كلامك اخي الكريم متناقض
اولا اتق الله في هذا المبلغ ,,, وتستطرد بعدها تريد تغيره مراعاة للموضه ...وتكمل بعدها اناس جياع ويتعففون عن طلب الناس

لاتعلييييييييييييييييييييق
وشكرا لك

وشكر خاص لصاحب الموضوع

اي والله كنك تشوف


جبتها عالجرح وكنك ما دريت


يعطيك العافيه سوري حنون على مشاركتك المثلجه للصدر

اولا: شكرا لك أنت
ثانيا : العفو اخي الكريم ولا يهون السائل ....عندي قاعده في حياتي اللي ما معاه لايتزوج حتى يستطيع ..
واكرر بغض النظر عنك اخي الكريم السائل ولا أعلم فعلا ماهي ظروفك
وثالثا: اللي يشتري جوال 5000 ريال معناته راتبه 50.000 لا اخي غير صحيح .... انا ماقلت كل يوم هو يوم ومافي غيره اتوقع الانسان بإذن الواحد الاحد يتملك مره مو عشرين مره .
واخيرا تقبل كلامي بصدر رحب واختلاف الرأي لايفسد للود قضيه

ماشاءالله اشوف الجماعه كلهم طابين في حلقك ياخوي وانت مستلمهم بعد

انا بس احب اعلق على هالكلمه وبكل وديه اذا سمحتلي.

تعليقي هو انه مبدأ "اللي معاه" تختلف من شخص لاخر, انا اعرف واحد من الشباب كان راعي مشاكل وحشيش وحالته صعبه لكن فجأه يوم من الايام عقل وتزوج وهو الحمد لله الان مرتاح "نوعا ما" وعنده بنت وهو قالي واقسم لي بالله ان مامعه ريال واحد يوم يخطب, طبعا انا ما اقول ان اللي سواه صحيح لكن ياخي الرسول صلى الله عليه قال (فيما معناه) انه ثلاثه كان حقا على الله ان يعينهم وذكر منهم من يريد الزواج ليعف نفسه.

ايضا هنا اذكرلك واحد اعرفه راتبه فوق 12000 ريال ويجي يتسلف مني رغم انه ماعنده ديون ولا قروض لكنه الله يهديه يصرف وشباب عندي فالعمل رواتبهم على 2500 ومتزوجين ومرتاحين "مره اخرى, نوعا ما"

وانا اكره هالكلمه حيل لاني موظف على قد حالي لكن عائلتي كلهم في مراكز مرموقه ويركبون احسن السيارات وعيالهم يلبسون اخر موديلات وكل واحد منهم يجلس يذب علي كل شوي يقاله يمزح "من وينلك يالمنتف تعرس؟" وبعض الاحيان يكون كلامهم جدي "حرام عليك تاخذ وحده وتعذبها معك وتعيشها في فقر" وكل مادروا اني ادور ولا بخطب قالوا "هاه عساك جمعت كم مئات الف فالبنك؟" رغم اني والحمدلله قادر على الزواج لاكن ماراح اسكن الا في شقه وسيارتي عاديه ولا اقدر اسافر اوروبا كل سنه... وهذا بالنسبه لهم هو الجحيم بعينه واني شخص ظالم ولازم اصبر الا ما اصير مثلهم. "والله من الخنبقه بس"

طبعا انا ما اقول انك انت من طينتهم وحكيك نفس حكيهم لكن انا بس ابي اوضح نقطه وجبت النقيضين لتسهيل الامر, وانا معك انه الواحد لازم يضغط على نفسه فترة الخطوبه لانها احلى فتره وحرام يخلي البنت تضيع هالفتره اللي كل زميلاتها مستانسين فيها. لكن بشرط انه مايحمّل نفسه فوق طاقته ولا يخلي البنت تتوقع اشياء بعدين راح تنصدم انها كانت مجرد نسج من الخيال.

طبعا انا ما اقصد هذا الكلام بس اقصد الواحد يهيء نفسه للخطبه والزواج قبل مايفكر يخطب ويحاول يجمع قد مايقدر عشان يستأنس ايام زواجه لانها ايام ماتنعاد
واخيرا الله يهينيك والف شكر على ردك

يعني مثلا لو طلبت منها تقبيلها وحضنها .. ورفضت خوفا من أبيها .. فسيكون ردك كالتالي :

" أنا زوجكِ على سنة الله ورسوله .. ومايحدث بيننا حلال.. "

فعندما تأتي هي وتطلب منك أن تتتحمل مسئوليتها كزوج وتعطيها نفقتها .. تقول لها إذهبي لأبيكِ ..

__________________

لم يحدث الدخول بعد و لهذا في الأصل لا يجب عليه النفقة عليها.كما الهاتف ليس من الواجبات على الزوج. الواجبات هي السكن و الطعام و اللباس الصحة. و ما عدى ذلك هو تفضل من عند الزوج. مثلما توجد أشياء نعتبرها من واجبات الزوجة و هي تفضل من عندها. لهذا لا يجب الوقوف كثيرا على أمور الواجبات هذه.

بارك الله فيك اخي , كلامك عين العقل


ودي وعبير وردي

طيب وإذا قلت لك انها طلبت مني نأجل هالشغله لين نتزوج ( لانه قد حصل بيننا تقبيله وضمه بسييييطه :14: ) وقالت ان هذا بدري ومدري ايش وانا انحرج واخاف من عواقب هالكلام ويا ليت ما تسوي معي كذا مره ثانيه ونخليها بعدين افضل علشان يبقى لها طعم وهي طعمها الحين بس قلت ابقدرها ( طبعا كل هالكلام في رساله لانها تستحي ) , وانا رديت عليها وقلت اذا ما قدرتك انا من يقدرك وانا مراعي ومقدر ومدري ايش وابشري نأجلها


تخيلي الزواج كان المفروض في شهر 8 هجري يعني الشهر الجاي واتصلت علي وترجتني ومدري ايش وأجلته لعيونها لين عيد الأضحى !! يعني تخيلي ما تراعيني هي


وانتي تقولين لي مدري ايش !!


عموما ما ألومك انتي ما تعرفين بعض التفاصيل لذلك لا تُلامين


وفقك الله

اخي الكريم الولد الرزين وغيره مع احترامي للكل ترا الواحد يصلح بين الزوجين مو يفسد لهذا ابي اعرف ليش بعض الاخوات هداهم الله يتكلمون عن حالتهم وانت ساكت ولا رديت هل اذا حدث مكروه لصاحبنا المستفسر بينه وبين زوجته راح يكون صح واقرأ ردوده وراح تلاحظ تأثره بكلام بعض الاخوات اللي اعتقد اغلبه مو صحيح
واخي الكريم والذي نفسي بيده انني لست طفل وعمري في اواخر العشرينات ومتزوج ولدي طفله الحمد الله ولكن بجد الواحد يستحي من خطيبته تراها ايام ملكه والله الرجل الكريم محبوب فما بالك مع خطيبته والكرم من شيم الرجال بغض النظر عن اخي الكريم صاحب الموضوع
وافهم كلامي اخي الرزين : كلامي مجازي اقول فيه اذا طلبت 500 قول بعطيك 1500 يعني من عيوني فهمت قصدي ----الله يهديك ويهدي غيرك ومشكله هنا عقليات صغيره وعقليات فاهمه ووناضجه ووالله اني راعيت الله في كلامي والحمد الله اعرف نفسي وما اكتب
واتقو الله في الانسانة اللتي لاتعرف ماذا يكتب عنها من خلفها لربما اضغنو صدر زوجها عليها وربما هي لم تقصد في طلبها شيء اذا لم تطلب من زوجها واخوها وحبيبها من من تطلب اذن ؟
وفي الختام لست من الطبقه المخمليه
الحمد الله على كل شيء