المشاركة الأصلية كتبت بواسطة SKYGUARD اهلا اختي بنت طيبه... انا اخذت بارائكم الله لايحرمني منكم وبعدت نفسي عن الموضوع تماما....

حبيبتي SKYGUARD :

ما أدري شقولج ، لكن الحقيقة يتني غصة يوم قريت هذي الجملة !!
تجوفين إختي إن هذا حل لها ؟ إذا السكوت حل ، اكيد نسكت ، لكن إذا بإيدنا نسوي شي عيل لازم نبادر ونقدم .
ما ألومج بسبب الظروف اللي حواليج ، وبسبب نظرة المدرسة السلبية ، لكن بقولج شي :
لي معلمة أعرفها منذ حوالي 5 سنوات هي من طلبت صداقتي برغم إيمانها بالضرر الذي قد يلاحقها بسبب علاقة الطالبة بالمعلمة ، وبرغم ثقتي إن الضرر احتمال كبير بيلاحقني أنا أيضاً ، لكني ما كنت أهتم لسبب ، إني أعرف أني صح حتى لو هالشي ما بيرضيهم
.....................هذي نقطة .
النقطة الثانية إختي : أحياناً عدم التدخل يكون حل ، لكن في هذه المشكلة يا SKYGUARD برأي لابد وأن يكون لج دور خاصة وإن البنت متعلقة بك ( وبهالطريقة تستغلين هالنقطة لصالحها ) ، أتوقعها ما تتقبل من المرشدات " لأنها تعتبر إن هالشي تدخل ! وهي ما طلبت منهم مساعدة ، لاقتناعها بأنها الصح ، حتى لو هالسي مب مقبول منها (أي مظهرها ـ تصرفاتها - كلامها ..الخ )<<تلقين هذه النوعية بهالسن صعبة وسهلة بنفس الوقت ، لكن محتاجة أن نحتويها ونفهمها صح ! ونعيش طريقة تفكيرها .

لهالسبب عدم تقبلها للنصايح هو لأن هالشي يسبب لها إحراج بطريقة أو بأخرى ظيفي على هذا كله إن الموضوع جدًا حســــــــــــــاس و وايد اللي يعرفونه ( المديرة ، المرشدة ، الــ ....) فتحس إنه تدخل والكل يدري عنه ، فطبيعي ما بترضى على عمرها أن توضع بهذي الزاوية وتحكر .
مثل الطفل اللي تلقمينه أكل بالغصب هو مايحبه ولا يستسيغه تلقينه مباشرة (( أعزكم الله )) يزاوع " يرجــّع " ، مع إن هالأكل مفيد له ، مثل ما هذي النصايح مفيده لها .
وصلـــــــت ؟

- نصيحتي لج :
تكسبينها ، وتسحبينها بالكلام ، ولا تستخدمين الاسلوب اللي استخدمت الإدارة أبداً ، فالنصيحة والإرشاد بموضوع حساس ونفسية تعبانة ما بيأدي إلى النتيجة المرجوة إنما لعناد تلقائي .
* إختي :
نحن ما نعرف كامل التفاصيل عن الطالبة ، لكن إنتي ادرى ، فإذا تجوفين إن دورج بيأثر عليها صح ، إذا ً لا تترددي بمساعدتها ، أما إذا تجوفين إن السكوت هو الحل بالفعل إذاً شورج وهداية الله
خوفي إنج ظلمتيها بس ..
- اسمحيلي ع التدخل ، وتقبليها بصدرج الرحب -

تحياتي لج ، إختج :
خلك إيجـــــــــابي !