السلام عليكم ,,,


آه ياقلبي والله ما ادري ايش اكتب وايش اقوول احس اني قرفت خلاااااااااااااااااااص على حافة الانهيار ...

اليوم اتجهزت وخلصت على اساس باحضر ملكة واحدة من بنات العائلة وقلت يلا اسم اني من زمان مازرت احد من اهلي

وخليني ازورهم قبل لا ارجع على جدة ...

وبعدين غيرت رايي .. كذه بدون سبب كنت خلاص عند الباب خارجة وغيرت رايي ورجعت ....

بالله ايش اسوي ؟ اخرج الشارع وادور على رجال ؟.. واقول مين يتزوجني ؟..

انا ايش ذنبي لو جا واحد سمين او حتى احول النصيب بيد ربنا مو بيدي انا ..

عارفين ايش يقولوا ؟

( هذا كل اللي ربنا قدرك عليه مالقيتي واحد احسن منه ؟.. )..

اللي قرا موضوعي الاول حيفهم ايش اقصد ..

تدرون نفسي ارجع للثانوي الله على الايام الحلوة الكل كان يقول كبريائي بتتزوج بدري لانها حلوة وتستاهل

بس لو تنحفي تكوني احلى ونحفت . وبرضه ..

صرت كل ما اروح مكان الكل يسال اتزوجتي ؟ اقول لا لسه يستغربوا ..

انا وزميلتي الوحيدات من الدفعة اللي دخلوا الجامعه والباقي لا .. وكان ترتيبي في الثانوي الاولى على المدرسة

وحصل حفل تكريمي >> احلى ايام ياليتها ترجع والله ماكنت شايلة هم شئ ..

وبنات عاديين مافيهم جمال ولاشئ وماكملوا دراسة اتزوجوا .. ماشاء الله عليهم الله يسعدهم ويهنيهم

والله مو قصدي اتريق بس فعلا هذا اللي حاصل بنات عاديين ياخذون رجال ناجحين وحلوين

ورجال مو حلوين وعاديين ماعندهم طموح في الحياة اتزوجوا بنات الصلاة على النبي قماري ونجاح وكل شئ حلو

وعاد العوانس اروع بنات والله غريبة ...

تصدقون كل مرة اتذكر شكله احس بالقرف ما ادري ليش .. وماودي انتظر للنظرة الشرعية واغيب اسبوع عن الجامعه

ابغى ارجع خلاص على البيت لاني قرفت ...

صرت احس حظي واقف بسبب كثرة الكلام ...

( كويس اتزوجنا والا بنت ......!! وقفت حظنا )
( اكيد ما اتزوجتي وما احد يفكر يتقدملك عشان تحررك واحنا قبائل مانرضى بالحال المائل )
( انتي مريضة وحاملة لمرض وراثي والكل عارف عشان كذه ما احد اتقدم )
انتي وانتي وانتي ..

انا ايش قولولي ؟؟؟؟...

خلاص طفشت لاعاد ابغى اصلي ولاشي خليني كذه احسن احس لما اسوي معاصي حظي يكون افضل ..

قبل شوي كلمت بابا قلتله خلاص انا بارجع ماابغى زواج ولاشئ ولاقرف .. قلي بكيفك انتي حرة....

وخلاص باذن الله .. انا استخرت وما ابغى اللي اتقدملي ...

لاني قرات الردود في الموضوع الاول ( بنات جاوبوا على السؤال تقبلي تتزوجي ب .. ؟)

وكان رد البعض منطقي .. واتاكدت اني حسااااسة مرة صحيح اخفي مشاعري لكن ما اقدر اصبر على عذاب داخلي ..

والان اي احد يقلي اتقدملك عريس ؟ اقول ايوه ,,

بس ابغ افهم ليش الحياة قائمة كلها على الزواج ؟.. ادري انها فطرة طبيعية من رب العالمين لكن البعض يخلوها نقمة

مو نعمة ..

الله عليكي ياكبريائي 21 سنة ويتعاملوا معاكي كذه .. ايش راح يسوا لو صرتي 25 ؟...

الله مستعان ..

ام الولد احسها متمسكة فيا وانا صراحة خلاص ماودي احرج نفسي الين يوم النظرة الشرعية .. لكن من داخلي

مو مقتنعه ما ادري ليش .. وخلاص احس اول مرة وصار عندي تبلد لو احد قال فيه عريس ثاني مابيؤثر

واشك انه بيجيني شئ .. اصلا انا حظي نحس ..

مو يقولوا ينكتب من يوم وانتي في بطن امك تعيشي تعيسة او مبسوطة ؟..

انا تعيسة ... وهذا نصيبي ..

ناجحة في الدراسة وحلوة ومو ناقصني شئ الا اني حاسة بفراغ ..

رغم اني احيانا اكره الرجال بسبب اللي اشوفه دائما واقول مستحيل يكون فيه واحد طيب ... وبسبب اللي حصلي وانا

صغيرة مرة ما اثق فيهم ..

يعني نفسي القى واحد زي ما اتمناااااااااااااااه ..

انا احب واحد مو موجود في الحياة ومافي زيه ...ومستحيل القى اللي ابغاه ..

آآآآآآآآآآآآه تراكم مو شايفين حالي لما اخرج الناس ذبحوني بعيونهم ولازم ما انسى شروط اهلي الصعبة اللي

اتحدى احد يقدر عليها ..

أختكم كبريائي عانس وعمرها 21 سنة >>> بيدخلوني موسوعه جينيس للارقام القياسية اصغر عانس


في رايكم فيا شئ ؟.. وترى كل بنات العائلة مخطوبين ومملكين ومتزوجيين الا انا وبعضهم اصغر مني

وبعضهم في سني ..

نفسي كذه اشيل فكرة الزواج من راسي لانه فعلا لسه بدري لكن الكلام وبالذات نظراتهم احسهم يتشمتون ..

الله يصبرني ان شاء الله كله تخفيف ذنب

__________________
تركع لك كل النساء حباً و كرامة ، و أظل أنا بينهن الوحيدة تخشاني و لا أحبك!!

خلك إيجابي!

متزعليش نفسك يا بنتى
انتى لسه صغيره يا كبريائى
متستعجليش اكيد ربنا هيرزقك بحاجه كويسه
دوامى بس على الاذكار وتصدقى كتير واستغفار وقيام الليل ودعاء بيقين
كله هيبقى خير ان شاء الله

__________________

اللهم فرج همى وكربى
واكمل لى حملى بالسلامه

وي يا كبريائي لا تقولي كذا عارفه انتي محبطه على الاخر..لأسه قبل كم يوم كنت بقول يا ترى ايش صار مع البنت

رضيت ولا لا...

انا عارفه انك ماكنتي مقتنعه بشكله بس كنت حابه تعطيه فرصه في الشوفه الشرعيه يمكن ارواحكم تنسجم..

تعرفي تلقيه هو ما نام الليل يفكر ويقول ايش حتقول البنت عني لما تشوفني كذا سمين اكيد بترفض..يعني يمكن انتي

حالك ارحم من حاله ..

عموما اذا انتي مانتي مقتنعه خلاص خصوصا انك استخرتي كثير ودحين حتبدا الدراسه وان شاء الله تنشغلي والله

يرسلك اللي على بالك وانتي مو منتبهه..

بس كنت ابغى اقولك تجربتي وقيدني قلتها من زمان هنا في المنتدى يمكن تفيدك وتفيد غيرك:

انا زمان كنت ادعي انه الله يرزقني بالزوج الصالح من وقت عمري 20 سنه تقريبا وعدت سنه وسنتين وثلاث سنوات

واربع سنوات الين صار عمري 24 وانا ادعي بصفه مستمره وكنت اتحرى اوقات الاجابه فوق ما تتصوري وتجيني ا

اوقات ضعف واقول خلاص الظاهر دعائي ما بيستجاب يمكن لذنب عملته من زمان وانا ماني منتبهه والان بتعاقب عليه

واقول انا نحسه ومالي حظ هذا غير شروط اهلي اللي ما انطبقت على ولا واحد من اللي خطبوني وهذا زادني احباط

واتخرجت من الجامعه وصار عندي اكتئاب لاني اخر شي كنت اتوقعه اني اتخرج من الجامعه وانا لسه انسه وسبحان الله

بعد ماتخرجت ب4 اشهر انخطبت واهلي وافقوا وسبحان الله نفس شروط اهلي انطبقت عليه كأنه مفصل تفصيل

وبعدها بكم شهر صار الزواج وبعدين عرفت انه زوجي كان في امريكا طول الفتره االلي راحت وقريب بس رجع على البلد..

شوفي لانه الله كاتب اني اتزوج هذا الشخص ويمكن الله استجابلي من زمان بس نصيبي كان لسه برى البلد وانا

اللي استعجلت (والانسان عجول) واسأت الظن بالله وفقدت الامل لكن بعدين عرفت ليش ما تحقق سؤالي الا

بعد حين لانه من الاساس زوجي اللي مكتوب لي ماكان موجود بنفس بلدي..

اقولك وصلت لمرحله بعد ماتزوجت اني لما اجي ابغى ادعي اتلخبط واقول اللهم ارزقني زوجا صالحا) من كثر ماكررت هذا الدعاء لمدة 5 سنوات وبعدين انتبه واضحك على نفسي واقول اللهم ادمها نعمه واحفظها من الزوال.

فلا تفقدي الامل واستمري بالدعاء ودحين رمضان داخل استغليه..



سبحان الله انتي العالم تجري وراكي يقولولك ليش ماتزوجتي وانا العالم تجري ورايا تقول فين البيبي!! يوميا هذا

السؤال انسأله صرت اكره ازور اهلي في جده واصحابي في الاجازات بسبب سؤالهم والحاحهم مع اني مالي 9 اشهر

بس متزوجه وهذا الموضوع بيد الرزاق سبحانه مو بيد الانسان،، يتكلمو ويسالو ويستعبطوا بسؤالهم كانه البيبي

محطوط على الرف بالسوق وانا اللي متكاسله اروح اجيبه ونفس الشي ينطبق على وضعك ... يعني محد مرتاح..

ياشيخه لا تشكيلي ابكيلك ..الحمدلله على كل حال وانا حاسه انه فرج الله قريييييييب وان مع العسر يسرا والله وعد

عبيده بالاجابه..الله يختارلك اللي فيه الخير..

__________________

كبريائي انتي الى الحين صغيرة ليه شايلة هم الزواج

مافيها عيب ان الوحدة تفكر بالزواج بس ما تخلي الزواج ياخذ كل عقلها وتفكيرها

ما شالله عليك توك صغيرة يابنت الحلال وصدقيني بيجي يوم بتتعبين من اللي يتقدمون لك من كثرتهم وان شالله بتشوفينهم طوابير عندك

كبريائي انا اشوف انك ما تشغلين بالك واهتمي بنفسك اكثر وخلي النصيب يجي لحاله

الله يهديك لسى صغيرةماينقال عنك عانس وسعي صدرك واستانسي وكل انسان فهالدنيا بياخذ نصيبه0 الله يشرح صدرك ويرزقك الزوج الصالح0

كبريائي تدرين نفسي في ايش الان

نفسي اجد واسطرك <<< وجه مبتسم

من كثر كلامك عن الزوج والعنوسه احسبك مطوفه ال27

واتاريك لسه ورده باديه تتفتح

بس بقولك انك تتدلعي 21 لسه المشوار قداك والعمر قدامك والحمد لله تقولي تقدم لك واحد الان

واول الخير قطره

من الان بسميك كبريائي الدلوووووعه

لأنك بنت ناس


اخت كبرياء اغلب البنات كانوا على هالحال يقولوا لسى صغار الى ان اعمارهم وصلت لحد نستطيع فيه بأن نقول عنها عانس

الله يوفقك و يرزقك بالزوج الصالح

__________________

خلك إيجابي !.. الحمد لله نيتي طيبة بس حظي نحس

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,

omfateeeema ... لما كل شوية يزنوا عليكي كيف تتحملي ؟

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,

Crestalla ... ما اتوقع اقدر اصبر على كلامهم الي يذبح وكل شوية يقولوا اكيد ذنب وانا ساكتة ..
مرة مافي احد يفهم احس فيه تخلف ..
ان كان على مسألة البيبي اسمحيلي لسه بدري 9 شهور ؟ ,,,

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,

السمو .. قبل شوي قاعدين يتكلموا اخر شئ اخذت نفسي ورحت بيت خالتي الثانية لانها الوحيدة اللي تعترف بصغر سني وقلت انبسط شوية وافتح المنتدى

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,

تــرف .. اتفضلي تعالي قوليلهم اني في سن صغير والله مليت ..

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,

مــــــرادي .. تدرين ايش يقولوا عني ؟.. بليدة ماعندك احساس .. ومايدرون اني قاعدة اشكي والموضوع مرة مؤثر فيا وما عندي احد غير المنتدى ... نفسي الاقي طريقة اسكتهم ويبطلوا كلام
حرام عليك مدلعه والله من كثر الكلام اللي يجيب الصداع

لا حول ولا قوة إلا بالله

الله يهديك بس كبورة

غبت عن المنتدى بعد ما قرأت موضوعك وحكاية العريس وقلت الحمد لله جاها نصيبها الله يوفقها ويسعدها ويهنيها

وانصدمت اليوم لما دخلت المنتدى .. وقرأت موضوعك اللي قبل هذا .. وموضوعك هذا كمان

الله يهديك بس كبورة

ماراح ألومك على حكاية عانس هذي .. وبصراحة .. ألوم اللي يلومك

العنوسة مو بالعمر .. العنوسة بالمجتمع اللي حولنا

يعني لما يكونوا البنات زي في مصر مثلاً .. الوحدة تتخرج من الجامعة ويدوووبك يبدأوا أهلها يفكروا في تزويجها

واذا اتخرجت من الثانوي قالوا عنها كتكوتة

أما احنا الوحدة اذا اتخرجت من الثانوي وما اتزوجت مصيبة

واذا دخلت الجامعة وعدت السنين وما اتخطبت كارثة

أما اذا اتخرجت من الجامعة وما اتزوجت الطامة الكبرى

هذا مجتمعنا .. صاروا بنات 23 عوانس مع سبق الاصرار والترصد

واذا وحدة عمرها 18 .. وبنت عمها في سنها واتزوجت .. حطوا العين على فلانة .. وقالوا البنت حتنعنس

بنت عمها اتزوجت المفروض هي كمان تتزوج !!

أعترف

عندنا ضغط اجتماعي ماله مثيل .. وبيأثر على نفسياتنا زي ما اتأثرت نفسية كبريائي .. ونفسيتي قبلها

الحل ... ؟؟

كيف نواجه مجتمعنا ؟

أنا أقولك

شوفي عندك وحدة من بنات العيلة .. ماهي صغيرة في سنها .. لكن حركاتها كلها تدل على إنها طفلة

ليش ؟ أنا أقولك

البنت كل كلامها تريقة .. يعني ما تاخذ سيرة الزواج بحساسية زينا

مرة من المرات قالت لها وحدة فلانة .. أمك مسوية لك مفاجأة

الا قالت لها ايش ؟؟ عريس ؟؟

الكل ضحك ..

كلامها كله عن العرسان والزواج و ... الخ بس بأسلوب فكاهي

كذا ما تخلي لأحد فرصة إنه يأثر على مشاعرها

لازم نكون أقوياء حبيبتي كبورة

ونواجه مجتمعنا

الشاهد من القصة .. لا تسكتي على نقاط ضعفك وتخلي الناس يستغلوها

شوفي

أقلك بصراحة والله ومن غير كذب

وحدة طولها 150 وزنها 65

زوجها طوله 185 وزنه 90

اتخيلي المنظر !!

اتخيلتي ؟

يلا أزيدك من الشعر بيت

البنت نفس تكوينها وتكوين عظامها عريضة

الرجال نفس تكوينه وبنيته ضعيف

تعالي شوفيهم

وربي عصافير .. شكهم تحفة .. سعادتهم يوم ملكتهم ما خلت لاحد مجال انه يتكلم فيهم

لما شفنا صور الملكة وقعدوا الناس يتكلموا ويلقحوا عليها بالكلام ما سكتت ولا استحت

ردت عليهم

وحدة قالت لها وحدة قزمة تاخذ لها واحد طويل .. هذي من عجائب الدنيا السبعة !!

الا ردت عليها البنت انتي ايش فهمك اصلاً .. الرجال طايح فيا دلع .. وما يناديني الا عصفورتي الصغيرة .. وحأفضل طول

عمري في نظره كتكوتة !!

كبريائي حبيبتي

للأسف الفرصة ما سمحت لي أرد على موضوعك الأولاني

بس السمنة اذا ما كانت تأثر على صحة الانسان ما هي عيب

وصدقيني اذا كانت تأثر على صحته تلاقيه هو بيدور لها حل ما اعتقد انه بيسكت على نفسه كذا

وما اظن انه تعليقات الناس عليه وعلى شكله أو شكلكم مع بعض تهمك

قد ما تهمك علاقتكم وراحتكم مع بعض

نصيحتي

اذا عرض الولد بالخطبة مازال قائم

والام اذا انها انسانة طيوبة وحبوبة وارتحتي لها

ارجعي استخيري ثاني

واتذكري

ان التخن والنحف صفة عارضة للانسان ما هي دائمة

اليوم انا نحيفة .. بكرة النهار اتزوج احمل اولد ويمكن ربي ما يقدر لي انزل وزني

وافضل زي كذا دبدوبة على طول

ما يبغى يسوي رجيم ما عنده ارادة بعد الزواج بكيفه

انتي الدور عليكي كله

لا تقدميله الا اصناف صحية

وابعدي عن المأكولات الدسمة

يعني لا تخليه رجيم بمعنى الكلمة

مجرد نظام غذائي بعيد المدى

وحتشوفي انه تأثيره افضل وادوم من الرجيم

اقلها ما فيه حرمان وعناد

ومع الوقت بيتعود عليه

كبريائي

الزواج نص الدين .. وسنة الحياة

يعني طبيعي كل انسان يكون الزواج هو شغله الشاغل

المو طبيعي انه الانسان يعيش حياته من غير ما يشغل نفسه بالزواج

عشان كذا لازم تستغلي الفرص

واذا ما استغليتها الفراغ عمره ما راح يروح

مهما شغلتي نفسك بدراسة بصحبات بـ ... الخ

تظل فكرة الزواج .. والرغبة فيه تلح عليك من وقت للثاني

هذا الشي الطبيعي

وانا ما ابغاكي توصلي لمرحلة اليأس والاحباط

كبورة

لاحظت فيكي حاجة ماهي كويسة

مع الوقت حتدمر نفسيتك

كبريائي حبيبتي انتي انسانة مستقلة بنفسك .. امك هي امك استحالة تكون زي ام فلانة .. وخطيبك هو خطيبك ..

استحالة يشبه خطيب فلانة ..

كبريائي .. مشكلتك تقارني كثير

والمقارنات ماهي كويسة .. كثرة التفكير تدمر الانسان

ومن راقب الناس مات هماً

حبيبتي دعي الخلق للخالق واقنعي باللي رزقك بيه ربنا وباللي كتب لك هوا

وخلي عندك دايماً حسن ظن بالله وانه ماراح يتركك وحيدة وانه دايماً معاكي وحيكتب لك اللي فيه الخير

كبريائي لا تقارني بينك وبين احد .. لانه مهما صار انتي كبريائي وهي فلانة

ذكرتيني ببعض قرايبي .. هلكوني من كثرة المقارنات .. الله لا يعودها من أيام .. اتخطبت انا ووحدة من العيلة في نفس

الوقت .. وهلكونا مقارنات بين هذا وهذا .. وأهل فلان وأهل علان .. وربي نكدوا عليا نكد ما عرفت فيه النوم .. بس

الحمد لله أزمة وعدت .. وعرفت أوقف كل واحد عند حده .. ويلا كلها فترة وألم قشي وأبعد عنهم الى ما لا نهاية باذن

الله تعالى

حبيبتي

فكري بعقل مرة واثنين وثلاثة

ولا تستعجلي بالرفض

والله يكتب لك اللي فيه الخير يارب وسامحيني لو طولت عليكي

***