الحين تطلق خطيبتك عشانها اختبرتك وخايف انها زي بنت خالها مدري عمها
وتخطب وحده لها الف زميل وزميل ويمكنها ماتتغطى و...و...
لا وداقة تسلم وطق حنك؟ ويمكنها مارة على الربع كلهم تسلم عليهم
ماتلاحظ انك متناقض؟
وبعدين تقول امك شديدة وتفرض عليك بموضوع الزواج وتبي رضاها
توقع امك يعني بتقبل اجنبية؟؟


مدري سواليفك من تالي ماش؟؟

سبحان الله .. ما أسهل ما حملت على كتفك مسؤولية وصفك .. منزوعة الحيا .. بتتذكر كلمتك هذي وقت توقف بيوم الحساب وتطلب حقها منك .. وأرجو أنك تكون شجاع وما تتراجع وتقول أنا ما قصدتها ...

1- لعلمك أخي ... تغطية الوجه فيها أقوال للعلماء مختلفة وكما أنني أحترم راي علماء بلدك فإنني أحترم أيضا رأي علماء بلدي وغيرها من البلاد فهم لا يقلون عنهم معرفة وتقى . وبالتالي فالبنت تحجبت بما اجتمع عليه علماء أهل بلدها فلا يحق لنا بالطعن فيها وتزكية من نحب أن نزكيه على الله ونعطيه صك الجنة .

2- ذات الفطرة السليمة والتي حياءها فطري هي من تضعها بين الرجال لكنها وبقرار من داخلها تمنع نفسها عن ممازحتهم والخضوع لهم بالقول وتلتزم بحدود الضروري في التواصل من أجل العلم ... هي من اختبرت وظهر معدنها ولا ندري بمن لا زالت في صندوقها إن كانت ستنجح بالاختبار أم لا ... وهي لا بد أن تتعرض لإختبار يوماَ ما .. ربما بالنت وربما بالسوق ... قرأنا في المنتدى ما يشيب له الرأس .

كنت أطمع من قلم شخص ناضج مثلك أن يعطي رأيه بدون تجريح بالاخرين

أخي لا حب ... أرجو منك طلب اغلاق الموضوع .. أظن أنه أشبع بحثا

وأرجو من الله أن يوفقك بمن ترضيك وترضي والدتك وتكن كفؤا لك في القريب العاجل

__________________

ياكرهي لهالمواضيع مو عشان صاحب الموضوع لااااااااااء أبدا
بس عشان سبحان الله بعض الأعضاء تفكيرهم غريب عنصري من الدرجة الأولى +
غير كذا يجيبون لك آيات قرآنية أو أحاديث على كيفهم وتناسب هواهم وياليت يطبقوها حتى
أسلوب مدري شقول عنه تخلف مثلا
واللي يفتي على كيفه ياسلاااااام

__________________
اللهم اجبر كسر قلبي وروحي اللهم آآمين
دعواتكم لي بالوظيفة الصالحة فانا بأمس الحاجة إليها
سبحان الله وبحمده سبحان ربي العظيم
فزورة مطبخنا اليوم
علينا اللون وعليك التنسيق مسابقة ممتعة وشيقة
امممممممم ماذا لوو

وانا احلم ببنت البلد

بس عارفه موضوعي اللي صار

احسه سبب لي عقده

طيب اذا الموضوع مضيعه للوقت فليش انت تضيع وقتك

وبنات بلدي زينات بس عليهم طلعات تودي ورى الشمس

لاهنت


بس انت تقول حياء بنت بلدي مافي زيه

طيب بطلب منك تروح منتدى العلاقات الاسريه والاجتماعيه فيه موضوع لي فيه

اقلط هناك لاهنت حياك الباري وشوووووف

وهذي المشكله

انا مقدر اتزوج اذا امي او خواتي ما اختارو لي

وما اقدر اشدهم من شعورهم واوديهم عند ناس واقول روحو اخطبو لي بنت من هالبيت


اعتقد قرأتي قصة الاخت الذوق نجدي اللي ام خطيبها تذم في ولدها عند اهل البنت

يمكن اوديهم عند ناس ما يبغوهم فخواتي يقعدون يطلعون ويخترعون بلاوي عني

وش اسوي..؟؟


شكلي بهاجر زي ذوق

ياعيني ع الردود العاقله اللي تنحني لها وتصفق وتصفر لها بعد بارك الله في عقلك وادبك واخلاقك
وشرف لي مااابعده شرف وجودك هنا الله يحميك

اكيد مرضى على زوجة المستقبل ان احد يكلمها غيري لارجال ولاجني
وحنى ترين الرجال نغار محنا حجاره

بس البنت هذي مجتمعها المنفتح نسبياااااااااااااااااا هو اللي اجبرها وغيرها على هالشي
مجتمعهم جامعاتهم مختلطه والعمل مختلط
وش يسوون؟؟
لازم يتعايشون مع الوضع

وبيتا قالت اي بنت بتتزوج اكيد بتتبع عادات وتقاليد زوجها

ومثل ماقال نزار:

ماضيها لا انوي اثارته حسبي بأنها هاهنا الآن


يعني احنا لومجتمعنا منفتح بنصير مثلهم

ولا تشوفي كلامي غلط

الله يحييك ويطول عمرك يا ابو نمر

الموضوع طور الاخذ والرد ولسا صاحبة الشأن ماتدري عن شي

ع قولتهم (مع نفسي)

وما اتوقع اسمي المستعار بيتغير

لو خيروني بين أجنبي .. وبين أبو سروآل وفآنيلة ..
آخترت أبو سروآل وفآنيلة بلا منازع ..
لبى اللي منك وفيك ..

__________________
إلى من تحدثه نفسه بترويض مهرة برية حرة
نوّآرة ( .. لا تروّض أبدًا .. !

السلام عليكم ممكن اشوف رابط لموضوعك بشوف كيف الحياء بس كيف وانت منزل موضوع ماتبي احد يدر عليك من البنات قول الرد للرجال فقط.واتوقع مافي بنت مسجله في المنتدى هذا ماعندها حياء كلهم عندهم حياء .والله في المنتدى وحده لاتسجل في منتدى مختلط ابدا سجلت في هذا المنتدى لان ما في رسائل خاصه وشوف ردودها مافي اى ابتسامات.
وبعدين اذا بتكره بنات بلدك علشان تصرف بنت وحده قديكون جهل منها اوتحريض او ظلم من احد فتكون غلطان بنات بلدك في الصالح والطالح ولااتوقع انك تقبل بحكم زوجه خانها زوجها ان تتكلم وتقول ان رجال بلدى كلهم خوانه صح لان زوجها خانها وانت ماخنت زوجتك .وكنت اتمنى ارد عليك في موضوعك القديم لكن وصلت في اللحظه الاخيره وقفل الموضوع ووالله ماجعلنى اكتب لك هذا الكلام الا انى ارك نسخه من ولد اختى فاقولك ماحصل لك سابقا درس لازم تتعلم منه الحياه اكبر من حلم ورؤى تأول وناخذ بها ونتصرف تصرفات بسبب هذه الرؤيا معليش بكره يكون عندك زوجه واولاد ورئيت رؤيا بخيانه الزوجه وفسرتها وقالك المفسر صح تخون ومن الكلام هذا هل تصدق على طول وطلق و تستت اسرتك واطفالك .الحياه دروس وتجارب وتجعل الاحلام والرؤيا وتفسيرها تسرك على هواها .ولا تتسرع بتخاذ قرارتك وضع لكل موضع مقدم عليه سلبيات وايجابيات واشوف ما اكثر سلبيات ام ايجابيات وصل استخاره وتوكل على الله وخذ قرارك اوصيك بالصلاه والدعاء والاستغفار وهذا الدعاء قبل بعد التشهد وقبل السلام حسبنا الله سيؤتينا الله من فضله انى الى الله راغب فهو دعاء المعجزات اقسم بالله ولا تتسرع في امورك اسئل الله ان يوفقك ويسدد خطاك .واعتذ اذا في اخطاء فاكتب من الجوال

__________________
دعاء المعجزات:حسبي الله سيؤتينا الله من فضله انى الى الله راغبه.
لوعلم الانسان كيف يدبر الله الامور لذابت القلوب من محبته عزوجل