الله يعينك عيوني
بس يمكن الماما الله يخليها لك تكون معصبة لمن تكليميها ساعدي امك ولا تزعليها اهم شي رضاها

والطبيخ ما في اسهل منو

اتعلمي تقطيع الدجاجة ( راقبي امك وهي تقطعها ) وغسليها بشوية ملح ودقيق

تحطيها على النار مع مويا يعني المويا تغطي الدجاجة ( وكدا اتعلمت سلق الدجاج )

البصل تقطيعيه شرايح طويلة وتحطيه في قدر وعليه زيت وعصير طماطم (مخلوط في الخلاط طماطم وماء ) وشوية صلصلة

جاهزة وشوية ثوم مطحون والبهارات ( فلفل اسود كمون قرنفل قرفة هيل ملح )

وتحطي على هذة الخلطة اللي في القدر الدجاج بعد ما سلقتيه ( لازم تتاكدي انو استوى تدخلي سكينة وتشوفي اذا ما في دم يعني استوى وغالبا تاخد ساعة الا ربع الدجاجة اذا كانت ذايبة من الثلج مزبوط )

وكدا اتعلمت الكشنة والمرقة وتسوي فيها كل شي ممكن تحطي رز( ممكن تضيفي للمرقة اذا تبغي تسوي رز جزر مقطع طويل وبطاطس حبات صغيرة بدون تقطيع )و ممكن اي نوع خضار ويصير ايدام ( فاصوليا بيضاء .بطاطس.فاصولياء خضراء .......الخ )

وعاد انت ادخلي قسم الطبخ وراح تتعلمي

الله يساعدك ويوفقك واهم شي لا تزعلي امك وراح تعلمك كل شي

اسفة على الاطالة

تحياتي لك