أنا بصراحه ما جربت الا الطبيعي .. والله كنت بمووووووووت من الخوف ومن الحياء ..

يعني مب متخيله نفسي كيف بولد وكيف بخلي الدكتوره والممرضات يكشفون علي ..


بس والله حزه الولاده ربج ايسهل عليج كل شي .. انت بس احفظي السور والآيات والادعيه الي تسهل الولاده وخليها على لسانج دووووم وخذي زيت خروع واكلي تمر باستمرار و صدقيني كلها ألم ساعه او يوم بالكثيــر وأول ما اتشوفين كتــكوتج بتنسيــن كل شي .. سبحــان الله

اذا الله كاتبلج تولدين طبيعي احمدي ربج واشكريــه لانها نعمه ..

أنا أذكر أمي الله يحفظها ويطول في عمرها كانت آخر مره ولدت فيها بقيصريه وتعبت فتره طويله وأخوي عمره أحين 13 سنه وبعدها تعاني من ألم الخياطه خاصه في الصيف ... فلا تتحريين القيصريه سهله .. بالعكس .. والا كنتي بتشوفين الكل يسويها ولا بيتريون الم الطلق ...

ولا تحاتين سالفه توسع المهبل .. انا الحمدالله الحمدالله ما اتوسع عندي أبدااااا وما زلت كما كنت قبل الحمل ..

توكلي على الله والله ايسهل عليج حملج ويرزقج بالذريه الصالحه ان شاء الله ..

__________________