المشاركة الأصلية كتبت بواسطة AFA

مشكورة اختي حيوزة على ردك....بس هو خلال هالاسبوع ما رفع صوته علي...واجل كل اشغاله وتفرغ عشان يطلعني .. لانه قبل ما كان يطلعني إلا للحاجة..وكانت اول طلعة لنا هي اللي صار فيها اللي صار....المهم الحين هو حاس بغلطته وعلى كلامه ندمان وايد وانه بيتغير...وانا سرت كم مرة بيت اهلي خلال هالاسبوع بس ما خبرتهم.....وطبعا اخذت اجازة من الدوام...فللاسف ما قريت ردك إلا اليوم...لان ماعندي كمبيوتر الا فالدوام....اللي قدرت اسويه خلال هالاسبوع اني أتعمد اخليه يشوف الكدمات... وكل ما اتالم اقوله شوف يا زوجي هذا اللي كنت أحبه سوا فيني شيه... فيندم ويعتذر... يعني احاول ابرد نار قلبي... ما اعرف هل اسوي اللي قلتيلي عليه واتصل بأبوي (للعلم ابوي عنده الضغط ويعاني من شلل نصفي خفيف/واخواني للاسف ما في حد منهم اقدر اشد الظهر فيه وهو يعرف هالشي)....بس بعدني ما احس اني عطيته الدرس اللي يخليه ما يفكر يعيدها....ساعديني... هل اتناسى قسوته وضرباته واهاناته... واعتبر ان ولا كأن شي استوا..... ما اقدر......... شو اسوي؟؟؟ دموع عيونه ماتهون علي وتخليني انسى ألمي وكرهي...بس لما ابعد عنه أفكر بنفسي واحس اني سلبية واني ما سويت شي..وخايفة ان يعيدها.... خايفة وايد...... اسبوع مر.... بس الالم مازال....
واسمحيلي طولت عليك ...... ومشكورة انك تشاركيني همي.....الله يسعدك ان شاءالله ويفرج همك مثل ما تساعدين في تفريج هموم غيرك....