرجع قال لا

سالته ليش قال فيه حمى الضنك!!!


قلت له نروح اي مكان ثاني قال لا ما فيه فلوس



مع انه ماهو بخيل بالعكس بس يكرهه يسافر ما يطيق السفر

انا استغربت لما قال لي وش رايك نسافر لنا يومين؟؟؟

ما تلاحظون تصرفه غريب شوي؟

__________________

سبحان الله
أختاه ...
كل ما ذكرتيه يؤيد وجهة نظري ونظر الإخوة والأخوات في كريم طباع زوجك ونبل أخلاقه
وما وجه الغرابة في تصرفه هذا ؟؟

إن هذا هو التصرف الأمثل .. ففي السفر وتغيير هذا الجو الذي خيمت عليه سحائب من الحزن والأسى أفضل الفرص لتجديد عهود المحبة والوفاء ونسيان الذكريات المؤلمة
وأبشري أختاه بفرج من الله قريب إن شاء الله وأرجو أن تتحمسي لهذه الفكرة وتوافقي عليها وإن شاء الله تزول الغمة وينجلى الغبار الذي عكر صفو حياتكما

فرج الله همك ورزقك الخير كله وهدى لك زوجك

مشكور اخوي تباع الأثر



ويا رب ياا رب نرجع لبعض مثل اول واحسن

__________________

اختي ريم ..

انتي ليش معقده الامور ومعطيتها فوق حجمها ..

موقف مر معك وانتي صغيره .. وقلتيله لزوجك

اعتقد انه يحبك ومستحيل يتزوج وللا ينفر منك وللا يحس بالاشمئزااااز ابدا

في رجااال كثير يتزوجوون ارمله وللا مطلقه.. هل يحكم عليهم انهم يعيشووون اخواان تحت سقف وااحد

اكيد لا .. ومثل ماقلتي زوجك مثقف .. يعني تفاهات ما بتأثر عليكم ان شاءالله ..

هو حاب يجدد لك الجو .. ويغير من الروتين .. ويخفف من توترك .. عشان كذا طلب السفر

الله يوفقكم ويهينك .. وانسي الموضوووع وحاولي تمارسين حياتك بشكل طبيعي وكأنك ما قلتي له شي على الاطللاااق

تحياتي ..

الحمد الله اختي هذا هو الفرج باذن الله تعالى

يعني زوجك ابعد عنك هذي الفتره عشانك انتي مو عشانه

اقول اختي حطي زوجك في عيونك وسكريها بعد ما شاء الله عليه حنون يقدر مشاعرك وراحمك بالي مريتي فيه وده ينسيك همومك

الله يخليكم لبعض ويتمم عليكم هذا الحب