20-08-2006, 10:49 AM
|
المشاركة الأصلية كتبت بواسطة saaab
اختي الفاضله
اعانك الله ........... وشفى لك الوالده امين هذا موقع للشيخ صالح http://binzaid.com/final/ وارجو منك وضع قناة الحقيقه للرقيا وان تحاولي الإتصال بهم وشرح الحاله وسوف يرسلون لك العلاج بأذن الله فهو مجرب ... لابأس طهور انشاءالله |
20-08-2006, 10:51 AM
|
المشاركة الأصلية كتبت بواسطة Reemona
نسأل الله لها الشفاء العاجل و ان يطمئنكم عليها
|
20-08-2006, 11:05 AM
20-08-2006, 04:52 PM
|
المشاركة الأصلية كتبت بواسطة عبير الأحلام
هلا بفراشتنا ( على قولة عيوش ) كبورة ( على قولة شوبارد ) حرامية  والله عجبني كلامك مرة .. وتغير تفكيرك لناحية ايجابية انبسطت منه مرة .. تعرفي كبريائي على قد ما فيك عناد وكبرياء و ... الخ من الشعارات اللي حفظتينا هي صم زي اسمنا بس تعرفي احس انه كله شي مصطنع وانه الكبرياء هذا كله مو شخصيتك الحقيقية احس انك بدأتي تتصنعي العناد والكبرياء عشان تغطي ضعفك ومع الوقت صارت سمات فيك تعرفي كبورة أحس لو قعدنا انا وانتي قعدة حلوة كذا مع بعض زي الصحبات الشطار الحلوين حاقدر باذن الله اغير فيك حاجات كثير واغير طريقة تفكيرك بدرجة كبيرة كبورة يا قلبي ترى الام والله والله والله اغلى منها مافي واحن منها علينا ما في تعطي من غير حساب ومن غير مقابل امي دمعتها عزيزة مانزلت الا اربعة مرات في حياتها تخيلي ! مرة يوم اتوفت ستي الله يرحمها ومرة يوم اتوفى سيدي الله يرحمه ومرة عشاني ومرة عشان اخويا آه كبورة ايش اقولك عن امي حبيبة قلبي والله افديها بحياتي والله لو بيدي اشيل همومها كلها واحطها في قلبي واشيل مرضها كله وانا اتحمله هذي الغالية هذي والله زوجي اللي هو اغلى انسان على قلبي ماوصلت غلاته غلاة أمي آآه يا أمي كيف بتزوج واتركك  تصدقي لو قلت لك مرة من المرات كنت بانهي زواجي تعرفي ايش السبب ؟ خرجت مرة مع زوجي من الصبح لليل اتمشينا في كل مكان واشترينا للدبش رجعت في الليل اسلم على اهلي احضنهم وابكي واقولهم مااااااااااااااابغى اتزوج مااااااااااااقدر افارقكم واحضن ماما بالذات وابكي ابكي ابكي من قلبي انفعوا حسبوا صار شي بيني وبين زوجي كبورة يا قلبي عارفة الام لو تعطيها ذرة ترجع لك الذرة هذي أضعاااااااااااف أضعااااااف تصدقي ابسط ابسط ابسط حاجة تسعد الام المسكينة لو قعدتي مرة من المرات وقولتيلها نكت وصرتي ( اراجوز ) اتخيلي الفرحة اللي بتدخل قلبها .... !! لو يوم من الايام سويتي براد شاهي .. وكيكة صغنونة وقلتي لها يا ماما هذا عشان خاطر احلى عيون ست عيلة الـ ( ... ) كلهم اتخيلي الفرحة ... !! حاجات بسيطة نسويها لامهاتنا تدخل الفرحة قلوبهم وتخليهم يعطونا اضعاف اضعاف ترى الام قلبها حنوووووووون مشكلتنا نحسب امهاتنا زي بقية الناس زي صحباتنا مثلاً شوفي الصاحبة ممكن تفكري قبل ما تكلميها وتخافي من ردة فعلها .. وتخافي صورتك وشموخك يتهز قدامها عشان لا تمسك عليكي نقطة ضعف بس الام والله ضعفي ما يظهر الا قدامها ابكي واحضنها اقولها ماما محتاجتك ماما لا تسيبني ماما لا تنشغلي عني لازم نكون صريحين مع امهاتنا ايش تتوقعي ردها بيكون ؟ بتشوفك ضعيفة ؟ لا والله بتشوفك بنتها حبيبتها تلجأ لها وربي يا كبورة حتلاقي انهار شلالااااات حناااان ما ينتهي لو ستك ( لا قدر الله ) كانت متوفية هنا دورك يصير مضاعف بما انك الكبيرة لازم تتحملي المسؤولية وتكوني مثل امها لو ستك كانت عايشة بس بعيدة برضه خذي دورها خليها تحس بحنانك عليها وحبك ليها احنا الله يهدينا مايرضينا العجب ولا الصيام في رجب تلاقي الام تعطينا دم قلبها وتضحي كثير عشاننا بس يمكن ساكتة وما تتكلم تجي تلاقينا نشتكي والله ماما مقصرة معايا !! وربي اننا ما نخاف الله شوفي الفرق الام ضحكة .. ابتسامة .. براد شاهي .. تحس انها ملكت الدنيا كلها احنا ملابس .. مصاريف .. خرجات .. دخلات .. طلباتنا اوامر .. تضحيات لها اول مالها آخر .. في النهاية ماما ما اعطتني شي والله اننا مقصرين في حق امهاتنا كثيييير آآه يا ماما آآآه والله لو بيدي ما اخليك تنطقي الآه ولا تعاني ولا قد كذا في حياتك حياتك ياماما سجل مفتوح قدامي اتأمل تضحياتك وعذابك وصبرك عشاننا وابكي واقول ياليتني كنت افهم والله ما اخليك تتحملي ربع اللي تحملتيه ياااه كبورة ايش هذا اللي كتبته كله الله يهديك بس يبغالك مصعة اذن **** لسه ماقريته والله .. سامحيني كنت مشغولة مع نبض قلبي |
21-08-2006, 03:07 PM
|
المشاركة الأصلية كتبت بواسطة عيوووش
ياليت أقدر أشوفك بس أخاف أنصدم خلاص رسمتك في خيالي ... انا زايرة المدينة بأذن الله مع زوجي بعد شهر أتوقع بتخيلك في أماكن كثيرة ... على العموم حبيبتي .. يكفيها قرائتك وسورة البقرة عند النوم .. لا توسوسوا كثير .. والآيات عظيمة تسمع بتدبر وإلا لا تمتهن .. حبيبتي ... (عبورتي ..أحم أحم..) أنا راجعت الحمدلله الصيف الماضي بس هذا الصيف كنت في دورة شرعية مكثفة ولما خلصت بديت المراجعة ومازلت الحمدلله .. يالله شجعيني أزيد النصاب مامعي أحد وأمشي حبه حبه .. حبيبتي وصلت المائدة .. وبعدها بدأت من جزء الذاريات إلى النبأ.. ومازلت .. يالله أعمل جدول ونمشي عليه .. ؟؟ والوقت معاك حبيبتي ورمضان فرصة ... ومسامحينك في العيد ... يالله ... أقولك بصراحة .. زواج صديقتي يوم الثلاثاء وأحكي أقولها باقي عبور لو يتم موضوعها على خير أرتاح .. تسأل مين ؟؟ أقول صاحبتي في المنتدى ... طبعا ما صدقت .. وأخذتها سوالف بشوبارد .. والحب والحبيب .. وبيورسول والأخوات ... (أسأل الرحمن أن يجمعنا في فردوسه الأعلى) .. ويقر عينك بشفاء الحبيبة .. مساحة سوالف آسفة بس صباحية حلوة الله يسعدك .. |
21-08-2006, 03:13 PM
|
المشاركة الأصلية كتبت بواسطة cute_baby
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآه ياغاليتي فكلماتك ادمعت عيني وآلمت قلبي والله ثم والله انك صادقه بكل كلمه سطرتيها لامستي قلبي بعض المواقف التي ذكرتيها احيانا بيني وبين نفسي افكر بها كيف سأتزوج واتركها وكيف وكيف وكيف مع اني لااجد منها ريق حنان لكن والله اخااااااااااف عليها اذا مرضت واحاول فعل اشياء تغير جو حياتها وتسرها زي ماقلتي اراجوز كيك بس والله كلماتك دمممممممممممرتني ربي لايحرمك امك ولا يحرم اي انسان من حنان امه ووجودها جنبه ربي يسعدك غاليتي |
21-08-2006, 04:23 PM
|
المشاركة الأصلية كتبت بواسطة عبير الأحلام
صاحب رأي سديد لكم تسرني عودتك للمنتدى أولاً ولكم تبهجني مشاركتك همومي وأحزاني ثانياً فلا عدمت عذوبة قلبك .. ورقة أخوتك الحمد لله .. لست أنسى الصدقة .. وجزيت خيراً على تذكيرك أشكر مرورك ودعاءك من أعماق قلبي أما والدتي فهي مازالت صغيرة امممم لا أعلم تحديداَ .. ما بين 40 _ 45 عاماً تزوجت صغيرة ماعلة سؤالك أخي الكريم ؟ |
21-08-2006, 04:42 PM
21-08-2006, 04:57 PM
|
المشاركة الأصلية كتبت بواسطة صاحب رأي سديد
علة السؤال هو ربما تكون اعراض امك قرب سن الياس ففي هذا السن تتغير الهرمونات ويصاحبها ارتفاع في درجة الحرارة وهذا تمر به كل النساء ولكن مع ما تعانيه امك زود عليها هذا الشئ .
الله يشفيها ويعافيها مجرد استنتاج ويمكن تعرضينها على طبيبة نساء ولن تخسرو شئ تحياتي |
21-08-2006, 05:00 PM
|
المشاركة الأصلية كتبت بواسطة احب زوجي جدا
اتمنى وادعو الله ان يشفي امك الغالية...اكثروا من قراءة القران ان كانت عين...خصوصا سورة البقرة...
انا قبل شهرين اصابتني امراة بالعين قبل زواجي ب 3 اسابيع.....جانب وجهي الايمن لا يتحرك..وعندما اتكلم يميل وجهي الى الجهه الاخرى...اللهم عافي جميع خلقك..لا تتصوروا كم تاثرت وانا التي افخر بابتسامتي التي اختارني زوجي بسببها...مررت بمرحلة صعبة جدا لكن وقوف اهلي وزوجي بجانبي ساعدني على تخطي الالم..والحمد لله بفضله تعالى...شفاني بعد ذهابي الى شيخ معروف...ولم اكن اخرج من البيت حتى شفيت.. وتزوجت في الموعد...الحمد لله على رحمته وفضله علي..الحمد لله ...الحمد لله ..الحمد لله .الحمد لله .الحمد لله |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
