السلام عليكم ورحمه الله وبركاته

اختي الكريمه ...

اول شي احب اقوله لك..انت لما تسوين اي شي لازم تحتسبين الاجر عند رب العالمين ..

ان كان من خدمة زوجك تراه لك الاجر العظيم عند رب العالمين واذا تبين زوجك يعزك ويقدرك انت واهلك لازم تقدرينه

وتقدرين اهله ...

انا لو منك اعد اخت زوجي اختي وبالعكس بتسلى وياها بدال ما اقعد في البيت طفشانه لحالي..

يمكن ترتبطين من ناحيه زيارة اهلك بس تقدرين تدبرين امورك ...ولو ما هي مضطره ما جت عندك ..

حلوه الخصوصيه وانا احترم رايك من هالناحية بس مصيرها تتزوج وتروح في سبيلها ...

واذا على مشكله الطباخ انت عندك خدامه علميها الطبخ وخليها تطبخ حق اخت زوجك واذا زوجك رجع من شغله انت

اطبخي له وهذي المشكله انحلت ..

انا عايشه مع اهل زوجي ويعلم الله اني عادتهم اهلي وخوات زوجي خواتي وحتى لو في مشاكل تراها تصير بين

الخوات ومافي داعي زوجي يعرف بهالمشاكل لانه اغلبها مشاكل حريم وعيب عليه اصلا يدخل مبينا وعيب علي اكثر

اني انقل له العلوم والكلام اللي يصير بيني وبين اهله ...

واسمحيلي اختي الغاليه ...

والسلام ختام الكلام