شذى : جزاك الله خيرا .. كلامك رائع
وبصراحة أنا ناوية أقوله على هالمندى .. بس خايفة يشوف موضوعي هذا و تخرب السالفة بدل ما تصلح ..


أخي الكريم الرجولة : أشكرك من كل قلبي على ردك
أخي هو لما قال لي أنه ( يبغى يتزوج علشان كرت العائلة ..) لم أصدقه بل استشفيت منها أنه يبغى يتهرب من المسؤولية و أنه خايف و متوتر .. لآن ذلك واضح من طريقة كلامه .. هو لم يتعود على مسؤوليات كبيرة فكيف بهذه المسؤولية .. هو لا يتخيل نفسه أن يكون رب أسرة يصرف على البيت و يكون هو العمود فيها .. أحس أنه معدوم الثقة في النفس أو أنها قليلة ..مع إنه لما تزوج كان مستعجل في الزواج و كان يبغى الراحة والاستقرار و البعد عن الفتيات اللي والله ما يستحون يكلمونه و اللي تطلبه الزواج واللي ترسل لها هدايا لعند باب بيتنا ( شوفوا الجراءة ) حتى ما استحت إحنا نشوفها .. وهو طبعا كان يقولنا عن كل شيء .. فهو تزوج علشان يرتاح من كثرة التفكير ويكون تفكيره في وحدة يعطيها كل اهتمامه وحبه .. والصراحة استغربت إنه يبي ينام لحاله ( أنا أتوقع إنه قال لي كذا علشان يشوف وش رح أقول لآنه سألني أشياء .. هل أنام مع زوجي لحالنا في غرفة .. هل سرير واحد ... هل الغطاء واحد ... طيب لو سحب عليك البطانية أو الغطاء وش تسوين .. قلت له أسحب الغطاء لعندي حتى أتغطى ... ) المهم بعدها على طول قال الله يعين و بتنهيدة فيها قلق وتوتر و قال لي باقي كم شهر .. الله ييسر ...
كمان قلت له صح أول ليلة يمكن فيها خوف لكن بعدين بتتعودوا على بعض و يصير الموضوع عادي ...

على فكرة : هو قبل الزواج كان فرفوشي جداااااااااا كل من يقعد معه منا يضحككك من سوالفه اللي كلها ضحك و أصلا طريقة كلامه تضحك و تعليقاته كمان .. ولكن بعد ما تزوج تغير كثير صار شوي جاد .. و حاجة ثانية أحس أنه خايف تكون حرمته قوية معاه لآنها ما شاء الله شخصيتها قوية و صوتها عالي شويه و عنيدة أحيانا و حساسة لبعض المواضيع .. و زمان كان يشتكي لي أنها ما تقوله كلام حلو .. ..


يتيمتك يا جابر : بالعفل لما قال لها هالكلام ( المشكلة إن كلامه ليس ثابت و قوي زي حديث الرجال بل كله ضحك و تعليقات و طنازة بس تكون السالفة عنده جد .. ويبغاها تسمع منه وهو بهذه الطريقة )
المهم لما قال لها إنها لن تنام معه في الغرفة زعلتتتتتتتت ...و أحس العلاقة بينهم رح تتوتر زي كلامك
و أنا قلت له يكلم أخوي الكبير يمكن يساعده .. مع أني أتوقع أنه ما رح يكلمه لآنه خجوووول مع أن شكله يقول غير ذلك و تصدقوا ما عرفته على حقيقته إلا بعد ما تزوج ( لآني تزوجت ورحت عن أهلي وأنا صغيرة مرة )

مايا : أنا بالعفل أستحي من المصارحة و فكرت أنسخ له كم موضوع من المنتدى و أعطيه يقراه وهو لحاله في شقته ( اللي يشتغل و ينام فيها وليس شقة الزوجية ) ..و أنا أفكر أكلم أخوي الكبير .. بس والله إني مستحية والله يعيني

ريم : أنا بصراحة زيك حاولت ما انام مع زوجي اول الأيام بس الحمد لله تسهلت الأمور .. بس الصراحة .. احس الحرمة عادي تستحي و تقاوم .. بس الرجال ما ني مصدقة إن في رجال يستحي ويخاف من هذه اليلة و يقلق .. لا ويقول ما رح ينام مع زوجته .. احس انها صعبة .. ولا أنكر فهناك لك قاعدة شواذ ..

والله يفرج عنا وعنكم
أسفة على الإطالة .. و بصراحة والله إني مستحية منكم قلت لكم بسافر و لا عد سافرت لظروف عن أخي اللي بيوديني لأهلي و إن شاء الله تتعدل الظروف

__________________
الحمدلله حمدا يليق بجلال وجهه وعظيم سلطانه..الله اجعل ابنتي من الصالحات وأعني على تربيتها يارب