حاولي تودينها تشوف المدرسة بعينها ..وقت الفرصة احسن وقت لان الاطفال يلعبون واهي راح تفكر تلعب ..حاولي تسألين الناظرة على اذن زيارة وانشالله تساعدج ..بعدين بالبيت ناقشيها عن المدرسة والأطفال الحلوين اللي كانوا يلعبون وانها راح تصير صديقتهم قريب
حاولي تشترين كتب مختصة بالموضوع في كتب اطفال روعة ..فيها قصص عن اطفال خايفين من المدرسة وشلون يروحون ويستانسون بالمدرسة وبالفصل والالعاب (( قصص مجموعة المعارف حلوة حق خوف الأطفال من الروضة او طبيب الاسنان او مولود جديد))
قبل لاتروح الصبح المدرسة عطيها ساعة تلبسها وقوليها (( ماما راح تيي تاخذج لما يصير العمود على هذا الرقم ..اقصد علميها على الوقت اللي تطلع في من المدرسة .)) دايما تكلمي معاها عن اشلون ان المدرسة حلوة وعنك وانت صغيرة شنو كنتي تسوين بالمدرسة مع خواتك او زميلاتك لان الاطفال يحبون يسمعون قصص عن اهلهم بعمرهم والرسم مفيد لها وقوليها شلون الابلة راح تعلمها ترسم اشياء احلى وانك راح تحطينها في برواز وتعلقينها على الحائط
انشالله اكون افدتج وبالتوفيج