السلام عليكم ورحمه الله وبركاته


[blink]ياااااانااااااااااااااااس الحقووني -[/blink]


--كيف العمل معاااااااااااااااااه--- الرجال بدا يضيع مني تعرف علي وحده بالانترنت وبدا اتصالاته تزيد وفواتيره اكثر ورسايل الغرااام اللي بجهازه ياخذ من ربعه علشان يطرش لها-- ويمسح اللي يوصله منها ((يعني جهازه نظيف لو فتحته رغم انه دايم قافله--- الا مرات ينساه او يتناساه علشان افتحه ما القي شي--)) المشكله انه بيسافر لها اهي بدوله ..... ثانيه-- حاولت اسكت قلت مثلها مثل اي وحده مكالمه اثنين وينسي --لكن اكتشفت انه يكلمها اول ما يطلع من البيت--يسال عنها لو غابت عنه-- وقبل ما يرجع البيت يكون خاتم معاها لدرجه انه يرجع قافل بالمررررررررررررررررره يحط راسه وينام بدووون اي كلاااااااااااااااااااااااااااااام-- ((فاهمين لوين وصل الموووضوع )))انا مو شاكه(( عندي ادله)) عندي رقمها يوم بالعطله مسافره بلندن كانت تبعث رسايل له--- ولما ارجعت بلادها---قبل اسبوع

والحين

المصيبه

شارك معاها في منتدي اهي من المؤسسين له منتدي جديد تقريبا-- وتعالوا شوفوا الغراميات اللي فيه اول ما يفتح جهازه يدور مشاركاتها ويرد--- واذا شافها فتح المسنجر معاها---- وهات يا كلام واحيانا يرن المسج عنده طبعا اهو قافله بالبيت--- مرات نكون بالسياره --ادري انها بالنت تنتظره او تبي اتصال منه---يقفل جهازه--- او يبعث رساله ((اهلي معاي))<<< شفته مره يكتبها كنت وياه بالسوق

انا اعترف انه ماقصر بالبيت وبعياله طلباتنا تنفذ بسرعه - غريبه اكثر من قبل احيانا اقول علشان ما القي عذر اكلمه فيه--- كان يغار مدري شك فيني --بس كنت متجاهله هالشك لاني عارفه نفسي وكنت (ان شاء الله من الصابرين معاه)) اقول خليه علي راحته راح يتعب وما يلقي شي
لكن الحين -- عطاني حريه ما احلم فيها---لدرجه انه مرات يقولي اطلعي من البيت غيري جو---اخذي عيالج روحي زياره مكان ترفيهي-- مو علشان يقعد بالبيت لا؟؟ اهو يروح ديوانيات انا عارفه بس هم عارفه انه يقعد بالساعات بالسياره يتكلم معاها--

حاولت اسكت-- اطنش--نزوه وتعدي---لكن ما اقدر -- لابد اقول كلمه اقرصه فيها-- يعني ادري بشي بس ماراح اتكلم بهالموضوع معاك؟؟واخرها اليوم(( كنت اكلمه قبل شوي واهو بالدوام--قالي بنام قلت اتمني اكون اخر مكالمه تنام علي صوتها)) زعل وقال انتي تقوولين كلام وتسكتين شنو قصدك وايش معناتها؟؟؟ وانهيناها رغم انه كان محول جهازه قبلها بثواني مغلق في حاله انشغال الخط((شايفه رقم التحويله عنده من اول))
انا من جد تعبت نفسياااا عارفه ان هالشي بياثر علي بيتي واطفالي--لكني تعبت الدموووووووووع واحساسي انه مع غيري--رغم انه للحين يقوولي كلام حلو واحبك وانتي ام عيالي والغاليه وبعيووني كل شي--لكن انا بصراحه وقفت ما اقدر اعطي روح مرحه مثل اول معاه--ولا كلام حلوووووو اساسا انا ما اعرف اجامل من غلط بحقي كيف بزوج يخون




علي فكره اذكر مره قال ان اغلب الشباب عايشين مع زوجاتهم بسعاده ويعرفون بنات لتضييع الوقت((يمكن كان يتمني يعيش هالمرحله)) وقالي لو بعرف بيوم تاكدي انها تسليه((يعني))((زوجتي العزيزه اتركيني بسلااااااااااااام))

ابي حل؟؟

شلون اتفاهم معاه --- الطريقه--- المناقشه---المشكله وحلها----- اعاتب ارفع صوتي وابين له اني اعرف كل شي بالتفاصيل اللي راح تصدمه--- اقوله اني افتح جهازك بغيابك واشوووووووووف كل شي؟؟
اقووله اني اعرف البنت و منتداها ورقمها بعد
واني قريت لها رساله تقول انها تعبانه ومزكمه --يعني اكيد كان سائل عنها


--- ما ودي اتم ساكته--- ابي حلللللللللللللللللللللللللللللل اسألكم بالله تردون علي لاني فعلااا بديت انهاااااااار نفسيا

شوفي يا غالية

طنشيه تماماً .. ولاكأنك تعرفين شيئ .. وبعقلك ورزانتك راح تأسرينه ..

نهاية الصداقه هذه قريبة .. وهو اللي راح يذوق الألم بالتأكيد

لأن هالبنت يوم من الأيام راح تتركه وتروح لغيره .. والعياذ بالله ..

لا تخربي بيتك .. اكثري من الدعاء له ..

شغلي في البيت اشرطة دينيه عن اليوم الآخر .. عن القبر ..

وحاولي انه يستمع ولو لمقاطع ..

شريط نهاية التاريخ للشيخ العوضي لا يفوتك ..

شغلوه في السيارة ... وقولي خلنا نستمع لبعض المقاطع ..

حاولي ببعض الوسائل الدعوية للتذكير بالله ..

وبما أن اخلاقه طيبه معك ... فهذا دليل انه رجل طيب .. ولكنه اغواء الشيطان له

اصبري يا غالية وفرج الله قريب ..

ولا انسى أن احد الداعيات عندنا ذكرت أنه ليس من الصواب ان تفتش المرأة في جوالي زوجها

بغير اذنه .. ولا يجوز لها ان تتجسس .. ومن فعلت ذلك فلا تلوم إلا نفسها ..

كانت وصاياها جميلة .. ولو فكرت بكلامها لو جدتيه صحيحاً ..

ريحي خاطرك عن البحث والتقصي عن رسائلة وغرامياته ..

فكل هذا كلام يطير في الهواء .. وحسابهم عند الله .. ولست انتي من سوف يحاسبهم

أسأل الله لك التوفيق ولزوجك الهداية
.
.
.
..
.

اختك /

بنان

__________________

الله يكون بعونك اختي وبعون كل زوجه مبتلاه بها النوع من الازواج

نصيحتي استعيني بالله وفاتحيه بالموضوع ولابد ان يقف الموضوع عند حد او بمعنى اصح المهزله

لا تقولي هو مو مقصر معنا ومعطيني الحريه فتسكتين وتتنازلين عن حقك

اختي الكريمه

لابد ان يعرف زوجك ان امره مكشوف امامك لعله يخجل من نفسه وذكريه بالله اولا واخيرا وكيف يكون منظره امام ابناءه وهو القدوه

اختي كرري عليه عاقبه ماهو فيه وهوليه مما هو عليه

نصيحتي لا تسكتي فالسكوت احيانا سكون في حد ذاته مشكاه تجر لويلات وراءها

صارحيه وضعيه امام الواقع

وننتظر منك ان تبلغينا بما حصل معكي

اتمنى لك التوفيق وان يصلح الله لك زوجك ويرده اليكي ردا جميلا

اختي الغاليه الايام اعنك الله على مصيبتك وجبرك الله فيها
اختي الغاليه انا حسه فيك هذا شي صعب جدا لكن اقولك طنشي وادعي ربك وقومي الليل ودعي ان الله يهديه لك وان الله يكرره فيها
اهتمي بنفسك وباولادك وخلي زوجك لضميره حولي تلمحين له لكن بدون اتهام وضح يمكن يفهم ويحس على دمه
انا اخاف توجهينه وتفجئين برده فعله او تفقدون احترمكم لبعض او تخسرين زوجك
وتذكري دائما انتي في النورر وهي في الضلام
اخرر شي هو زوجك ويرجعلك
الهم يارب العرش العضيم ان تهدي زوج اختي الايام وتسخرره وتحنن قلبه عليها

والله يا أختي الكريمه أعانك الله
وأسأل الله أن يجزل ثوابك ويصب عليك الحسنات صبا لقاء ما صبرك ومصابرتك
جزاك الله خير على إحساسك بالمسؤليه تجاه بيتك وأسرتك و زوجك
،، ،، ،،
سمعت كلام رائع من فضيله الشيخ الدكتور الشثري من هيئه كبار العلماء عندنا في السعوديه
إذا كان الزوج يفعل المعاصي لا يجابه من الزوجه ولا تخبره بعلمها ووقوعها على أدله ،،
حتى لا يستمري بذلك
يعني لو واجهتيه و صارختي في وجهه فإن الشيطان سينزغه وتثور طبائع العناد فيه ويستكبر
قد تنفس هذه الطريقه ( الصراخ ) من غيظ نفسك لكن أنت تريدين رجوع زوجك لا تشبثه بتلك المرأه
كوني هادئه واستخيري الله كيف تتصرفين
فكونه يعطيك أكثر منذي قبل ويحاول أن يعوض عليك بأمور أنتي تعرفينهافهذا يدل على أنه يحس بالتأنيب وقد لايستطيع رفع عينيه في عينيك وهو يرى فيهما الإتهام لكنه الشيطان
ثم اضربي له الأمثال
يعني بالعامي غير الفصيح
حطي شخصيه خياليه تمثل الدور اللي الشيطان قاعد يلعبه عليه
إذا خفتي يكشف كلامك من البدايه
نوعي وقسمي كل جزأ من مشكلته بقصه تختلف
ذكريه بالله من خلال وعظك للشخصيات الخياليه قدامه
قولي له لو أنا مكان زوجة هذاك الرجال كان كان وكان ( ونفسي عن نفسك )
ادعيله بالثلث الأخير إن الله يهديه ويحفظه واستودعيه عند الله كلما خرج
وادعيله إذا خرج للدوام وذكريه ( إننا نصبر على الجوع ولا نصبر على النار )
ذكريه بشكل غير مباشر بإطلاع الله عليه وقدرته عليه وأنا أعراض الناس دين وقضاء
وغيري ما بنفسك تجاه ربك فإن الله لا يغير ما بنا حتى نغير ما بأنفسنا
وكوني معه على الشيطان ولا تتركي الشيطان يستفرد به فيورده موارد الهلاك
الدعاء الدعاء الدعاء فالله هو الأكرم جل جلاله
أسأل الله الذي هو على كل شيء قدير أن يرده ردا جميلا عاجلا غير آجل من غير ضراء مضره ولا فتنه مضله
والسلام

__________________


اللهم أحينا على السنةواقبضنا على السنة وابعثنا على السنة[]

اكثري من قيام الليل والدعاء لزوجك


الله يهدي ازواجنا

__________________
@ ايثااااار @

أختي الأيام

عظم الله أجرك وأثاب صبرك وعجل لك بالفرج من عند


خطرت ببالي فكرة يمكن تنجح وأتمنى ذلك


بما إنك تعرفين رقمها إتصلي عليه بس انتبهي تتصلين من رقمك أو من رقم أحد يعرفه زوجك

لو تقدرين من كبينه يكون حلو

وبعدين كلميها وإسأليها أنتي تكلمين فلان؟؟

وهو يقول إنه يحبك؟؟

يامسيكنة أنتي انخدعت فيه أنا يكلمني ويقول إنه يحبني وكان يكلمني قبل يكلمك

ويحبني قبل يحبك

وإذا أنتي يكلمك أنا يكلمني ويزورني ويقولي إنه متعرف على وحدة من فترة للتسلية بس وإنه مايحبها بس يلعب

بأعصابها

وإنك حبيبته من زمان وإنه متقدم يخطبك وموعد زواجكم قريب

طبعاً لاتدري إنك زوجته خليها تحسبك حبيبة ثانية

وانتي تكلمينها كلميها ببرود وأضحكي بين كلمة وكلمة خلي أعصابها تنحرق وتموت قهرررررر

أنا أضمن لك إنها بتنهار وتنقلب عليه


ولو سألك زوجك وأنا أضمن إنه مراح يسأل أنكري تماماً إنك تعرفين شئ

وإن شاء الله ربي يخلصك منها ومن شرها ويصرف نظر زوجك عن كل إمرأة سواك

__________________

اختي بنان---جزاك الله كل خير كلااامك حلوووو ويريح-- وانا إن شاء الله مو مقصره بالجانب الديني-- واهو انسان يصلي ولله الحمد احيانا القي بمحادثاته معاها انه يستاذن للصلاه ويرجع واهي تنتظر رجوعه -- وبالنسبه لتفتيش الجوال اعترف اني حاولت اتجنبه لفتره وما افتش علشان نفسيتي ترتاح خصوصا اني حامل والانفعال يضرني--لكن القي نفسي ضعيفه حيل عند اول فرصه افتحه----- بس بدون ما يحس--اشكر مروورك وجزاك الله خير

امل احياه--ا


اتمني اقدر اصارحه -- --- بس اخاف رده الفعل--وما يعمل لي اي حساب ليش اني افتح اغراضه من وراه


اشورايا00

انا والله مو مقصره اقول كلمه احسسه اني ادري بكل شي--- لكن لانه مو اتهام مباشر يطنش او يقولي اذا في قلبك شي قووليه لا تكتمين---واهني انقهرررررررررررررر وارد بدمووووووع لاني اخاف رد الفعل -


شذي30

بحاول طريقتك---
بس اخاف اخربها معاه--- لاني مره انفجرت وقلت انا اعرف كل شي عنك-- لاتحسب اني اسكت خوف او ضعف لكن من حبي لك اقوول نزوه وتعدي--- اتوقع انه اخذها كتهديد(( لا تسوي شي )) وانه شك بدون دليل




ايثار
شكراا لمروورك والله يجزاك خير



الألمعيه

فكرتك صعبه --انا اضعف من انج تتخيلين انحط بهالموقف--اخاف اكلمها وابكي قهرررر انا ابي اسمع صوتها بس وعندي الرقم بس متردده- اخاف يكون فيه تشابهه لوحده اعرفها واقعد عمري كله كل ما كلمتها اتذكر هالبنت----فما بالك اتناقش معاها واخاف رده فعله تكون اكبر من اللي اتوقعها واخسره للابد

أشكررررر مشاركتكم معاي ويعلم الله اني فرحانه بتجاوبكم والله يجزاكم كل خير