لا شكر على واجب اختى
بخصوص موضوع التبويض, لما تبتدى معاكى الدورة , يعنى اول يوم نزول الدورة , تحسبى اليوم ده اليوم رقم واحد و بعدين تكملى عد مع الايام , لحد ما توصلى اليوم رقم 11 , هيكون ده اول يوم من الايام المتوقع يكون فيها بويضة , لحد يوم رقم 16 , الست ايام دول هم المتوقع يكون فيهم بويضة , و بينصح لو انتى عايزة تحملى يكون الجماع يوم بعد يوم , يعنى يكون فى جماع يوم 11 و 13 و 15
و ده لان البويضة بتعيش 24 ساعة فقط , اما الحيوانات المنوية بتعيش 3 ايام , علشان كده بيكون الجماع يوم و يوم علشان البويضة لو طلعت فى اى وقت تلاقى حيوانات منوية موجودة
هضربلك مثل عشان اوضحلك اكتر , يعنى لو الدورة ابتدت معاكى النهاردة مثلا 23 - 8 , هيكون اول ايام التبويض يوم 2 - 9 و اخر يوم 7 - 9 , لكن المهم تكون دورتك منتظمة
على الله اكون قدرت اوصلك المعلومة اختى
مع تحياتى