السلام عليكم ورحمة الله وبركاته

اختـــي ليتنـــي
هدئي من روعك .... ولا حاجـــة لهذا الانفعـــال كلـــه
ويبدو لي انه اول مولود ذكــر لك ...
ليــــس هكذا نتصرف مع الاولاد >>> اخوووي معذبني

شوفي أختـــي اذا ولدك جالك يشتكي .. غلط انك تقوليله ما يخالف
لانك بهالطريقة تعلميه الخضوع وانه اذا اي واحد يضربه لازم يسكت وينأكل حقه
وبنفس الوقت ما يصير تقولين له اضربه لأنك بهالطريقة بتشجعيه على اسلوب غلط ....


اكيد حيرتك

المفروض لما يكلمك ولدك ويقولك مثلا انه تعرض للضرب او اي مضايقة
تحاولي تمتصي غضبه وتسأليه عن الموضوع اكثر مثلا تقولين له : ليش سووا كذا
وتتابعينه بأسئلة عدة بحيث تنقلب عصبيته الى حوار بينك وبينه
ولازم تسأليه اسئلة ثانية مثل : انت ايش سويت ؟ ( اسئلة تدعم ثقته بنفسه )
واذا قالك : ضربتهم .... تردين عليه : ليكون عورت احد ... يا حرام عورتهم .. ليش سويت كذي وبهالطريقة
هو اكيد بيهدأ .......

بس حطـــي بالك الاولاد دايما طبيعتهم عنيفة والله يعينك !!


الحيـــــــــن عادي لا تكلمـــي ولدك الا لمـــا يهدأ ويطلـــع بنفسه
واذا طلع لا تقولين له كلمات دلع مثل خلاص ان شاء الله ما يصير لك مرة ثانية او باقول لابوك يتصرف معاهم
الا اذا انت متأكدة مئة بالمئة انك قادرة تحققي وعدك له
وانا افضل كلاماتك تكون بطريقة استفزازية له مثلا تقولين له : ما عندك سالفة خوفتني ... مسوي روحك معصب
يعني تقلبين السالفة عليه وتطلعينه غلطان


والله يسهلها عليك

.
.
.
اسماء