ما شاء الله عليك مطلعه وفاهمه
بس يا عزيزتي مسألة انها اسعد او اتعس هذي ما فيها شطاره
هذي نصيب من الله
الزواج مو شطاره....الزواج نصيب ومكتوب
وانا فعلا ما انكر اني سعيده بايامي وانا بنت بس كمان اسعد بعد ما تزوجت خصوصا بعد ما تفاهمت انا وزوجي وانحلت اغلبية مشاكلنا
الزواج هو الاستقرار والمشاركه
يكون عندك زوج يسأل عنك ويخاف عليك ويهتم بك
ويدللك ويحتاج لك ويعتمد عليك ويرجع لك بكثير من الامور
يصير لك مملكتك وحياه ثانيه غير وانتي بنت
يعني لو احد يخيرني ارجع بنت او اظل متزوجه اقول اظل متزوجه
صدق اني شفت المرار اول زواجي بس بعد التفاهم لقيت حياه ثانيه
وصارت ايامي وانا بنت مجرد ذكريات ما ودي ارجع اعيشها
صحيح حلوه بس ايامي احلى الان
ولاعاد احد يملى عيني ابد الا زوجي
والله لما اتعب ما احب احد يهتم فيني الا هو
عنايته غير عن اهلي
اهلي ودهم يشيلوني من فوق الارض بالعنايه بس سبحان الله هو غير
لما تجيني فلوس كهديه من اي احد واولهم الوالد....ما احس بغلاوتها مثل الفلوس اللي من زوجي
حتى لما اشتري بالفلوس الهديه شي....يكون غالبا شي ممكن اتشاركه مع امي وخواتي
بس الفلوس اللي من زوجي مهما كانت قليله او كثيره اشتري بها شي يكون لي ولزوجي بس
صحيح فيه مشاكل تمر علينا بس هي اللي تزيد غلاوة كل واحد عند الثاني
لما تباعدنا بسبب المشاكل تعلمنا شي اسمه تنازل
لما كان يقهرني وانا استفزه ...وبعدين تباعدنا تعلمنا شي اسمه احترام
لما صار لوحده وانا لوحدي تعلمنا ايش يعني ان الازواج سكن لبعضهم
لما وصلنا لدرجه من الكره تعلمنا ايش يعني يكون الحب
لما تعلمنا التنازل للاخر تعلمنا التفاهم ولغة الحوار الصحيحه
لما صرت في بيت وهو في بيت تعلمنا ايش هو الاستقرار
لما طحنا في المشاكل عرفنا ان فيه ضعف وانهيار ومجابهتها مو ضعف
تعلمنا ان التعلم من المشاكل هو اول خطوات الحياه السعيده
بصراحه لو ما صارت كل هذيك المشاكل ما اتوقع اكون احبه مثل الان وهو كمان بإعترافه
صدقيني مشاكل الحياه هي اللي تعطيها ملح وطعم
لا تعقدين نفسك
ولا تصيرين مثل اللي كذب الكذبه وصدقها
وتعوذي من ابليس
وصدقيني انتي قاعده تعلمين نفسك السلبيه...ويوم تتزوجين رح تكونين مشحونه بالسلبيه ولازم من تفريغ لها
فرغيها قبل الزواج وانعمي بحياتك
ونعم
في الزواج مشاكل وايام سودا
مثل ما فيه ايام حلوه وكلها سعاده
ولا نعرف البياض الا من السواد
ولولا الحزن ما عرفنا السعاده
حكمي عقلك عزيزتي واعذريني على التطويل ولكنك اثرتيني واخاف عليك من نفسك
__________________
[/IMG]
04-08-2006, 11:19 PM
ضوابط المشاركة
العرض الشجري