وت وت وت
لاحول ولاقوة الا بالله الله يعوض عليك ويرزقك بالاحسن الي تسعد وتعوضك وتجيب منها درزن عيال
صراحه الموضوع فيه ان واخواتها وعماتها وخالتها
كيف تهون عليها العشره والحب الي بينكم بسهوله هذي
صدقني الموضوع فيه سرر
<<هالرد من ارض الكويت 😊

__________________
سبحان الله وبحمده

أخي في الله.. شفت كلامك كيف و تأثرك كيف بالكرامه... غريب انك تبي اهلها يعتذرون منك!!! و انت ما قبلت حتى تسمع كلامها و ضيقها في مشكلتها مع والدتك الله يحفظها....و فرضت عليها تنزل لأمك و تعتذر منها!!!

مب قصدي اغثك يا اخوي... بس ابيك تنتبه لأخطائك...

اتمنى تنتبه لهذه الأخطاء يا اخوي....

على فكره انت ما حطيت في بالك و لا ثانيه انها ممكن تكون مصدومه منك و كيف تنازلت عنها بكل سهوله...

و ما فكرت كيف انها ممكن تكون انجرحت بسبب هالطلاق السريع...

للأسف كل اللي تفكر فيه هو كرامتك فقط...

هلا بأختي في الله ريفان
حياج الله نورتي الكويت وأهلها والساعة المباركة اللي جابتك عندنا

والله ياريفان صار اللي صار والحمدلله والشكر على كل حال
صدقيني مرتاح نفسياً بشكل غريب وأحس أني ماني ندمان أبداً

خصوصاً انها ماترد على إتصالاتي "قبل" ومالقيت منها إتصالات "بعد"

أكثر شي أخاف منه أني أكون ظلمت أحد!! بس الحمدلله في إطمئنان داخلي من ناحيتي إني ماظلمتها
وإن هي اللي ظلمت نفسها بنفسها وبمساعدة أهلها ، فإذا تبي تلوم خل تلوم نفسها وأهلها اللي وصلوها للنتيجة هاذي.




لكم ضيافة عندي مادري كيف أضيفكم اياها
مانسيت العود المعتق ودهن العود ترى!! ودي أوصلة لكم
بس ماني عارف الطريقة كيف!!

__________________
استغفر الله واتوب إليه

لكل شي حد
هالموضوع هذا صارلة فترة وبعدها قعدت معاها وبررت اللي سويتة وبالعكس ماصار بخاطرها شي ، وعشنا مبسوطين وسافرنا مبسوطين ووضحك ووناسة ورحلات وجو مليان حميمية!! وبعدين انا زوجها والموضوع صار بيني وبينها فقط مو قدام أهلي!! وهاذي أمي والام موقعها من الأعراب صعب!! ولو اطلبتني عيوني عطيتها!!

ويحكم معرفتي فيها ما اعتقد أنها مجروحة من هالموضوع !! لكن هي بالجهة المقابلة هدرت كرامتي بأيدين أهلها!!
ولو الموضوع بيني وبينها والله ما سألت عن الكرامة لأن بجد كرامتي وكرامتها وحدة ولا عمري شكيت ف هالشي!!

وبعدين ليه تسولفين عن الكرامة وكأنها لعبة أطفال؟؟ أختي انا كرامتي هي رجولتي!!
لاتعتقدين أني من اللي يسلمون الحاهم للحريم ويقعد يتبجبج ويلطم ع الفراق وهالأمور!!

الحرمة اللي ماتحشمني وماتحفظ كرامتي الله الغني عنها وعن طريقها كلة

وتسولفين عن صدمتها مادري منو اللي له حق ينصدم انا وإلا هي!!
اللي سويتة هو كان ردة فعل هي متأكدة منها اني راح أسويها لأنها تدري أني صاحب كرامة!!
ف ليش تجيني من المكان اللي يعورني!! طبيعي بتألم وطبيعي بعالج نفسي بأيدي!!

__________________
استغفر الله واتوب إليه

__________________

انت رجل طيب شهم كريم فيك خصال رائعة
و خسرانه من تفرط بمثلك و راح تعلمها الايام ..
و لا نزكي على الله احد لكن مثلك سهل الاحتواء لانه في الاصل كريم

للأسف تعودنا دائماً نصفق لزوجة و نتعاطف معها و نقف في صفها مع انها
قد تكون هي اصل المشكلة ..
تحرجت من ذكر هذا الكلام و لا اقصد فيه التفرقة او الفتنه و بإذن الله راح تعود زوجتك
لكن موقفك لأمس امر بنفسي و تمنيت لو مثلك كثير ..
مع أني امرأة الا أني اعترف ان بعض النساء طاغيات و بلاء كبير وان وجدت شخص مطيع
دمرت من حولها ..
حاولت ألقى مبرر لها ولأهلها لكن ما فيه ..

فرج الله همك و اصلح زوجتك ..
و ياليت نعرف زوجتك نوصيها فيك ^_^

السلام عليكم ورحمة الله وبركاته

أخي وعزيزي ابو مريم
صباح الورد
انت من الناس اللي عزيزين علي كثير ف حياك الله في كل وقت ومن المستحيل ان تكون شخص غير مرغوب فيه
انت عند المتفائل بالله من المرغوبين ومن الاشخاص اللي اعزهم كثير في المنتدى واحسبك اخي الكبير والله حسيبك.

يابو مريم
الوضع مختلف تماماً
أمي لما خانقتها .. خانقت خواتي معها وبعض خالاتي ايضاً في موضوع كانت تبي فيه مصلحتهم جميعاً
وعاملتها معاملة ام ، ولما نزلت زوجتي تبوس راسها!! امي اعتذرت منها كثير وقالت لها والله انك مثل بنتي عشان كذا هاوشتك مع بناتي!! وكانت امي محرجة منها كثير ، ولما انصلحت الامور جلست مع زوجتي وبررت لها موقفي وسمحت خاطرها وبالعكس كانت جداً مبسوطة بردة فعلي خصوصاً لما شافت ان امي واللي هي بمثابة جدتها اعتذرت منها!! وعاملتها معاملة ام خايفة عليها.

طيب بالجهة المقابلة أهلها هزئوني من غير لا اعرف السبب (مع أني حيل رسمي معاهم ومابيني وبينهم إحتكاك قوي)
وزوجتي اتصلت عليها كثير ماترد علي!! حاولت اعرف الاسباب ماقدرت اوصل لها بسبب عدم ردها علي!!

مالقيت مبررات (وانا اللي بررت لها موقفي في مشكلتها مع امي)
ولا لقيت اعتذار (وانا امي اعتذرت منها)
ولا لقيتها واقفة معاي بالنهاية (وانا اللي وقفت معها "ماهربت" من اول المشكلة لين ماسمحت خاطرها)

وصدقني اللي يهرب هو اللي ماعندة حجة وهو الحلقة الاضعف في المواجهة!!

ف عاوزني اعمل أيه ؟؟ اقعد في البيت واغني ظلموة؟؟

انا الرجل وانا الراع وانا سيد الكرامة ف بيتي!! وإذا سمحت لكرامتي تنهدر قول لكرامة أفراد اسرتي السلام
وهذا الشيء اللي ما اسمح فيه نهائياً ، والله ما اقولها وانا متكبر او متعالي او متعنت!! لكن كرامتي هي رجولتي


أقسم بالله لو كانت زوجتي إلى جانبي وبصفي ماكنت راح اخطوا خطوة الطلاق أبداً حتى لو اهلها اهانوني
وكنت راح ارد حقي منهم بطريقتي الخاصة ، بس للأسف هي بجانبهم وكأنها تهيني بموقفها وتزيد من هدر كرامتي وكبريائي ورجولتي.

يابو مريم
والله العظيم اني متسامح واغفر واتجاوز كثير بس ما اقدر انزل دون كرامتي
والله العظيم اموت ولا اروحلها او اروح بيت اهلها وانا لاقي منهم الإهانة!!!

__________________
استغفر الله واتوب إليه

غزلان
شكراً جزيلاً على كلامج
والله يسعدك دنيا واخرة

سعيد جداً بحروفك.

__________________
استغفر الله واتوب إليه

مشكور وعتبر العوود والبخوور وصل
تكفي النيييييه
الا كان فيه مشروع زواج جيت ارزز بنتي عند امك امثالك ينخطبووون ونعم فيك

__________________
سبحان الله وبحمده