بخصوص الاختبار بو الحلاو

بدأت فيه
وواصلت
وحسيت بألم في فكي من طول المدة
لان الحلاو كانت قاسية
وانجرح شوي حلقي من داخل

بس واصلت
وكل ما حسيت بالالم اصريت ان اواصل
وتخيلت ان هذي وساوسي ومخاوفي تضغط علي
وانها شيء قاسي
ومواصلتي في الامر تخيلتها مقاومتي للوساوس

😊 ونجححححححححت الحمدلله الحمدلله الحمددددلله

(:
كيفك مع الكتابة التفريغية؟

__________________
الحمد لله..اللهم صل على محمد و ال محمد

التفريغ المنهجي

متابعة مواضيعج مع كذا شخص
وهم يكتبون لج ان يتفاعلون مع الكتابة التفريغية
وكنت استهجن الامر!!!!
بس لما صرت مكانهم
فعلاً فيه مواقف مع انها صغيرة بس اسهب فيها كثيراً وكأني اعيشها فعلاً وقت الكتابة واندمج
ومواقف اثرت فيني
اكتشفت انها بايخة وسخيفففة!!!

لازلت اكتب... مستمرة

حدث موقف بيني وبين زوجي
و رجعت استدركت

هل الخطأ في حدوث المواقف ؟
أم الخطأ في ان تجرنا لمنزلق الكآبة فلا نستدركها ؟

هائنت اجبت في قلبك سؤالك
ان الله كامل في فعله مايحصل لنا من اسباب فلا خطأ في ان الدنيا غير مثالية "خلق الانسان في كبد" (:
فلو كانت مثالية لانتفى امر البعث والمعاد
إذن الخطا يكون في التعامل مع الدنيا" قد أفلح من زكاها"
لن تكون الدنيا اجمل مماهي عليه الان
لان الله خالقها
فهي جميلة فقط عند من اخلص النية له وحده ولم يدخل في الشرك الخفي
اي خلط النية برغبة الذات
الأنا
هنا نحن ادخلنا اله خفي ولكن نخفي عن من؟"يعلم السر وأخفى"
حتى ان صدورنا تضيق بعدم الاخلاص!
انظري لهيمنته!
تمعني كلامي واقرايه عدة مرات
ولاتردي اليوم
واتركي التعليق لغد

__________________
الحمد لله..اللهم صل على محمد و ال محمد

التفريغ المنهجي

فهمت الكلام
واستوعبته
لكن عندي رغبة بإنج تتكلمين أكثر
وتسهبين شوي إذا ما عليج امر
احس ابي اقرأ كلامج اكثر
واسمعه بقلبي وبعقلي
تسمحين ؟

😊 وبعدها بارد عليج

اقرأي سورة يوسف🌺

__________________
الحمد لله..اللهم صل على محمد و ال محمد

التفريغ المنهجي

وانه افتح الموقع كنت احضر نفسي
عشان استأنف الكتابة التفريغية

بس تآمرين الحين بتوضأ وبقرأ سورة يوسف 😘

توضأت
وغسلت اسناني بالمعجون وكليت حبة نعناع
لبست ملابس جميلة
ولبست الشيلة ( ما اعرف شتسمونها )
وتعطرت

للصلاة ولقرآءة القرآن أحب إن اتعطر واعطر فمي واتجهز ، وإذا ما سويت هالشيء احس بنوع من تأنيب الضمير ، واقول في خاطري لو بقابل زوجي ولا بقابل أي أحد من البشر باسوي چذي وفي موعدي مع رب العباد اكون بأسوء حلة ؟!!!

وبدأت في تلاوة السورة ، لما بقى صفحتين من باقي السورة ، اتصل لي زوجي تعبان ومريض وخلاني اروح له مكانه الخاص ، سويت له زنجبيل وشوربة ..... هذا مو مهم
في هذي الاثناء .. استحضرت كلامج اللي قلت لج اسهبي فيه
وتذكرت السورة .. لقيت فيها الاسهاب اللي طلبته منج

هذا هدفج من القراءة ؟

و رجعت اتممتها
وسجدت لله شكر على توفيقه ❤️

عمل جميل🌹
عافى الله زوجك
نعم ففي بلاغة القران وفصاحته ما يحتوي القارىء ويبلغه مابحث

__________________
الحمد لله..اللهم صل على محمد و ال محمد

التفريغ المنهجي

الله يعافيج ويخليج يا رب يالغالية 😘

تعرفين حالة لما توج قايمة من النوم ، توج امفتحه عينج وتحسين مزاجج مو كلش ؟
تعرفين حالة لما مزاجج ينقلب بدون سبب وبدون تفكير او هواجس ؟
هذا هم حله بالتفكير الايجابي أو شلون ؟
ما ابي مزاجي يتقلب بدون سبب