|
|
25-06-2013, 02:05 AM
12-05-2013, 10:47 AM
12-05-2013, 11:10 AM
|
المشاركة الأصلية كتبت بواسطة أبو خليفه....
حيا الله بأخوي وحبيبي الامير
الله يبارك فيك وعقبالك الله يرزقك بالذريه الصالحه زوجتي الثانيه ما أحاتيها لاني ادريبها ذكيه وعرفت شلون تمشي أمورها |
|
المشاركة الأصلية كتبت بواسطة أبو خليفه....
أنا قايل يا أم بلال أنها تيها بعض الفترات متغيره وتكون لينه ولكن الموضوع ما يدوم ممتاز ... تذكر .. متى هذي الفترات ؟؟ كيف كان تعاملك معاها بهذي الفترات .. لما الواحد يجرب شي ويشوف من نتيجة طيبة يمشي عليه وللا يرجع عنه ؟؟ سبب رفضها للسفر بالبدايه كان عشان موضوع غلا وانها مستحيل تتركها عند الوالده فهمتها أنه صعب ناخذها ويانا وعشان خاطرها اقترحت عليها أنه كل عشر أيام بطلب من اخوي العود يبها لنا وتيلس ويانا كم يوم وترد بالبدايه وافقت ولكن ما مداها قلبت وقالت لا من غير ما تعطيني سبب مقنع ما يحتاج سبب مقنع ..انت ذكي وتعرفها لحالك ... هي انقرصت مرة وصارت تخاف من كل شي .. صار حرمانها من البنت هاجس عندها يحرمها حتى التمتع بوجودك جنبها لحالكم . تظل تفكر هل بترجع لبنتها وللا لأ واسمح لي بسؤال ... ليش صعب تاخذوا البنت معاكم ؟؟؟ اللي يعتني بالبنت سواء كنتم ببيتكم أو بأي مكان ثاني هي المربية .. والخدم رايحين معاكم بكل الأحوال ما راح يتعبك تكون المربية والبنت مع الكل . كيف بتعالجها نفسيا وهي مرعوبه وقلقة ؟؟ مع أني أشك انها تحتاج علاج نفسي طبي .. الممنوعات اللي هي مخليتها عذروب بكل مشكله تستوي من بينا ما اعتقد أنها سبب لانها هي تجوف شنو تسوي زوجتي الثانيه وهي بغت مثلها والمشكله هي مب قايمه بواجباتها الاساسيه عشان تقارن نفسها فيها وش هي الواجبات الأساسية المطلوبه منها ؟؟ من يوم ربت لجين منعتك نفسها ؟؟ وحتى وهي ساكنه بيت اهلي مب متحمله احد واذا احد ناقشها ودخل عندها تنفجر فيهم لدرجه وصلت فيها انها ترفع صوتها على الوالده والمشكله انه الوالد يطبطب عليها ودخلته بمشاكل ويا الوالده بسببها عنجهيتها وسوء تصرفاتها .. |
|
المشاركة الأصلية كتبت بواسطة أبو خليفه....
بالنسبه يا أم بلال للمنوعات اللي ذكرتيها وتقولين هي سبب هالمقارنه مع زوجتي الثانيه منعتها عن دراسه وسبب أنها مب محتاجه تكمل دراستها واذا بغت طور نفسها عندها أكثر من طريقه غير ذهاب للجامعه بتقولين زوجتك ثانيه تكمل الماستر وسامح لها زوجتي ثانيه كان شرط من شروط الزواج انها تكمل اجبرتها على الغشوه وزوجتي الثانيه ما تتغشى بالعكس المفروض تستانس أنه هي أغار عليها والثانيه مب هامتني لكن هي خبله ومب فاهمه المسأله مو بس غشوة .. ذكرت بأحد ردودك أنها كانت لابسه مخور ( ثوب طويل ساتر ) وجالسه مع الجميع وزوجتك الثانية جنبك . ولمجرد انها كانت تتبادل الحديث مع بنات جيلها وتضحك معاهم حرمتها الجلسة وطلعتها فوق ... ما تتحمل أن أحد يناظرها .. هي شو ذنبها باللي قاعد يناظرها لو كان في أحد ما دام انها ما بادلته نظراته ولا حتى حست فيه . في حرمة بمجلس عام ما يناظرها نظرة اعجاب رجل جالس معاهم بلحظة من اللحظات ؟؟؟ موضوع انه منعتها من زيارات لاهلي أو حتى بيت اخوانها لانه هي مب طايعه تفهم أنها حتى لو هم أخوانها او أعمامي لازم تكون متقيده بتعاملها وياهم وتحشم أنها معرسه صحيح أنه احن عندنا مسموح نجوف حريم أخوانا أو بنات عمومتنا لكن بتقيد بعطيج مثال بسيط قبل فتره كان عندنا عرس المهم اني سمحت لها تحضر لما جيت اخذها صدمتني أنها يالسه ويا أعمامي وأخواني اثنين وكم واحد من عيال أعمامي وهي لابسه عباه شفافه وتحتها فستان لركبتها بكامل زينتها وهي وحده ثانيه ونفسها بعد أنا أدري أنه شيء وارد عندنا جي ولكن أنا فهمتها هذا الشيء بالنسبه لي غير مقبول مره تنفذ ومره تقولك نسيت عشان جي ريحت عمري ومنعتها ريحت عمرك ومنعتها ..هذا هو بالضبط ملخص كل تعاملك معها . .. ما فكرت أنه أي شيء جديد على الواحد يحتاج وقت حتى يتعود ويلتزم فيه تماما . خاصة لما يكون اللي حواليك كلهم مو ملتزمين فيه حاليا منعتها عن النت والتليفون هذولا الاثنين من قهري منها ولما شفت ردة فعلها البارده وانها ما اهتمت ما سمحت لها تستخدمهم للحين بتقولين هي تعاند وتغار من زوجتي الثانيه بسبب هذه الممنوعات برد أقولج هي ما قدرت تثبت لي أنها تتحمل المسؤليه |
|
المشاركة الأصلية كتبت بواسطة أبو خليفه....
أم بلال الله يبارك فيج قايلج من البدايه أنه الله فكني من امها لكن انتي قايمه بدورها عدل
 أنتي مشكلتج وايد متعاطفه بلجين وتعاملينها أنها ياهل مب زوجه واستوت ام |
12-05-2013, 06:03 PM
|
المشاركة الأصلية كتبت بواسطة Beta2
بناءا على طلبك أخي بو خليفة .. ولرغبتك بطرح وجهات النظر كلها للوصول لحل بارك الله فيك بنزل ردي مرة ثانية
عرفت تمشي أمورها معاك وأخذت كل حقوقها لكن ضميرك لسه يأنبك وكل شوي واحد أو واحده جاي يقول لك مسكينة لأنك ما تحس تجاهها بنفس الحب اللي تحسه للجين .. وهذا يخليك تحن عليها اكثر وتعتبرها ضحية فتلين لها أكثر وتقسي على لجين أكثر لأنك فاهم انها سبب مشاكلك أنا ما قلت اعتبر زوجتي الثانيه مظلومه من بداية رمستي قلت انها ذكيه وعرفت تمشي أمورها ,,, ما أنكر على أنها قايمه بواجباتها كزوجه ولا مقصره مع ذلك نالت مني ربع اللي تاخذه لجين بعطيج كذا مثال: هي تعتبر عروس وبعدها ما كملت سنتها ما سافرت شهر العسل من أخذتها لليوم سافرت للعمره لا تتجاوز 48 ساعه ورديتها ,, وأم غلا سفرتها أسبوع تمشيه ومع ذلك ما ذكرت لي هذا الشيء... زوجتي الثانيه لما تزوجتها سكنتها بفله لكنها تعتبر من منظورنا شقه وما اعترضت بالبدايه ,, والان بعد مشاكل واعتراض من صوبها سكنتها بفلة ضيوف اللي عدال بيت لجين ,,, وام غلا من اخذتها بفله 3 طوابق مب قاصر عليها شيء فيها ,, إذا قتلج لجين من أخذتها للان حدود 5 غرف نوم ومب مالي عينها زوجتي الثانيه تسافر بروحها وتطلع ويا ربيعاتها وأهلها بروحها ما أنكر لاني واثق أنها قويه وعندها القدره على الدفاع عن نفسها ولكن لجين مررت وياها بكذا موقف تدرين شنو ردت فعلها تصمت أو دموعها غير جي لا أي مسؤولية ؟؟ حدد لي طلباتك منها بالضبط حتى نقدر نتفاهم .. كنت فاهمه أن مشكلتك بحقك الشرعي واللي فهمته أنه هذي المشكله انحلت . أنتي تدرين شلون أخذ حقي منها واسالج بالله لو كان ولدج وياخذ حقه الشرعي بهذه الطريقه بترضين له ابصم لج من العشره من ثاني يوم بتردينها بيت أهلها وانا صبرت عليها وتحملتها ومب ناكر وانا أشهد هي الفتره الاخيره تغيرت لكن شلون وبشنو تغيرت أنتي تدرين ا ويبارك فيك ويصلح الأحوال ويهدينا جميعا مو قصة تعاطف ولا أعاملها على انها ياهل .. بالعكس أحسها تعيش ظروف أكبر من عمرها ... برأيك العاقلة الذكية زوجتك الثانية بتتحمل وفاة والدها وانها تولد بعملية قيصريه قبلها أسبوعين بالعناية المركزة ( أصلا هذول الأسبوعين عقدوها من شيء اسمه علاج ويمكن هذا سبب رفضها لشيء اسمه علاج .. ما عادت واثقة اذا بدت بسفره أو علاج كيف ممكن تنتهي ووين )) وقبل ما ينتهي النفاس تكون بمشاكل ومرة تنحرم من بيتها ومرة ترجع له وتبدأ خوفها تنحرم بنتها . مطلوب منها تكون مسؤوله وتستوعب الناس وتمتص غضبهم لأنهم كلهم أكبر منها .. ضرتها تسمعها كلام وتغيضها وانت عارف لجين ما تقدر ترد على اساءة أحد ولا غمزهم .. تجيك تطلب منك طلب تحس انه ممكن يرجع لها كرامتها فتقول لها هي احسن عنج . تنفجر وتصارخ وترفض وبعدين تستكين وتهدا وتترك الأكل والدوا والحياة كلها .. يعني تحبط وتستسلم . هذا مسلسل حياة طفلة ؟؟؟؟؟؟ |
12-05-2013, 08:02 PM
|
المشاركة الأصلية كتبت بواسطة أبو خليفه....
عرفت تمشي أمورها معاك وأخذت كل حقوقها لكن ضميرك لسه يأنبك وكل شوي واحد أو واحده جاي يقول لك مسكينة لأنك ما تحس تجاهها بنفس الحب اللي تحسه للجين .. وهذا يخليك تحن عليها اكثر وتعتبرها ضحية فتلين لها أكثر وتقسي على لجين أكثر لأنك فاهم انها سبب مشاكلك أنا ما قلت اعتبر زوجتي الثانيه مظلومه من بداية رمستي قلت انها ذكيه وعرفت تمشي أمورها ,,, ما أنكر على أنها قايمه بواجباتها كزوجه ولا مقصره مع ذلك نالت مني ربع اللي تاخذه لجين بعطيج كذا مثال: أعرف انت ما قلت هذا لكني أحسه بين حروفك .. متأكد أنك ما تحس بتنأيب الضمير بسبب شعورك للجين ؟ هي تعتبر عروس وبعدها ما كملت سنتها ما سافرت شهر العسل من أخذتها لليوم سافرت للعمره لا تتجاوز 48 ساعه ورديتها ,, وأم غلا سفرتها أسبوع تمشيه ومع ذلك ما ذكرت لي هذا الشيء... المطلوب يا بو خليفه هو سفر لجين أو جلوسها برغبتها .. مو سفره غصب عنها زوجتي الثانيه لما تزوجتها سكنتها بفله لكنها تعتبر من منظورنا شقه وما اعترضت بالبدايه ,, والان بعد مشاكل واعتراض من صوبها سكنتها بفلة ضيوف اللي عدال بيت لجين ,,, وام غلا من اخذتها بفله 3 طوابق مب قاصر عليها شيء فيها ,, إذا قتلج لجين من أخذتها للان حدود 5 غرف نوم ومب مالي عينها صحيح لكن للحين مافي غرفة نوم لغلا ببيتكم ...صح ؟ زوجتي الثانيه تسافر بروحها وتطلع ويا ربيعاتها وأهلها بروحها ما أنكر لاني واثق أنها قويه وعندها القدره على الدفاع عن نفسها ولكن لجين مررت وياها بكذا موقف تدرين شنو ردت فعلها تصمت أو دموعها غير جي لا هذي معك حق فيها ... مع أني أثق بأن لجين تقدر تميز العيب من اللي لأ ...صحيح يمكن ما تقدر تصرف نفسها لو جاها شحاد مثلا ..بتحن عليه وتصدقه على طول .. لكن ومن خبرتي فيها اقدر أقولك تقدر تحطها بين الرجال وأنت مأمن .. ما تقدر تأمن منهم هم ..لكن هي مالها مشاعر ولا فكر ولا أي مكان بقلبها لرجل تفكر فيه كأنثى . ما رجف قلبها لغيرك خالد أي مسؤولية ؟؟ حدد لي طلباتك منها بالضبط حتى نقدر نتفاهم .. كنت فاهمه أن مشكلتك بحقك الشرعي واللي فهمته أنه هذي المشكله انحلت . أنتي تدرين شلون أخذ حقي منها واسالج بالله لو كان ولدج وياخذ حقه الشرعي بهذه الطريقه بترضين له ابصم لج من العشره من ثاني يوم بتردينها بيت أهلها وانا صبرت عليها وتحملتها ومب ناكر وانا أشهد هي الفتره الاخيره تغيرت لكن شلون وبشنو تغيرت أنتي تدرين جينا لمربط الفرس وعقدة العقد ... أنت تاخذ حقك لكن تبيه منها بشعور الزوجة المحبة ... وهذا ما تقدر تغصبها عليه مهما سويت ... ادري اشلون تغيرت .. مدري .. أنت متندم على أسلوبك معها ذيك الأيام ؟؟ تحس نفسك أخطيت وصعب تكون معها بهالطريقة طول الوقت ؟؟؟ طبعا اكيد بيكون في وقت لما تشوفها غلطت لازم تقرص أذنها وتفهمها غلطتها وقتها تقدر تمنعها من حاجة على حجم غلطتها وبشكل مؤقت عشان تفهم انه عقاب لغلطتها بالذات مو أنك لقيت لك حجة عشان تمشي حياتكم بكيفك وأسلوبك اللي يريحك . اي كبار تتكلمين عنهم مطلوب منها تستوعبهم هي تتعامل على اساس من يتعاطف وياها ويحن عليها بتمشي وياه غير جي ابد بذكر لج مثال توه صار وهو اللي فجرني صوبها كنا مجتمع انا وهي والوالده وأختي العوده دار من بينا نقاش ,,, سالتها أختي بكل ذوق أنتي ليه ما تنزلين تحت عند اهلي وأغلب وقتج فوق بدورج على الاقل نزلي بنتنا ويا المربيه وأنتي براحتج (( ما اعتقد برمسة اختي شيء خطا )) كلمة بنتنا تعطي ايحاء انها مو بنتك يا لجين . ومدري كيف كانت طريقة الكلام ما حصلت وحده غير ترد عليها وتقول ما يخصج فيني وانا بكيفي وأنتي فتانه وحطت ريل على ريل ولا كانها غلطت انتي فتانه !!!!!!! ليش قالت هذي الكلمة ؟؟؟ أكيد في تراكم من قبل ومثل ما قلت لك لجين تكتم وتكتم لين ما يظل فيها صبر .. وصايره توصل للحظات الانفجار هذي بسرعة عن أول .. هذا معناه أنه أعصابها تعبانه .. اتوقع من الممنوعات  اسفه قلت الكلمة المو حلوه لكن يا خالد أنت مجرب .. الواحد لما يكون مو مرتاح تصير أعصابه على الحافه تبيلها دزة وتطيح الوالده طلبت منها تعتذر وكانت ترمس وياها بادب وهي متجاهله ,,, قمت أنا لاني حسيت الجو بدا يتوتر من بينهم ,, وطلبت منها تطلع ... قالت مب طالعه خلها هي تطلع ,,, قاعدة تحاول تكون قوية .. هي تظل تسأل كيف اكون قوية وما عرفت للحين أن قوتها كانت بسكوتها وصبرها على أي حال ... هي تحاول تدافع عن نفسها .. ملاحظ هذا من يوم صحت على نفسها بعد وفاة أبوها ؟؟؟؟ حست ان اللي كان يحميها راح .. تذكر لما كنتم تتهاوشون وهو مسافر كانت تظل تصبر وتسكت وتقول لك بكره أبوي يرجع ..تنتظره يرجع ينصرها الحين بغض النظر هي صح وللا لأ ..لكنها تحس نفسها مظلومة وتحتاج من يتعاطف معها في أقل من ثانيه تحول الموضوع بيني وبينها تهاوشت وياها وبدات تصارخ الوالده قامت هي وقالت للوالده انتي ما ربيتي أحد من عيالج عشان تقولين عني مب متربيه وانت سبق وقلت لها هذي الكلمة .. وكلمة انتي للمزاج جدا جارحه لها .. وانت كثير تكرر هالكلمة وطلعت من الصاله رحت لحقتها وسالتها انتي شنو الرمسه هذه وشنو هالاسلوب وكم مره مفهمج اذا ما ترومين تتحملين رمسة الوالده ابعدي من جدامها لكن صوتج ما يرتفع عليها ,,, قالت ردني بيتي قلت لها مب رادج وبتمين هني ,,,, أنت ما عندك شخصيه وتخاف من أهلك قلت لها وانتي وعلى ذمتي لانج للمزاج فقط ولا أنا ما بيج حزتها حذفت صاروخ (( وانا بعد ما أبيك وعندي غيرك )) هي ما كملت جملتها الا وانا طراق والباقي وردة فعلها تدرين في طبعها لغلطت وما استطاعت تواجه أحد شنو تسوي قصدك لما ما تقدر تدافع عن نفسها وتحس انه مالها حيله ... تدري انها تكلم غلا تقول لها مقدر أدافع عنك ولا اقدر اسويلك حاجة لأني ما قدرت ادافع عن نفسي لا حول ولا قوة الا بالله .. قسم بالله قلبي وجعني لجين بغت الحياه على هواها مثل ما كانت ويا أبوها الله يرحمه |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض المتطور