قراءة ثم قراءة ثم قراءة موضوعك الاخت الكريمة الشيخه شوبارد


والردود اللى تدل على ان فيه ناس عايشه حزينه وقلوب رحيمه


يالله ودى اترك المنتدى بس منتظر الفرصه تعبت من القراءة وجاء الوقت اللى


ارتاح فيه .. حمل الانسان شئ ثقيل .. والله يعين الجميع على الحمل

هلا اختي شوبارد ....من اسمك مبين انك غاليه ..و مو اي أحد بياخذك ....ليه مو الشوبارد ما يلبسها اي حد؟؟

هذا قسمه و نصيب ...و كل اللي مكتوب لك باذن الله خير لك ...و بيجي يوم بيكون هذا " ذكريات "

اكثري من الاستغفار و الصدقه و لا تنسين أذكار الصباح و المساء و توكلي على الله

الله يرزقك و يرزقني و ياك الزوج اللي يكون قره عين لك ....

الله يرزقنا وياك ياحبيبتي انتي على الاقل ناس خطبوك انا احس نفسي مهجوره احس نفسي مثلا بيتنا موحش ماحد يبغى يقربله ويخاف يقربوله

غزالة

الله يشفي كل مبتلى.. بس الجن العاشق يوضح ويبان أثناء القراءة وله اعراض مثل ماذكرتي الجماع والتقبيل وووو

انا احس بسرعة بالتنفس وخفقان في القلب وأحيانا بضيقة بس.. ولما ارجع البيت احس بنبض في اجزاء مختلفة بجسمي<< يعني ماهو شي قوي ان شاءالله

مشكلتي ياغزالة اني غير صريحة مع الشيخ والسبب وجود امي معاي مثلا يسألني تحسين بضيقة في البيت..أرد لا

احيانا يجيك احساس ودك تموتين ( يجيني بصراحة ) أرد لا...كيف معاملتك مع الناس مع اقاربك << في الغالب تكون اجاباتي سطحية وغير صحيحة

لكن امي ترد تقول انها صارت تعصب اكثر من اول تزعل من دون سبب .

مرة قالي كيف تبغين ربي يساعدك وانت ماساعدتي نفسك خلك صريحة معاي << اعتقد انه كاشفني كثير

ومرة لما زنت امي عليه قال الحمدالله مافيها سحر يمكن نفس متعلقة!! ومن بعدها كل ماسألناه يقول خير

بكرة رايحة له.. شايلة هم بقوووة ومنحرجة لما يدري ان موضوعي هذا تكنسل لأن اخر مرة قال انا حاس انك ماراح تجيني ثاني مرة!!

غزالة.. الله يجزاك خير على اهتمامك والله يوفقك ويسعدك بس تراك خوفتيني والله اليوم كله وانا ادور في النت عن هالعاشق ههههههه

الله لايبلانا يارب

----------


جميع من شارك وخفف عني بكل كلمة الله يجزاكم الجنة يارب شاكرة ومقدرة




يغلق لإكتفاء الردود >>> عشان مانتعب مراقبنا الفاضل وجه الخير الله يسعده دنيا وآخرة

__________________
اللهم لك الحمد والشكر
"ولئن شكرتم لأزيدنكم"

يمكن تكون الصراحة هي اولى خطوات حلمك ان شاء الله


يعني لو انحرجتي من امك ... انتي حاولي تجاوبين بطريقة غير مباشرة تخليه يفهم

اللهم يسر لاختنا امرها وارزقها بكرمك وجودك يا رب العالمين
الله يعطيك خير الدنيا والاخرة
تقبلى خالص تحياتى

__________________
حسبنا الله ونعم الوكيل

والله مشكلتك ياشوبارد نفس مشكلتي انا انحرج من امي مره
نفسي اترمي في حضنها واقولها الي في خاطري
وابكي قدامها بس اخاف عليها واستحي منها

__________________
لا تنسوني من صالح دعائكم

يالله حبيبتي

الله يفك ضيقتك انتي وشوبارد والكل يارب

تدرين انا مستحيل ابكي او تنزل دمعه عندي كبرياء وعزة نفس قوية وما اتنازل ومستحيل اعترف بضعفي بس هنا اخذ راحتي في اشياء كثير ( في المنتدى ) لانه تحسي مافي احد يعرفك وتقدري تقولي اللي عندك

فعلا ياكبريائي المنتدى ساعدنا كثير في الترويح والفضفضة

__________________
لا تنسوني من صالح دعائكم

تركي بن محمد
صعب جداا صدقني بتفهمها امي وهي طايرة واكيد امي حاسة فيني لكن ماتدري عن شعوري ومعاناتي مثل الآن

متعبة
آمين الله يجزاك خير



الحب والحبيب
كبريائي

مع ان علاقتي قوية بأمي وكل شي اقولها الا احساسي بالزواج مااقدر اولا مابغى ازيد همها هم ثانيا ماأملك الجرأة

اخر خطبة اللي خلتني اكتب هالموضوع.. تصورو بنات جالسين وامي تشكي ضايقة ومتنكدة بسبتي وانا ماسكة

الخدادية مرة اغطي وجهي ومرة اعض عليها بأسناني ومرة اغطي نصف وجهي عشان ماتشوف ملامحي وهي تتكلم

تدرون وش تقول؟ تقول اشوف فلانة تقول زوجي طبخت له سويت له واشوفك واتحسر اشوف فلانة معها ولدها ترضعه واشوفك واتحسر

مدري وش هالبلا اللي فيك يابنتي انا معد اتحمل اشوف بنت بعمرك او اصغر منك ومتزوجة!!.. حتى في البيت ترى دايم أناظرك واتحسر!! انا بموت من هاللي يجون

ويشوفونك ويروحون ااااااااااااه بس..بموت وانا ماشفتك لابسة الأبيض.. وتقعد تبكي وتقول انا متأكدة ان فيك بلا..

تخيلو كل هالكلام واكثر وانا قدامها.. تدرون وش ردة فعلي؟ اذكرها بربي وان هذا نصيب ولازم نرضى فيه وابتسم بوجهها واضحك واقول يماه صاحية تبكين؟؟

احد ميت يماه تصدقين كنك بعزا تقول والله اشد من العزا..واضحك وانا بموت من دااااااااااخلي

تقولي ماشالله عليك قوية مع اني اشوفك لأتفه الاسباب تتأثرين شلون ماتتأثرين للي يصير لك؟ اقولها لاني عارفة ربي ماكتب لي فلان خلاص مهو لي ليه اتضايق!!



كبريائي.. كنت اتوقع مافي احد مثل كبريائي وكرامتي بس يوم شفتك عرفت اني اهون بكثير
ههههههههههه

الحب والحبيب ...والله انا مثلك بالضبط بس ماقدر

__________________
اللهم لك الحمد والشكر
"ولئن شكرتم لأزيدنكم"