ام مزنه مااعتقد انك خليجيه ابد // انتي عممتي

او انك ماشاء الله عليك عايشه ومتدرين من وين تطلع الشمس

الناس في بطاله -- الاكثريه خسرانه في الاسهم -تدرين ليش لانه يبي يامن المال لزوجة التعاسه الله لايبلانا


ساضرب مثل بسيط :

رجل راتبه 4000 ريال وتوه موظف

كيف راح يتزوج ؟ ساترك الاجابه لكي / يمكن تحلين لهم العقده هذه ويدعولك الليل والنهار ويقولون الله يجزى ام مزنه بالخير

في الانتظار

انا اجاوبك بدل مزنه فيه مثل يقول ( على قد لحافك مد رجليك) اذا الولد ظروفه صعيبه لا يروح يتزوج ناس طلباتهم كثير..وبعدين الشاب بس يشوف البنت يصير طاير فيها ويدفعلها مهر غالي بس عشان يرضيها ويغريها وبعدين لما يمل ويطفش منها يقعد يشتكي ويتندم..محد ضربه على يده وقاله ادفع مهر فوق ميزانيتك عشان تزغلل عين البنت..اغلب الاهالي ما يشترطوا كم يكون المهر اخطب من هذي العوايل لا تخطب من عوايل متطلبه..المتطلبين خليهم للناس المقتدره..هذا غير اني اول مره اسمع انه الزوج يتكلف مصاريف كل شي من المهر الى مصاريف حفل الزفاف الى تاثيث البيت الخ الخ الخ هذي ما تحصل الا اذا كانوا اهل البنت ضعوف وما يقدروا يساهموا بشي اما العالم المقتدره واللي عندها دم تتحمل مصاريف حفل الزفاف لانه يكون للبنت غالبا او على الاقل يتحملوا بجزء منها..

بس اقولك شي احيانا لما اشوف حال (بعض) شبابنا اليوم من استهتار امثال الشباب اللي بغى يتزوج على زوجته عشانها ما بترقصله واللي يبغى يطلق زوجته عشانها مو رومنسيه اقول احسن خليهم يدفعو دم قلوبهم عشان يعرفوا انه مافي شيء يجي بالساهل اما لو انه اخذها بالجاهز مسهله كان هددها كل شويه بالطلاق لانه ما تعب فيها على قول المثل الانجليزي easy come...easy go!

__________________

^
^

ياحلو كلامك ياكريستاله يبرد الخاطر

__________________
اللهم لك الحمد والشكر
"ولئن شكرتم لأزيدنكم"

حنا ماتكلمنا على اللي يتزوج على زوجته ! اذا انتي ماره عليك السالفه هذه فهذا شانك انتي بس

يابنت الحلال حتى الضعوف يبون يضعفون الواحد
الرجال اذا جاهم قالوا اكيد مالقى الا حنا !
واذا ماجاهم احد قاموا يقولون بنتنا عنست ! واقع مشاهد

لايوجد حل
كل يزوج على هواه
بريال
بمليون
انت وحظك كانك داخل يانصيب

أخوي ساري

كلام كريستالة في البداية كانت تتكلم عن الشاب الذي لم يسبق له الزواج..

وفعلا معاها حق أنا لما أقرأ مواضيع بعض الرجال ومتطلبات البنت واهلها واستغرب

من قال ان كل الناس يطلبون مهور عالية؟ ومن قال ان كل الناس يبغون حفلات كبيرة!!

وصدقت كريستاله اخوي يوم بغى يتزوج بس يدفع على اتفه شي وانصحه ولايسمعني يقول نذلة انت منقهرة لأني بدفع لها!! والحين بعد مرور شهر تقريبا على زواجه

فجأة انقلب يقول راحت فلوسي على خرابيط الله يقطع الزواج!! وزوجته طلبت مبلغ معين ورفض!!

علما بأنه الأسبوع اللي راح أعجبتها (مستحية اقول وشو لأنه شي تافه جدا ) بألفين ريال وأخوي المسكين شراها لها يوم كان طاير بها

وصحصح هاليومين بس ردة فعله عكسية !!


وفعلا الرجل الغير مقتدر او الضعيف يدور له على بنت بمثل حالته ترضى فيه

مويروح لوحدة اعلى منه ثم يقول الناس يتشرطون!!

__________________
اللهم لك الحمد والشكر
"ولئن شكرتم لأزيدنكم"

أختي الكريمه
أنا لا اقصد الجنسيه انسي الجنسيات
أنا اقصد البيئة والعادات والتقاليد
أنا أفضل التي تكون من بيئتي وعاداتها مثلي

وكل بلد فيها حقها من الطيب والردئ
تحياتي وفي حفظ الله

__________________
جاء في الأثر أيضا خير الناس أنفعهم للناس .


ما أروع الانجاز والعمل المخلص اذا كان خالصا لوجه الله تعالى,, وكم من مؤمن وقاه الله شر صروف الدهر وأتراح الحياة فبارك الله له في عمره وماله وأولاده ووفقه الى كل خير وحبب عباده فيه، بسبب ما يقدمه في حياته[/SIZE][/B]

الله المستعان

لو نتكلم ونتكلم إلى أن يسمعنا الجميع , لن يصغي إلينا أحد .. هذه هي مجتمعاتنا

لا الحمدلله هذي السالفه مو ماره علي وان شاء الله زوجي ماهو من هذي الفئة اللي يدور على زوجته اي غلطه صغيره عشان يطير يتزوج عليها (عموما هذا ليس موضوعنا) انا كنت اقصد انه لما اشوف حال (بعض) الشباب اليوم وسطحيته وتفاهته اقول احسن خليه يتمرمط الين يتزوج عشان يعرف انه المسأله ماهي لعب.


انا استغررب فعلا من هذي العوائل لكن صدقني لو بحث مضبوط رح يلقى اللي تناسبه وترضى بوضعه يا اخي انا اتكلم من قصص اراها قدامي والله بنات زي الفل ما يبغوا الا الستر و ماهم شارطين مهر عالي ولا يحزنون بس ينتظروا الستر من ربنا لكن للاسف محد درى عنهم او يمكن الناس آخذه فكره غلط عنهم انهم يشترطوا بمهور ومصاريف.
وبالمقابل اشوف كمان شاب توه متخرج ماله سنتين واتسلف من هنا ومن هناك عشان يعطي زوجته مائة الف ريال رغم انه محد طلب منه المبلغ هذا (هذا حصل مع قريبتي)!! ليه هذا الاسراف ليش يلبس ثوب موب ثوبه (رحم الله امرئ عرف قدر نفسه)..

__________________

تصدق أخوي


وحدة من ربيعاتي ماشاء الله عليها جمال وذكاء .. وفي واحد جا يتقدم لها ... بس شرطت عليه المهر

و الباقي قالت مب لازم


تصدق إنهم ما ما سووا حفلة عرس

سافرت 3 دول كشهر عسل....................إنت قول صلحتها من هني وخربتها من هناك

بس زوجها ماشاء الله عليه ..جيبه مليان ...
( بس هذيك الأيام كان يمر بخسارة في الاسهم)

بس هي قالت ليش خسارة العرس و البهذلة ... أحسن شي نستفيد منها نحن ...


سووا ملكة ويوم عرسها ... راحت الصالون تعدلت واكشخت من مهرها ولبست ... تصدقون ما شرت أشياء وايد

وبعدين زفوها سيده عالطيارة ... وردت بعد شهر و10 أيام ... أحلى من مية عرس والله

طبعا زوجها قدر لها موقفها هذاك .. وأول ما رجعوا من الرحلة ... شرالها سيارة لكزس آخر موديل

-لمن تحسنت ظروفه- ... والحين هي مرتاحة وسعيدة والله يهنيها


وكل حد يسألها تقول مهما كان زوجي غني .. بس إن الله لا يحب المسرفين..............

تصدقون إن أم الولد كانت رافضة مبدأ إن مافيه عرس وإن مهرها قليل؟؟؟؟؟؟؟؟؟؟؟؟؟؟؟؟؟؟؟؟؟؟؟

بعدين هي أقنعتها ...وأقنعت الجميع حتى حفلة صغيره ما سوت ....




بس صراحة زوجها للحين ما ينسى هذيك الأيام


ودوم تقولنا إنه يقولها """ فضلتي تقعدي معاي ... على إنج تسوي حفلة زواج وتجابلي خلق الله """


الله يهنيهم

__________________

__________________
تركع لك كل النساء حباً و كرامة ، و أظل أنا بينهن الوحيدة تخشاني و لا أحبك!!

خلك إيجابي!