أختي تقريبا أنت مثلي..
بس أنا أعرف أوهق زوجي وأحكر له..

أنا أشم ريحة السيجارة من على بعد ميل..
يعني أعرف إذا في هاليوم دخن أو لا..
والحمد لله هو مادخنها كثير.. والحين تركها..

تدرين أنا اشلون وهقته؟؟
مرة قبل ما أدخل السيارة لقيته يتعلك..
وأنا أعرف زوجي مايحب العلكة..
ومن فتحت الباب هفهفت ريحة السجائر..
وأول ماقعدت قلت له.. تتعلك عشان ريحة حلجك.. والريحة فايحة في السيارة؟؟
يعني ماسألته إنت تدخن؟؟ ولا قلت له ليش تتعلك؟؟
لأنه بهالطريقة بيجيب لي مية عذر..
لكن فاجأته بكلامي..
وسادت لحظة صمت.. يحاول يفكر بتصريفة..
وأنا أطالعه انتظر أعذاره..
ضحك.. قلت له حكرت لك صح؟؟ قال وايد..>>>>>>>هههههههههه
بس سكت ولا عاتبته.. هالموقف المحرج كفيل به..

وأحيانا لما يدخل البيت وهو مدخن..
أقول له لا تفكر تجي صوبي قبل ماتدخل الحمام تغسل ويهك ويدينك بالصابون وتفرك أسنانك..
طبعا هو ينحرج وماينكر إنه دخن..

جربي هالطرق..
وإذا هو مايدخن إلا مرات قليلة معناته هو ما أدمنها.. ويقدر بسهولة يتركها..