المشاركة الأصلية كتبت بواسطة SKYGUARD الايااااااااااااااااام بسم الله عليك كيف صابره للحين بين فتره وفتره امر على مضعك والاقيك زي ما انتي ؟؟ كيف ما انفجرتي ما اقدر اشوف زوجي حبيبي يروح مني واسكت سكوتك سبب للي انتي فيه... انا عارفه انك خايفه من اي خطوه ممكن تسويها هي صح او خطأ ومتردده كثير والله حاسه فيك ياقلبي بس اذا كذا كلمي احد من اخوانك يكون كبير وثقه وحافظ للسر ومايعلم احد لان هذا ابو اولادك ولازم صورته تظل حلوه بعيون اهلك.. بس انتي كلمي اخوك وفهميه الموضوع وخليه يساعدك عشان تتجراي لما يكون هو معاك..والرجال عندهم حكمه وحسن تصرف وماتحركهم العاطفه مثلنا.... بس خليه يمسك ايدك ويوصلك بر الامان مع زوجك اقطعي الطريق على زوجك لايروح يدمن عالعلاقات ويلتفت للحركات هذي... يالايااااااااااااااااااااااام ثوري حطمي كل شي ماعاد في وقت الامور جالسه تتطور وانتي تتفرجي... اذا مافيك جراه تتخذي اي موقف لحالك وخايفه من ردة الفعل الجاي لله سبحانه وتعالى ثم لاخوك.... اتمنى لك التوفيق.... نعناعه..

شوفي حبيبتي هذي سوالف أغلب الرجال الغبية هو عارف إن هالبنت تسليه يعني تقضية وقت على مايقولون وهو عارف بعد إنها ماتسوى شي بظفرش كلام الغراميات والعلاقة إلي يبنه وبينها صدقيني مصيرها راح تنتهي. لأن زوجج واضح في هالمسأله ماخذ السالفة لعب وبس.

الظاهر إن في حياتكم روتين قاتل على الأقل بالنسبة له وعشان جدي راح يقضي على الروتين بهالطريقة حاولي تجددين حياتكم والوسائل كثيرة .

إذا عندكم عيال حاولي تشركينه معاج بأمورهم ولا تشيلين المسؤلية عنه بالمرة في أي شي بأمور البيت ( لاتعطينه وقت فراغ وايد )

كل إلي أقدر أقوله لج إنج سوي إلي عليج وإلي الله سبحانه وتعالى أمرنا إحنا الزوجات المخلصات إن أنسويه على الأقل عشان تواجهين ربج في يوم الحساب وإنتي مرتاحه خلي هالهدف قدامج وإنسي موضوع البنت إلي مسوي علاقة معاها ولاتشدين معاه لأن أهو في هالفترة يدور أي سبب يبرر فيه علاقته معاها فرجاءً لاتعطينه الفرصة عامليه معاملة حسنة خليه يسوي علاقة وعلاقتين وصدقيني راح يرجع لج وإذا موقادرة تصبرين كلميه بطريقة غير مباشرة يعني مثلاً
سأليه إنت حاس إني مقصرة معاك في شي؟
شنو كنت تتمناه فيني وماحصلته ؟
شنو تحب نسوي عشان نجدد حياتنا ؟
شنو الهدف إلي تحب نوصل له من زواجنا؟
يعني ومثل هذا النوع من الأسئلة بس أعيد واكرر سأليه بطريقة عادية كأنج تتكلمين مع صديقتج . ولا تشدين وياه أبداً أبداً بالكلام وفي نفس الوقت لايفهم سكوتج على إنه غباء خلج واعية وحذرة في التصرف .

تعرفين شنو مربط الفرس في سالفتج ( حسسيه بالذنب) مرة ومرتين وثلاث. ونصيحة بعد لاتفتشين في جواله لأن ماراح تلاقين شي وإذا لاقيتي راح تحرين نفسج على شي فاضي وطبعاً أهو بيعرف إنج ماصرتي تفتشي وراح يحس بأنه طفل وتصرفاته غبيه ومراهقة.


ترى في طرق وايده تخلينه يحس إنهو صغير جدام نفسه وجدامج وفي نفس الوقت تروحين القهر إلي في قلبج.( مجرب)


والله يوفقج ويساعدج بس طمنينه عليج