سلامتج يا "وجدت نفسي وبي" والله ماقصدت أبداً أني أوصلج للمرحلة هاذي من المرض ، وبالعكس لا تيأسين المفروض أتفائلين لأنج ناوية التوبة وماشية في طريقها ، ومتى ماحسنتي توبتك وصدقتي فيها أقسملج بالله كل اللي صارلج راح ينتهي ، وراح تقدرين تنسينة إلى الأبد.

لايوهمج الشيطان بهذا الشي ويقولج ترى انتي مالج توبة ، بالعكس الله فاتح باب التوبة ويعفي عن عبادة ، ويغفر لهم خطاياهم ، وسبحانه رحمته مالها حد ، فلا تأثر فيج هذه الكلمات وأمشي وثابري في التوبة والله يصلحج إن شاء الله.

__________________
استغفر الله واتوب إليه

والنعم بالله
طيب احساسي بالذنب راح اقدر انساه ؟؟

طيب انا هذا اللي خايفه منه .. ما بستبق الاحداث ومدري ربي وش كاتب لي
لكن اذا ربي اكرمني وقبل توبتي
اخاف افضح نفسي بنفسي !! من جرأتي وخبرتي وطريقة كلامي؟!!!
مع اني الحمدلله طوال الفتره اللي طافت وانا كنت على ذاك الحال .. ما كنت ابادر ولا اتكلم بذاك الكلام
اخذت دور المستمعه او المتكلمه نادرا
لكل حادث حديث !!

أما هذا الكلام اشكرررررك عليه .. والله ما تدري وش كثر أثر فيني (ايجابيا هالمره)
وان يصدر هذا الكلام (ووجهة النظر) منك انت "شخصيا" .. ولشخص مثلي وبنفس وضعي
فهذا شيء كبير بالنسبه لي .. وريحتني به ..

- أما هذه "لأنكِ في عداد الطيبات العفيفات"
فلا املك حتى كلمه وحده اعبر فيها عن هذي الكلمات "اذا تبت وربي قبلها"
كأنك قلت لي اذا نجحتي بالامتحان راح تملكين الكون كله ..
اتمنى انك تكون قاصد هذه الكلمات فعلا واتمنى انك ما جاملتني في أي شيء قلته لي
لانك وعدت انك ما راح تجامل وراح تتكلم بكل صراحه وجرأة حتى لو تضايقت

لاني دائما احس اني بظل انسانه دنيئه حتى لو تبت
وما اتوقع بيوم من الايام اني اكون انسانه شريفه او عفيفه
انا ما استحق .. وخايفه هالاحساس يظل ملازمني طول حياتي

يارب اجعلني من الطيبات العفيفات

__________________
اللهم اكفني بحلالك عن حرامك واغنني بفضلك عمن سواك
اللهم استرني فوق الأرض وتحت الأرض ويوم العرض عليك يا أرحم الراحمين

بكل تأكيد راح تنسينة لأنك تبتي ، والتوبة تجب ماقبلها ، وبقولك قصة خالد بن الوليد رضي الله عنه لما كان في صفوف المشركين وكان يحارب النبي وأصحابة ، قتل من المسلمين أعداد كبيرة وساهم في خسارة المسلمين في هذيك المعركة ، وأنتي أتعرفين مافيه أعظم من قتل النفس ( وتخيلي أي نفوس قتلها خالد ؟؟ صحابة!!) ، وبعد ما دخل الإسلام سأل نفس سؤالك هذا بالضبط ؟؟ هل راح اقدر أنسى إحساسي بالذنب؟؟؟ حتى انه من شدة الندم والألم النفسي اللي كان معاه ماكان ودة يذكر اللي سواة!!

ف قالولة بما أنك دخلت في الإسلام ، ف الإسلام يَجِبُ ماقبلة ، فلا عليك وزر مافعلته الآن ، وبأن الله غفاراً رحيما ، فلما دخل الإسلام وتتلمذ على ايدين النبي وكبار الصحابة ، بدأ يغير كل اللي سواه ضد المسلمين في هذاك الوقت ، ومشى في طريق الهداية والتوبة و قدر ينسى بفضل الله كل شيء ثم بفضل توبتة ، ونفع الله فيه أمة محمد وسطر البطولات والمجد للمسلمين وكان سيفاً لله مسلولاً في وجة الكفر والباطل والظلم.

فكوني متأكدة أنج بتنسين وبتعدين هالمرحلة.

يا اوخيتي الله سبحانه وتعالى مافضحك وانتي في معصية !! تبينة يفضحك وأنتي في توبة؟؟ انتي تشوفينها بالعقل تجي ؟؟؟

أبداً صدقيني ربي بيستر عليك وبيرحمك وبيغفرلك وبيسرلك كل أمورك وعمرة ماراح يكشفك أبداً.

لأنك في ذمتة.

النفس اللوامة اللي أقسم بها رب العالمين واللي هي في نفسك الآن تستاهل كل خير ، وتستاهل أننا نوقف معاها ونريحها ، وأنتي والله العظيم تستاهلين كل خير لأن قلبك مليان عفاف وشرف ، وهاذي بحد ذاتها تكفيني اني أحكم عليك أنك من العفيفات الشريفات إن شاء الله ، وانا متأكد أنج راح تنجحين وبتفوق بعد ، ويالله هذا رمضان جاي وبيكون لج خير إختبار ، ف نبي منك إمتياز مع مرتبة الشرف ، وأنتي قادرة بإذن الله على هالشي.

وأنا أقسم بالله العظيم ما أجامل ، وأني أكلمك وأنا أحملك كل الصدق في نصحي وإرشادي وفي وجهة نظري.

*الكلام اللي بالأحمر أحنا أتفقنا أنه من الشيطان ف ما أبي أسمعة منك نهائياً ، وكل مافكرتي كذا تأكدي أن الشيطان قريب منك ف تعوذي منه وتوضي وصلي ركعتين. تراني اخوك الكبير تحمليني إذا أمرتك ونهيتك ، أبي مصلحتك.

أنتي شريفة عفيفة والدليل قلبك اللي مليان عفة وشرف

__________________
استغفر الله واتوب إليه

__________________

ان شاء الله بجاوب على اسئلتك بس بكمل اخر شيئين واجاوبهم بإذن الله

__________________
اللهم اكفني بحلالك عن حرامك واغنني بفضلك عمن سواك
اللهم استرني فوق الأرض وتحت الأرض ويوم العرض عليك يا أرحم الراحمين

بعد ماتجاوبين على تساؤلاتي فوق.

بجاوبج على مداخلتج الأخيرة ، ردي على كل تساؤل وبكل صراحة
ولاتخافين من شي لأنك بما أنك لجأتي إلى الله وإلى طريق التوبة وبنفسك اللوامة هاذي انا متأكد أنك بتطلعين من كل شي اتعانين منة.

وفي الأخير بتطلعين بنتايج بتحسين نفسج فيها كأنج انولدتي من جديد ، لانج فعلاً محتاجة تنولدين من جديد.

لاتضايقين.

__________________
استغفر الله واتوب إليه

آخر نقطتين

النقطه الاولى
- "ثم ان البنت اللي أتكلم أقسم بالله بيجيلها يوم تنكشف لأن من خلق الله الكون وهو مايوفق عمل الشيطان أبداً !! وأبشرك الرجال اليوم صاروا يعرفون أخلاق البنات اللي من هالنوعية بسرعة!!"

أنت اقسمت بالله اني راح انكشف
طيب انا تبت وناويه اتغير وادفن كل شيء وراي
وانا واثقه برحمة الله وانه يستر عباده ويغفر لهم
والحمدلله الحمدلله ربي ستر علي كل هالفتره الطويله
على حسب كلامك حتى لو تبت وصدقت النيه وعزمت التغيير بعد راح انفضح ؟؟
طيب كذا انا بيأس من رحمة الله وانه يغفر لي ويخليني ارجع خطوات للخلف
انا ما اقول من كلامي اني راح ايأس .. لكن هذا التفكير ملازم لي وانت اقسمت
معقوله اذا ربي ستر علي كل الفتره اللي طافت .. لما اتغير واصير احسن بيفضحني
لا .. ما تصير

وبعدين مثل ما قلت لك -وبتكلم عن حالتي بس- انا صحيح كلمت لكني ما ارسلت صور ولا بيانات ولا معلومات ولا فيديو ولا حتى طلعت
وماعنده غير معلومات بسيطه عني مثل دراستي وبعض الظروف لكنه ما يعرف سكني ولا اهلي ولا غيرها من المعلومات الشخصيه
ويمكن الحين صار لي سنه ما كلمت وطول السنه هذي ما شفت منه شيء ولا حاول يواصلني ولا يتكلم معي
والحمدلله .. ربي ما بلاني بشخص يركض وراي او يهددني او يحاسبني
وعشان اكون صريحه معك .. انا كنت ارجع له وهو يرفض الا بشروط (اللي هي الصوره)
عشان كذا ما رجعت له .. وبعدها انا تبت
ممكن يفضحني او يهددني بعد هالسنه ؟؟ وهو الحمدلله ربي بعده عني وصرف عني شره ؟

سالفة ان الرجال صاروا يعرفون هالنوعيات .. هو شخص واحد اللي كنت اكلمه طول الوقت
وما يعرف عني شيء الا اللي عطيته ..
كيف راح يعرفون نوعيتي ؟

النقطه الثانيه
موضوع الرد اللي اقتبسته في مشاركتي قبل الاخيره
والدعاوي الحلوه اللي حصلتها في ذاك الرد : )
الموضوع مو لعبه ولا شيء هين .. وادري برقبتي شرفي وشرف اهلي
وانا ضيعته واحاول اصلحه
لكني في النهايه بنت .. عرفت غلطتي وتبت منها واحاول اتجاوزها
واكيد حالي حال اي بنت تفكر بالارتباط وتكوين اسره وحياة مستقره وتعويض لعواطفي ومشاعري
لو مثلا بالمستقبل رب العالمين اكرمني وتقدم لي شخص
انا فسرت كلامك عن الغش بعدة امور جات ببالي
- اولها ان ما راح يتقدم لي شخص زين لاني مو زينه والخبيثون للخبيثات
- مثلا لو لو تقدم لي شخص محترم وزين وكل مواصفاته طيبه فأنا قدام حلين
الاول اني ارفضه لاني ما استحق شخص زين
والثاني اني اقبل فيه وبحس طول عمري اني ما استحق واذا قبلت فيه
يا اني اخبره بماضيي اللي تخلصت منه من فتره وربي تاب علي وستر علي واقوم افضح نفسي بنفسي وطبعا ماراح يرضى على نفسه وبيتركني او اكون تحت رحمته
او اني ما اخبره واكون بنظرك غشاشه وتدعي علي وعلى امثالي
وفي الحالتين انا بظل خسرانه
أو انتظر لين يتقدم لي شخص سيء مثل حالتي واقبل فيه على طول لاني ما راح احصل شخص زين يرضى فيني
اتمنى توضح لي اذا انا فهمت كلامك غلط ؟

يعني انت الحين من وجهة نظرك لو تقدم لي شخص اخبره بماضيي وافضح نفسي واخرب حياتي ؟
عشان ما اصير خاينه وغشاشه ووو .. حتى لو ربي ستر علي وانا ابتعدت
او اني من الاصل لازم ما افكر بالزواج او بفكرة ان احد راح يتقدم لي حالي حال غيري
اذا كذا معناها انا ما تجاوزت شيء ولا انجزت أي شيء بحياتي ؟!!

هذي كل نقاطي اتمنى تجاوبني عليها وتناقشني فيها
وشكرا لحسن استماعك

__________________
اللهم اكفني بحلالك عن حرامك واغنني بفضلك عمن سواك
اللهم استرني فوق الأرض وتحت الأرض ويوم العرض عليك يا أرحم الراحمين

شوفي يا أختي راح أجاوبج على هذا التساؤل بشقين ، ولكن قبل لا أجاوبج راح أقولج ليش أنا أقسمت!!

في زمن عمر بن الخطاب رضي الله عنه أتوه بسارق ليقيم عليه الحد بعد أن "كشف"،فأتت أم السارق تتوسل عمر بأن يُعفي عن أبنها فهو أول مرة يسرق فيها!! فرد عمر قائلاً "أقسم بالله ماكان الله ليكشفه من أول مرة!!"

ف الشق الأول: في حال إن أستمريتي في المعصية أقسم بالله بأن الله سيكشفك !!

الشق الثاني : إن تبتي إلى الله توبة نصوحة فسوف يستُركِ الله ويبدل سيئاتك حسنات وسوف يدفن سرك معك وحدك.

إن تُبتي لن يعرف ، وإن لم عدتي لمعصيتك سيكشفك لامحالة ، من جرأتك !! ومن خبرتك!! ومن زلات لسانك!! من طريقة تفكيرك!! من صداقاتك ، من تدينك ، ولكل رجل طريقتة!!

أختي في الله
إن تبتي فأنتي في عداد الطيبات ، وحتماً سوف ياتيكِ طيب إن شاء الله ، وفي حال تبتي من ذنبك توبة نصوح وتقدم لكِ رجلُ صالح ، فأنتي كمن لاذنب له ، وعلية ليس عليكِ أخباره عن ماضيك الذي عفا الله عنه ، وممارسة حياتكِ معة كما لو كنتي لم تذنبي من قبل ، وإن تقدم لكِ شخص سيء فأرفضية لأنكِ في عداد الطيبات العفيفات.

هل تصدقين يا أوخيتي بأنك إن تبتي توبة نصوح ورجعتي إلى ربك ، فإني شخصياً أتشرف بالزواج منك !! فهل تعرفين نعمة التوبة؟؟؟ وهل تعرفين رحمة ربك.

إن تبتي إن شاء الله أمسحي كل الماضي ، وتخيري أطيب الرجال دون الإفصاح عن ماعفى الله ، وبهذا لن تكونين من فئة الغشاشين لأنك أنتِ حققتي الشيء الأكبر والأهم وهو عدم غش رب العالمين ، فإن رضي الله سوف يرضون عبادة.

__________________
استغفر الله واتوب إليه

حاضر ياضايعة بجاوبج على كل شي وبمشي معاج حبة حبة لين تحسين بالرضا
بس جاوبي أسألتي عشان أبدأ أجاوبج ونمشي مع بعض في حل هالموضوع ونسكرة للأبد ونطوية وانتي بكامل الرضا عن نفسج ، بس تحمليني ياخوج انا محتاج من سعة صدرج.

وأبيج أطلعين كل اللي بقلبج ولاتخافين من شي ولا اترددين من اي شي ، أعتبريني ضميرج !!

__________________
استغفر الله واتوب إليه

تدرين اختي ضايعة شنو اللي مخليج ضعيفة بهالشكل ؟؟ انج نوعاً ما .. قاعدة اتبررين اخطائج ، يعني مثلاً تقولين صحيح انا اخطأت بس ماوصلت للخروج او الصور !! وطول ما انتي اتفكرين بهالطريقة عمرج ماراح تتغيرين ، لازم أتعرفين أنج مخطأة 100 % ، حتى لو ماخرجتي او ماعطيتية صور!! لأن طول ما انتي اتبررين لأخطائج بعمرج ماراح تتعلمين ولا راح تستفيدين ، وبعمرج ماراح تاخذين موقف جدي للتوبة.

لازم أتعرفين أنج مخطأة 100% بغض النظر عن نوع العلاقة وكيف طريقتها ، انا مابي اقولك مثل باقي الأعضاء الحمدلله انها ماتطورت لأكثر من كذا ، لا أنا أبقول أنها معصية ولازم نعطيها حجمها الحقيقي.

انتي ب هالطريقة هاذي مثل اللي تقول أنا طلعت معاه بس ماصار زنى ، او شفتة بمكان عام بس ماقعدت معاة ، او بس صار بينا قُبل وخلاص !! وكلهن تراهن شي واحد !! الجريمة وشي ؟؟ هي خيانة والمشي في معصية ، فلازم تشيلين هالتبريرات اللي انتي حاطتها براسك عشان أتعرفين أترسخين بمخك حجم خطأك ، لأن المخ والعقل إذا عرف كبر الخطأ وحجمها حتماً راح يسوي ردة فعل إيجابية وهي التوبة الحقة.

ف خلينا نتفق قبل كل شي انج مخطأة 100% وان كل اللي تقولينة من تبريرات مو صحيحة ، ووالله أن الشيطان قاعد يوهمج فيها ، لأن هاذي طريقة وسوستة للتائبين !! يقولهم ياخي انت مازنيت مجرد كلام عادي لاتأنب ضميرك وعيش " شوفي فلانة كانت تسوي بلاوي والله ستر عليها وتزوجت" ، وإذا قعدتي مع نفسك وأنتي مقررة التوبة يجي يوسوسلك يقولك أرجعي كلمية عادي شنو بيفرق عن قبل مجرد كلام !! وللأسف فيه كثير ينجرفون وراء الشيطان ويردون لسوالفهم بسبب أنهم يبررون لأخطائهم ومايعطون المخ والعقل فرصة انه يستوعب حجم الخطأ.

عائشة أم المؤمنين رضوان الله عليها لما قذفت مجرد قذف باطل في عرضها الشريف ، الرسول صلى الله علية وألة وصحبة وسلم زاعلها وهجرها وتركها لفترة !! وهو نبي وسيد الخلق وارحم شخصية بالبشر !! ليش سوى كذا ؟؟ لأنه يعرف حجم المشكلة ويعرف إن بالذات هالمشكلة هاذي اذا ماينحط لها تبريرات!! ف فضل الإنعزال لما أنزلت علية آية كريمة من العزيز الجبار تبرأها ..!!

خلينا نتفق انج مقرة بالخطأ 100% عشان نعطي لعقلج فرصة يحجم هالمشكلة !! ونطرد الشيطان اللي قاعد يسويلج هالتبريرات ، فهل تتفقين معاي ؟؟؟

__________________
استغفر الله واتوب إليه