هلا بأخوي "إبتدت حياتي":-)
اممممم بالنسبة لموضوع خطيبتك سبحان الله فعلا شي
غريب...طيب ما ممكن تحاول مع حد من خواتك ولا قريباتك
يفهموا منها السالفة.سبحان الله يمكن يكون مافي خير في
هذا الزواج لكن من حقك اخوي انك تعرف السبب..

حاول تعرف باي طريقة...وإذا تسكرت الابواب وماتوصلت
للسبب...عليك بالصبر وتأكد لوانه في هذا الزواج خير بيتم
وبتعود المياه لمجاريها ولو انه مافي خير بهالزواج بتظل
الامور على حالها..والي عليك يا خوي الله يرضى عليك دنيا
وآخرة انك تسلم أمرك لأرحم الرحمين..

وصدقني ثم صدقني..ما قط تشوف ارحم منه عليك:-)

وطمن أختك على آخر أخبارك..ربي يسعد قلبك الحزين
هذا بالقرب منه وبالسعادة كلها دنيا وآخرة...

وأسأل الرحمن الرحيم يرزقك بخير زوجة تعينك وتسعدك
وتقر عينك ويرزقك ربي الرحيم الذرية الصالحة المعافاة
ويجعلك ربي من ابر الأبناء بالوالدين ..هاا ما أوصيك لا
تنسى جدك..ربي يحفظه لكم ويعافيه..ذكرتني بجدي
والد أبوي الله يرحمه ويغمد روحه الجنة..

والاجداد إذا عصبوا علينا ترى يريدوا مصلحتنا حتى لو
أسلوبهم ماناسبنا..ربي يجعلك بار باهلك كلهم...

والحمدلله احس نفسيتك تحسنت وللأمام دوما..بس حبيت
أذكرك..لا تقول مرة ثانية"اخاف حالتي ترجع تسوء" اريدك
تكون قوي ومتفائل وماتعطي للشيطان مجال يرجعك للورا
أبد أبدا..وحتى لوصار شي هزك..قوول الحمدلله رب العالمين
على كل حال..وبما إنك ذكرت الله على طوول تاكد إنه بيشرح
صدرك ويبرد فؤداك...وبتحس انه المشكلة مقدور عليها بعون الله
وما بيتمكن الشيطان يعشش بأفكاره السوادوية في بالك أبد بإذن
الواحد الأحد...

هااا ياخوي..لننطلق إلى العلا

ربي يسعد قلبك وعسى اكون خففت عنك ولو الشي البسيط ولو
إني طمااعة وأتمنى اكون خففت عنك الشي الكثييير..

ربي يهنيك

والسلام عليكم ورحمة الله وبركاته