أختي صراحه مدري عن سبب بدء الألم بعد الزواج
يعني هي كلها هرمونات..و معروف الهرمونات بعد الزواج تتغير و كذا
بس يعني غيري يفيدك أكثر مني

بس أنا كوني وحده عندي خبره في آلام الدورة الله يخلصنا منها ان شاء الله بأقول لك كم شي تسوينه

إذا تحبين حبوب أنا آخذ نوعين حبوب واحد منهم هو مخفف آلام..و الثاني يقلل التقلصات...و هذه بوصف دكتور..قصدي زوجي مدري خطيبي
بس فيه ناس ما تحب تاخذ حبوب..

المهم اذا بدأت الدوره انتي ارتاااااااحي على الآخر..خلك في السرير و عندك شي يسليك تلفزيون، كتاب، كمبيوتر، مجله، زوجك...اللي يعجبك
في الصيدليه يبيعون السخانه الكهربائيه..خل عندك ثنتين و انتي في السرير حطي وحده تحت ظهرك و وحده على بطنك......ترا جد ترتاحين
خل أبو الشباب يسوي لك ينسون أو نعناع مغلي..أو أي شي دافي بس عاد بدون كافيين
فيه شغله امي الله يخليها تسويها لي و تريحني كثيييييييير....لما يكون عندي ألم في ظهري...تدلكني...قولي لزوجك يدلكك يمكن هذا يساعدك

يقولون بعد حبوب منع الحمل تقلل الألم...يعني اذا ما ودك تحملين ممكن تروحين لطبيب نساء و ولاده تساعدك في هالموضوع

تحياتي

__________________

تنبه هام:

مشاركاتي تدل على آرائي الشخصيه..اللي نابعه عن أفكاري و تجاربي الشخصيه...و ممكن انها تتأثر بحالتي المزاجية في تلك اللحظة.. ...يعني اللي يبي يسمعها يسمع و اللي يبي ينفذها ينفذ على مسؤليته الخاصه و اللي ما يبي حياه الله يدخلها من اذن و يطلعها من الثانيه


اعذروني اذا طنشتكم و ما رديت...تراني اسم على مسمى...يعني في الشهر مرة داخله لكم طيب؟؟؟

مشكووورة حبيبتي على هذه الآراء القيمة

المشكلة ان الالام تجيني قبل الدورة ما اقدر آخذ حبوب أو أدوية لاني اخاف اكون حامل

انا اريد اعرف هل هذه الالام طبيعيه بعد الزواج والا انا حاله استثنائية