الله يخليكم يا ناس يا عالم لا تهملون مشكلتي ,,انا ابي اطلب الطلاق من زوجي بس وايد متردده ,لاني ابي اعرف متئ يكون من حقي ان اطلب الطلاق ,,يعني لما اقول لزوجي طلقني ,راح يسئل شنو السبب ,انا راح اقوله الاسباب بس اخاف ما تكون هي هذي الاسباب الي من حقي اطلب الطلاق فيها ,الله يخليكم قولولي شنو الامور او شنو السباب الي يحق فيها للحرمه تطلب الطلاق ,اتمنئ تكونون فهمتوء قصدي ,ارجوكم لا تردوني لا تهملوني

شالأسباب اللي تخليكي تفكرين بالطلاق؟؟

ممكن توضيح الاسباب لطاب الطلاق

__________________

لا تطلبي الطلاق و إنما فاتحيه بالأمور التي جعلتك تقولي ماقلت واعلمي ان البيوت تبنى بالحوار وباللين وان الزواج هو ميثاق غليظ لكن و للأسف نرى عكس دلك مايحدث بالله عليكم كيف تفتحوا قلوبكم للجيران وللناس جميها من خلال النت وتزصدوها في وجه أزواجكم وزوجاتكم فقط إن كنتي لا تستطيعي فخدي المبادرة خطوة خطوة والله الموفق

كل المشاكل ممكن الزوجه تتغاضي عنها إذا كانت صغيره وتقدر تحلها بالحوار والتفاهم مع زوجها
وأعتقد الزوجه ما يحل لها تطلب الطلاق من زوجها إلا إذا كان تارك للصلاة أو كانت تبغضه

__________________
Hug

أول شيئ ما هي الأسباب وبعدين نحكم معك
وثاني شيئ أختي مش كل مشكلة يطلب عليها الطلاق

أختــــــ بنت ديرتي ــــك

__________________

	في المدرسة نتعلم لنمتحن وفي الحياة نمتحن لنتعلم

أنا رأيي من رأي الاخوات اللي ردو عليك

وش الأسباب؟؟

__________________

اول شي اشكر الجميع علئ ردود و علئ انكم ما هملتوء موضوعي ,,ثانياانا مو مستعده ادمر بيتي علئ امور سخيفه و لا لاني ما اقدر احل مشاكلي ,بلعكس شوفوء يا جماعت الخير انا راح اقول لكم بعض الاشياء و انتم احكموء او مو معنئ كلامي اذا قلتولي ابقي مع زوجك انا اخذ الكلام و لامعنئ اذا قلتولي اطلقي اطلق ,مو هذا قصدي يعني يكون طلاقي لو استمرار حياتي عندكم بس انا حبيت اشوف الامور الي راح اطلب الكلاق علشانهم من حقي ام لا ,,ممكن انتم تسئلوني و انا اجاوبكم

انتي شو المشكله الي مزعجتك وخلتك تفكري تطلبي الطلاق؟؟؟؟

يعني بتهيالي ما حد فاهم عليكي المفروض تكتبي شي عن حياتك حتى الكل يقدر يساعدك

يعني الواحده تطلب الطلاق بعد ما تكون جربت كل الحلول الي ممكن تنحل فيها المشكله وازا ما نحلت بعدا بصير الطلاق اذا صارت الحياه مستحيله ولا تطاق مو على امر بسيط كل ما تدايقي بدك تطلقي الا اذا كنتي ما بتحبي ومو قادره تتقبلي نهائيا وقتها شي تاني
بس يا ريت تكتبي اكتر شوي عن السبب

يا ناس يا عالم لا تخلوني اندم لاني حسبتكم مثل اهلي الجئ لكم عند همي ,,انا مو غبيه او خبله علشان امور تافهه ادمر حياتي ,انا اعرف زين وين المشكله صعبه وين التافهه ,,انا طلبت منكم انكم تقولولي متئ يحق للحرمه الطلاق بس الظاهر محد فهم علي ,بلنسبه حق مشاكلي ,شسوي لازم اقول لكم علشان تفهموني ,مشاكلي ,انا لي 10 سنوات متزوجه ,,زوجي عمره ما صرف علي ,ملابسي من اهلي ,,كل شي يخص الحرمه اهلي يودونه لي ,مصروف ما يعطيني الا قليل علشان اشتري اشياء تخص الدوره ,عصبي ,ما يتفاهم ,الطك عنده ما عنده حل ,<<الضرب >> سنين و انا اتوسل فيه انه يترك هذي الحاله الطك الضرب ,و فعلا تركها بس بعد ما طلعت روحي و انفظحت كدام الناس ,ادري راح تقولون الخطاء علئ اهلك لانهم يودولك اغراض المفروض هو يصرف عليكي ,,يكوم لعلمكم زوجي حتئ مهر ما رضئ يعطيني الي يشوفه يقول له انت بتزوج لو بتاخذ وحده من الشارع ,عطاني المهر غصب مجبور ,يا قولولي الريال الي ما يعطي زوجته مهر شنو تتوقعون من عنده ,لا تحسبون اني ماديه لا والله بس الحرمه تحب تشوف زوجها يصرف عليها و هذا شرع الله ,,اطفاله و اهله و ضيوفه شايلهم علئ كفوف الراحه الا انا ,,اتحملت من عنده الاهانه و الذله ,كل شوي يذب علي كلام والله يهد الجبل و كا هذا و انا ما ابينله ,بس هو ما ادري شفيه يمكن لانه يشوفني ساكته ,ضليت ادافع عن نفسي و ما اخليه يتعدئ الحدود ,الحين طالعلي بموضوع جديد ,الله عليكم اذا انسان مبتلي بمرض ,يعني الله سبحانه و تعالئ باليه بمرض ,بذمتكم ترحون تشمتون بهذا الشخص و خصوصا اذا كان هذا الشخص عزيز عليكم ,انا عندي والدتي مريضه فيها مرض نفسي ,تدرون زوجي شنو يقول لي انا بعد ما ابي اطفال ,قلتله ليش يقول اخاف عيالي يطلعون مجانين ,قلت له شنو قصدك قال اهلك مجانين اما ما ابي اطفال ,,شي يدمر الاعصاب ,دائما عيونه علئ الحريم ,بذات علئ الحرمه البيضاء ,,واذا شاف حرمه بتلفزيون يفقد و يقول يبويل هذي الحرمه ,,لاني ابي اسوي فيها جذي وجذي ,يعني يقول كلام والله فضيحه ,انا استحي اسمعه من عنده مع اني زوجته ,,اقول له انا مقصره معك بشي يقسم و يقول لا ,اقوله ليش سوي جذي يقول احب الحريم ,,والله طلبت منه انه يتزوج ,,خفت قلت يمكن انا مقصره معا ,والله ثم والله طلبت منه انه يتزوج هو ما رضئ يقول انا ما ابي ادمر حياتي و لا ابي اظلم اطبالي ,,اهله بكل شي حاشرين انفسهم بحياتنه و خصوصا اخته ,اخته حتئ عن العلاقه الخاصه تبي تعرف شنو نسوي ,الله عليكم في اخت بلدنيا تقول حق اخوها روح دور ذكر مالك وين ,,والله انا اخجل اني اقول هذا الكلام بس قولو عمركم سمعتوء ,انا عمري كله ما سمعت في اخت تقول هذا الكلام حق اخوها الكبير ,وايد مواقف و امور صارت من طرف اهله و هو راضي عنها بينما هذي الاشياء دمر ,,زوجي يحب يسوي اشياء حرام ,,مثل شنو راح تقولون ,ما ابي اكول لاني احتقر نفسي من اذكرهم ,,وشتم اهلي اربع و عشرين ساعه علئ لسانه و لما اقول له حرام عليك اهلي شنو مسويلك يضحك و يستهزئ فيني ,,,صار عندي نهيار عصبي و رحت الدكتور و انا الحين اخذ علاج حق مرضئ نفسين و السبب هو زوجي ,,لما تصير مشكله بيني و بين زوجي احاول معا ان نتفاهم علئ المشكله و ما نخليها تكبر ,زوجي ما عنده تفاهم بسرعه يعصب ,يستهزئ ,يقول كلام يدمر الاعصاب ,,يابن الناس حرام الي تسويه فيني انا حرمه مريضه خاف من الله ,هو لا كانه يزيد النار حطب ,والله وايد اشياء للحين ما قلت الربع ,بس تعبت وايد احس نفسي ابي ابجي ,,لاني مضايقه من نفسي و من زوجي و من اطفالي و من حياتي و من قسمتي السوده الي بتليت فيها و اذا عندكم اي سوال انا مستعده و شكرا