حبيبتي .. اطلع بالسيارة ويسمح لي
بس ما يسمح اروح بيت اهلي على طول
صديقاتي اللي بيوتهم قريبة عندهم عيال مو على طول فاضيين
ومو معقولة بطلع بروحي
ولو ان سويتها بس ما فيه مكان اروح له بروحي

ان شاء الله الله يقدرني

دعواتكم

الله يعينج يا زين و يكتب لج خيرتج وين ما تكون

__________________

ادرسي مدرستك الدينية عن بعد
افتحي مجلسك كل يوم جمعه باستقبال ابناء اخوتك اخوالك او اخوانك فهذه عادة كريمة وصلة رحم
ادخلي الحياة لهذا المنزل فهو مكانك
يوم كامل بدون مسؤولية امر في غاية الروعة فهذا يعني انه بإمكانك ممارسة هواية ما كفن التشكيل او الرسم وفتح زاوية خاصة لهوايتك وتنميتها وتنقيحها اوحتى تعلم رياضات معينة كالاسترخاء
درست الاسعافات الاولية والان احاول تنمية ثقافتي حتى اتمكن بصورة دقيقة من التادية كما يجب حين يلزم الامر
لو كنت هاوية اطلاع ولك باع طويل فيه
ابحثي عن نقطة تثير اهتمامك او قلقك او حفيظتك في المجال العلمي او الديني واجمعي المصادر المعتمده واصنعي بحثا ونقحيه

__________________
الحمد لله..اللهم صل على محمد و ال محمد

التفريغ المنهجي

أفكار جميلة انلمتيد👍👍

__________________

قلبي عورني عليج وعلى وضعج

الله يعينج على ريلج.. الصراحه التعامل معه صعب!

يطلب منج التغيير وهو في المقابل ماعنده مرونة أبد وكلمته يبيها تمشي مثل السيف

يا ناس من أبسط حقوق المرأة انها تناقش زوجها.. يعني حتى النقاش ممنوع؟!

حبيبتي زين.. زوجج حسب وصفج مدري شلون أحس انه يحبج بس في نفس الوقت كأنه يدور لج الزله!

عموما يعجبني فيج اعترافج بالخطأ ورغبتج في التطوير من نفسج

تحتاجين سعة صدر وبروووود في التعامل مع زوجج

بالنسبة لكيف تشغلين وقتج.. مالج الا تسوين كل شي عن بعد

فيه دورات لغة انجليزية وادارة اعمال وحاسب كلها عن بعد وفيه بعد منتديات خاصة بالدعوة الى الله وتحفيظ القرآن مثل طريق الإيمان وغيرها

الله يهدي زوجج ويسمح لج ع الأقل بالحمل.. سبب رفضه للحمل غير مقنع أبداااا

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

ماشاء الله ياااحظك يازين
الكل قاعد يحاول يساعدك ويشجعك للتغيير

ماشاء الله تبارك الله حتى لقيتي حلول وافادات كثير
استفيدي من نصايحهم الكل يحبك وواقف معاك
بالتوفيق يارب

زين مبين إنك طيبة وعلى نياتك لكن عصبيتك وعنادك مخرب عليك الجو بينك وبين زوجك صحيح إنه زوجك بنظرك مضيق عليك كل السبل إنك تتسلين أو تقضين وقتك لكن حاولي تتغيري لنفسك مو له فقط الأمور اللي تبغيها تقدري تعمليها بالبيت المدارس الدينية تقدري تسجلين فيها بالانترنت وتكون عن بعد وكثير مسجلين فيها من ربات البيوت والرياضة تقدري تعمليها بالبيت حاولي يكون لك صداقات ومعارف بمدينة زوجك يتبادلون الزيارات معك وسعي عالمك لا تضيقينه فقط بزوجك ومن أول مشكلة أو اختلاف تنفجرين فيه كرهتي القراءة بمجال جربيه بمجال ثاني لا تسكريها بوجهك وهي لها أكثر من حل وحل إن لمس زوجك تغيرك واستغنائك عنه وعن مجادلته راح يرجع لك من نفسه فكري يا زين ووسعي من أفكارك لا تضيقين الحياة وهي واسعة !

طيب .. شو رايج تدرسين عن طريق النت

ابحثي في النت عن موقع جامعة المعرفة العالمية .. فيها تخصص دراسات إسلامية و تخصص تفسير
المحاضرات عن طريق القاعات الصوتية .. وتسليم الواجبات والتقارير الكتروني
كل اللي عليج نهاية كل كورس تروحين المكتب للامتحان


حاولي تعزمين حد لعندج .. أو تتلاقين مع حد في الحديقة أو البحر أو مول لو هو يسمح بهالشي
وممكن تطلعين مع اهلج لهالاماكن

فكري في هواياتج ..
و طوريها ..
عن نفسي فكرت وفكرت و بالأخير قررت اتعلم الخياطة و تعلمتها رغم انه زوجي ما كان عاجبنه وحاس اني ما بسوي فيها شي مفيد لكن ربي يسر و لقيت وحده من جااراتي تعطي دروس
وحاليا ادرب عالموديلات الجديدة
و حاطة فبالي فكرة مشروع .. ما زالت قيد الدراسة
اطلقي العنان لمخيلتج ولطموحج

اختلطي بالجيران لأنهم أسهل وأقرب فالزيارات و الجلسات
للعلم . ساكنة بشقة و أغلب اللي حوالي مب عرب لكن احاول اختلط فيهم
ونااسة .. وحده توها اسلمت من جديد و الثانية تبا تحفظ قران فاتي كل يوم عندي احفظها واسمع لها .. وعلمتني بعد أكلاتهم اللذيييذة .. والثالثة اطرش ولدها أعلمه القاعدة النورانية و اساعده بدروس العربي
لاتيأسين ..

بعد ما ازوجت زوجي جبرني اطلع من الدوام و كان يرفض حتى زيارة اهلي كل اسيوع او اني اروح لصديقاتي
لكن ما نيأس .. و نحاول نفكر بطريقة ثانية

الله يوفقج وييسر أمرج

يا رب الله يسمع منج .. ولج بالمثل

احبج .. فتحتي لي مداركي .. وامور كنت لاهيه عنها
فعلا كنت بنفسي لفترة معينة ادرس دروس فقهية عن طريق المحاضرات اللي اسمعها وماخذه كتاب
ووصلت لمرحلة حلوة وقطعت بس برجع لها
في بالي بعض الامور .. بخلق لي هواية ولو ان اؤمن ان الهواية مَلَكة .. لكن ما فيه شيء مستحيل
الله يقضي حاجتج

افكارها جميلة مثلها...

زوجي متعود محد يقول له ثلث الثلاثة كم .. معتاد هالأمر في عمله
حتى في منطقته في نشاطاته الاجتماعية والثقافية محد يناقشه
والكل ينفذ اوامره .. وإذا قال عن موضوع انه يُغلق محد يرجع يفتحه وياه ..
اعتاد هالنظام من بداية عمره وانطلاقته ..
صعبة عليه ان اناقشه او اطلب منه تبرير
انه مطيعة والله .. لكن ابي اعرف السبب حق الفعل اللي طلب مني تنفيذه
مع ان في كل الاحوال بانفذه عشان خاطره حتى لو ما اقتنعت بالسبب..
ويعتبرها قلة ثقة فيه
ان انه مو واثقة في قراراته لذلك اطلب منه تبرير...
يا صديقتي اعرف انه يحبني..
حتى لما اقعد مع اخواته ويصادف ان اذكر موقف معين
يقولون لي معقولة فلان جذي يتعامل!!! معقولة يطلع منه هالفعل!!!
مو من النوع اللي يراضي او ياخذ بخاطر احد زعلان
وامور وايد ما يسويها لغيري حتى لبناته ومعاي يسويها
وامور وايد تثبت لي حبه ... لكنه صعب صعب صعب صعب صعب
متعب بالنسبة لي..
تعودت اناقش واتكلم وافضفض واطرح افكاري في اي موضوع

ما قبل بهالدراسات ... الله كريم يا اختي

ويخليج يا رب ويتمم عليج زواجج
اعرف اسمه لانه معروف .. بس لما تقدم لي الوالد ما قال لي اسمه الكامل
وانه ما اهتميت
قال لي اسمه الاول وعرفت انه مو من منطقتنا .. قال لي منطقتهم في المحافظة الفلانيه
فما اهتميت وايد .. و دخلت النظرة الشرعية على مضض .. لأن كنت ارفض اللي يتقدمون لي لأن فلان اللي اشوفه قريب من المسجد هو اللي داخل راسي..
هو ما يعرف اسمي .. لأني مو من محافظتهم بس كنت بحكم شغلي اروح اصلي بذاك المسجد

صدفة طعت اعرف وحده من اهله .. وصدفة طلع صديق اثنين من الاهل
فلما دخلت النظرة الشرعية تفاجئت ان فلان اللي انتظره هذا هو جدامي

اللهم لك الحمد ..
مو رياء بس عشان اقول لك فايدة الدعاء ..
طوال السنتين ألح بالدعاء وكنت ابكي واتصدق واستغفر واكثر من الصلاة على النبي وآله وصحبه الاخيار
سنتين مع كل سجدر اسجدها ادعي ومع كل اذان ومع كل جمعة ومع كل وقت اقرأ ان فيه استجابة للدعاء
وكنت اقول في خاطري ان ربي امرنا بالدعاء ووعدنا بالاجابة وحاشاه رب العالمين ان يخيب ايد ارتفعت له
وكنت ادعي واقول يا رب قربة لك ابي اتزوج فلان...

شكراً ملاذ .. استرجعت المواقف .. وحمدت ربي كثيراً .. وتفتحت لي امور معينة في مخي ودخلت الفرحة لقلبي الحمدلله .. الله يقضي حاجتج