زوجتك شخصيتها من الشخصيات الخيالية كونها تحب رسم وحتى تصرفاتها تدل على انها غير واقعية وانطوائية لان ماتحب تحتك بالاخرين مااعتقد انها تعاني من مشاكل مترسبة لان مو كل انسان كتوم يعاني من علة يمكن هيا تربت في بيت اهلها كاوحيدة محد يشاركها الحياة واعتقد ان امها لها دور في هذا شيء لو لاحظت ان ام زوجتك ماتسال عن بنتها كثير فهذا يدل ان امها من هيا صغيرة مافي اتصال لفظي وعاطفي , زوجتك مالقيت اهتمام من امها لان الامهات بالعادة يمكن يقسون على بناتهم المشاغبات لكن زوجتك هادية وتسمع الكلام فاساس تكوين شخصيتها ترتبط بينها وبين امها ,تعودت انها مالقيت اهتمام من امها فصارت بروتين تعيش لوحدهاا بعالم ثاني يمكن نحنا نستغرب شخصيتها شوي مادري ليش بعض تصرفاتها تذكرني بافلام الانمي ههههه شكلها تتاثر فيهم خصوصا لما قلت انها تبحلق فيك وانت نايم ولما تبكي وقت .. فيك تتاكد من رسوماتها اذا ترسم انمي ؟ راح تعرف انها بعالم ثاني افتراضي اعرف وحدة بنفس شخصية زوجتك بس كانت شاطرة في الجامعة بس وحيدة وماتحب الاختلاط وكانت فاتحة كراستها كلها رسوم انمي حتى تصرفاتها مو طبيعية مادري موعايشين بل واقع .عموما لازم تفهم شخصيتها عشان تعرف تتعايش معهاا هي محتاجه "ام " فحاول تكووون بسسلوكك معها مثل الام تحتويها وترفق عليها اعتبرها طفلتك هي ناضجة لكن محتاجه عاطفة الام والمشكلة ثانيه انها خيالية مدام تحب الرسم وتعيش بعالم ثاني كونها انطوائية راح تحل مشكلتها وهذا
يعتمد على المشكلة الاولى اذا تجاوزتها وتفاعلت معكو دكتور طارق الحبيب تكلم عن شخصيات الازواج وكيف يتعاملون مع زوج الاخر موجود في اليوتيوب راح يفيدك كثير .نصيحة لو ماتفاعلت معك وشاركتك الحياة لاتصبر كثير لان مراح تقضي عمرك مع جدار صامت الحياة الزوجية( مشاركة ) وقبل هذا كله صارح اهلها يمكن يخبروك اكثر عن بنتهم وهذا رائي

السلام عليكم اخواني واخواتي أسف لأني ارد متاخر جدا ولكن بسبب عملي وعندي بعض المشاكل في العمل وعمتي وزوجها صارلهم حادث الحمدلله على سلامتهم فانشفلت عنكم واكيد انشغلت مع زوجتي وانتم عارفين الموضوع لذلك ماقدرت ارد على كل واحد فيكم

ياجماعة افهموني هي مو قادرة تتخطى اللي صارلها لأنها صارحتني بآشياء وهي انها تكره اهلها وماتحبهم وانا مستغرب الانقطاع لاهي تسأل عنهم ولا هم يسآلون عنها استغربت جدا جدا

وقالتلي انه مو لازم نعيش بحب ونجيب عيال والى آخره تقولي عادي نعيش مع بعض كآننا عايلة بيننا الاحترام واذا تبي تتزوج عشان الآطفال عادي روح تزوج انا موافقة

وتقولي انا مااحب احد يلمسني او يبوسني ولما سألتها ليش ؟ قالتلي ولاشي , بعدين رجعت تقولي كذا مااحب , استغربت صراحة

ياجماعة انا مو عارف شسوي حتى لما عرضت عليها نروح انا وياها لاستشارين رفضت الفكره تماما ووضحت لها انها بتكون لحالها وانا لحالي بس رفضت وقالتلي انا مو مريضة اذا انت مريض روح عالج نفسك

وقلت لها ترا يمكن ننفصل عن بعض الى الآبد وترجعي بيت آهلك , ساعتها حزنت وقالتلي ليش ؟ انا ماسويت شي وشرحت لها الوضع قلت لها انا ابي وابي وابي وابي وبوفرلك كل شي واي شي تبينه ودي تفتحي صفحة جديده معي ترجع تقولي ليش ايش فينا ؟

شسوي يااخوان انفصل عنها وارجعها بيت اهلها فترة كمعاقبة لها
او شسوي اكلم امها مثلا ؟
شوروا علي ياآخواني واخواتي

اي نسيت شغله بالنسبة للي يقول او تقول ترسم انمي وذي الشغلات
لا هي ماترسم انمي وكراتين وخرابيط
هي ترسم مناظر طبيعية او لوحة كاملة تلونها بلون واحد بس لا فيها رسم ولا شي او ترسم ظلال اللي هو ظل الاآشخاص بس هذي رسوماتها

اخواني آسف لأني تعبتكم معي وشكرا لإهتمامكم بس انا ضاق بي الحال شسوي والله الف مره انا غلطان آدري بس شسوي زلة لسان ومين اللي مايغلط في الدنيا ؟ ومين اللي ماتصير مشاكل بينه وبين زوجته والله مو قاعد ابرر لنفسي بس زهقت مشاكل من كل مكان

بالنسبة للي يقول كم لنا متزوجين سنة وعليها مادري كم شهر وللحين ماعندنا اطفال

ما أظن أنه كلامك لها هو السبب ... بتقديري الأمر أكبر من هيك

وأتوقع انه الاحتمال اللي قوله يدور بخاطرك انت كمان لكن مو حاب تقوله لكن يمكن المواجهه تكون أفضل بهيك وضع
يمكن يشجعها توافق على مساعدة اختصاصية

احتمال أخي أنها تكون تعرضت لتحرش وهي صغيرة ... وممكن جدا من أقاربها

واجهها بشكك وقول لها أنك بتوقف معها حتى تتخلص من الأثر النفسي لهذا التحرش عشان ترتاح نفسيتها وتقدر تكون عادية لها رغبة بعائلة وأطفال

__________________

تعاني من تراكمات نفسيه خذها لاستشاريين

دام نقطة ضعفها اهلها المفروض تاخد العلم من امها اكيد تعرف بنتها اكثر وحده

اتصل ع امها وخلها تساعدك مو شرط تعرف زوجتك

السلام عليكم
زوجتك ...كانها انااااااا مثل شخصيتي يوم تزوجت زوجي انا عند اهلي ماطلع كثير ماحب الناس احب غرفتي ارتاح بس لاقرابي اكرة المشاكل احب الهدؤ والسكوت كثيرررررر

كان زوجي في بداية زواجنا يشتكي بنفس اسلوبك
لدرجة كل يوم ابكي منة
واقول انا ياخي كافيتك خيري وشري يقول تكلمي حسسيني بالادمية معي
لدرجة يكلمني وينظر فيني وانا ماقدر ارفع عيني

احب نطلع انا وياة بس
ماحب جمعة الناس ابد
هو يقول مالك حس بالبيت كانك ميتة

بسالك يعني تتوقع زوجتك ماتحس بحركاتها يمكن خجل او حياء
لانها توها تختلط بواحد معها روحها الثاني
متعودة قبل الزواج ماحد يناشبها لافي كلام ولا في هدؤ

وانا يمكن كنت احس بالاكتئاب وكان زوجي يصرحها لي اني احتاج لمعالجة لدرجة كنت اقول في نفسي الله لايسامحك
ماقبل منة
مو اكتئاب ترى والله خوف او خجل لدرجة الخوف

مرت سنة وانا احاول اتغير من طبعي واتقرب لزوجي وانا ماقصر معة بكل شي حتًى اول

بس بعد مرور سنتين 😈😈😈😈طلعت سوسة على قولتة
صرت ارفع عيني علية قبل يرفع ههههه
صرت اسولفة اضحك بصوت عالي
اجتمع بجماعتي لكن الجيران مو شرط دام مارتحت
صح كنت اخاف حتى يخليني في اي مكان عام لوحدي زي مستشفى وسوق بس الحين فكوني بالشارع افللللح


تصدقو حتى هو يقول ليتك ترجعين ززي اول كنتي حبيبة
قلت علشان تقعد تنفخ علي وتبكيني
واضحك علية لكن الحمدلله على كل حال هو تحملني وانا تحملتة


انت كلامك معها حطمهها نفسيا ولا تعرف تداريها جربها وقت الشدايد يمكن تكون اقرب لك من روحك
وصدقني تراها حساسة مثلي اتوقع من اي كلمة من زوجي اقعد احسبلها الف حساب لو يمدح في وحدة ولو يناظر بس
خلاص احس اني مدمرة نفسيااا وابتعد عنة لحد ماتهدى واقدر اتقلم لكن وين القى رجال بالعالم مايطالع بالحريم مافية


زوجتك تصرفاتها غريبة لالا انت الي تتوهم وتحس انها ناقصة ومريضة حرام علية عمرها صغيرررر ويمكن حست بالمسؤل ية وخايفة لقت واحد ينتقدها في كل صغيرة وكبيرة
ولا تطالع وتقارن البنات مو زي بعض
يمكن لو تكون زوجتك مع اختها شخصيتها تختلف وهي معك لاتتسررررع بالحكم ابد

السلام عليكم ورحمة الله وبركاته
للأسف كان ودي ابشركم بس الحمدلله على كل حال
اولا صارحتها بموضوع اذا هي تعرضت لتحرش من قبل او لا ؟ وكانت ردة فعلها السكوت بس ماحسيتها مضايقة او خايفة بس كانت ساكته وطالع فيني وبعد فتره سآلتني ليش تسأل ؟ قلت لها ولا شي

ثانيا وبصراحة مو قادر اتحمل الوضع وانا تعبت والموضوع طول وبزيااااااااااااااده فـــ وديتها بيت اهلها بالغصب وقلت لها اذا ماتبي احد يعرف باللي بيننا مثلي على آهلك انك زايرتهم وبتمين عندهم لأنك مشتاقتلهم
قالتلي ليش اكذب عليهم انا مو مشتاقتلهم ولا شي قلت لها طول عمرك تكذبي على اهلي والناس جات على آهلك وهي سكتت وبعدين قالتلي كم يوم ؟ قلت لها مادري بس لاترجعي البيت الا لما انا اجيك
قالتلي يمكن مايبوني اطول عندهم قلت لها ليش مايبونك ؟ كالعاده سكتت وبعدين قالتلي طيب بس لاتتاخر

المهم هي في بيت اهلها وانا في بيت اهلي

على فكره عشان اوضح انا وديتها بيت اهلها عشان تحس بالفرق لأنها ماتحب بيت اهلها وترتاح في بيتها بس انا وديتها بالقوه عشان تحس ويمكن تراجع نفسها وتتعدل
علما اني ماراح اقطعها بروح لها زيارات وبرسلها رسايل
هذا اللي طلع معي

اللي طلع معك شي طيب ... لعل وعسى تنفك عقدتها وتطلع اللي بقلبها

من رأيي تكون الرسائل عاطفية وفيها مودة ومدح ... مودة ومدح ... وبزيارتك خذ لها هدية بسيطة .
وانتظرها الى أن هي تبدأ تتغير وتبدأ تفتح لك قلبها

الله يعينك ويصبرك ويعطيك الأجر

بس سؤال ... ليش ما جاوبتها لما سألتك ليش تسأل عن التحرش ؟؟؟
احتمال البنت حاسه انه وضعها معاك تمام ومو حاسه بمشكلتها

من رأيي لو صار مجال ارجع اسألها وقول لها سبب سؤالك انه وضعها كزوجة مو عادي ولا طبيعي ولازم في سبب

__________________

فيه حالات هنا مشابه وماتعدلتش الا لما اتجوز عليها ..
نصيحه لو ةعندك امكانيه تتجوز اتكل على الله ..
انت لا بتعمل عيب ولا حرام ..
بكره الا ماتبغيه حاتبغيه وتبغيه وتبغيه ..
صدقنى .. المداديه دى حاتتعبك ..
هو انتى متجوز واحده عشان تعالجها
وهى اتجوزتك على اساس ايه ..؟
اخويه يعنى ؟
عاوز تكمل المشوار يبقى ربنا يعينك

__________________
تٌجّنِبًوٌا الَوٌحًدٍهّ...فُهّيِ تٌعٌشُقُ الَرجّوٌعٌ لَلَمًاضيِ