أنا كنت أول أستحي
بس الحين مدري خلاص فسخت الحيا و صرت عادي

يعني قبل و أنا بالمدرسه كنا متعودين مع اهلي نطلع مل اسبوع ولا شي نروح السوبرماركت نشتري مقاضي للبيت و احنا كنا نحط معها كذا و ابوي يدفع الكل
يوم رحت الجامعه و انشغلت صرت ما اروح معهم دايم بس اذا رحت أحرص اني آخذ احتياط...أو ممكن أوصي أمي أو اختي تجيب معها

بس أنا يعني أحس صرت ما استحي من ابوي و اخواني في هالموضوع....يمكن لأن هم أصلا كلهم يدرون عني لما يشوفوني أتألم...فصرت عادي اذا مثلا سألوني صليتي ولا شي أقول لهم علي (دورة القمر على قولكم)
و الناس و البياعين عااااااااادي أتصرف ولا كأن شي..كأني أشتري حلاو ولا أي شي ثاني..و أوقف و أختار على كيف كيفي و اللي يبي ينحرج بكيفه أنا ما علي (مع اني في البدايه كنت أنحرج داخليا بس مع الوقت تعودت)

بس تعرفون في البدايه انحرجت من زوجي..لكن مره كنا طالعين السوبرماركت هو يبي يشتري كم شغله..فأنا تذكرت اني احتاج احم احم..فاحترت شأسوي كنت محتاجه ضروري لأن حضرتها كانت علي و اللي عندي خلصوا...فأنا قلت له يا ولد الناس ابي اشتري شي بس أنا راح أدفعه...قال لي ليش؟ هاتيه أدفع مره وحده...قلت له لا اذا خلصت و دفعت انتظرني بره و انا ادفع و اجيك....عاد هو ما يبيله فهمها على الطاير قال لي بلا هبال يلا جيبيهم....بعدين يوم قلت له توقعتك تنحرج...تفلسف علي قال لي كل الناس يستخدمونهم و مدري أيش مدري أيش بعدين أنا متعود مع خواتي

__________________

تنبه هام:

مشاركاتي تدل على آرائي الشخصيه..اللي نابعه عن أفكاري و تجاربي الشخصيه...و ممكن انها تتأثر بحالتي المزاجية في تلك اللحظة.. ...يعني اللي يبي يسمعها يسمع و اللي يبي ينفذها ينفذ على مسؤليته الخاصه و اللي ما يبي حياه الله يدخلها من اذن و يطلعها من الثانيه


اعذروني اذا طنشتكم و ما رديت...تراني اسم على مسمى...يعني في الشهر مرة داخله لكم طيب؟؟؟