يا حبيبة قلبي
اهتمي بصحتك اولا
مافي احد بيشيلك او ينفعك لو صار فيك شي
لا سمح الله


اولادك مالهم غيرك بعد الله حرام يتعذبوا وهم يشوفوك
يشوفوا امهم تتعذب وهم ما قادرين يعملوا لها شي


انسي البكاء ومتى ما تعبتي نفسيا
حطي سجادتك وادعي +ربك

حبيبتي
المؤمن مبتلى والي انتي فيه امتحان من رب العباد لك وهذا هو امتحانك فلا تفشلي فيه

حبيبتي ربي يحبك فامتحنك فيما انتي فيه
فلا تجزعي واصبري وكوني خير العبد الصبور على قضاء الله واكثري بالدعاء
وان شاء الله تعالى ربي يجبر بخاطرك ويعوضك خير



ما ضاقت والا وفرجت

دايما كرري هالدعاء
اللهم اجرني بمصيبتي واخلف علي

دايما قولي لا حول ولا قوة الا بالله
حسبي الله ربي ونعم الوكيل


ربي يعوضك خير حبيبتي
هانت صدقيني ان شاء الله

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~

عادي أكلمه واقوله عن ظروفي ؤإلمشاكل اللي تصير لي عشان يطلقني
ؤاقوله إذا كان قصدك تقهر إخوي تراه مادرى عني ولاأحد نفعني أبيك تسرحني بالمعروف
أشرحله عن ظروفي أنا متأكده يماطل علشان يقهر إخوي وش ذنبي في كل اللي يصير لي

__________________
《اللهم استودعتك أطفالي الذي لا تضيع ودائعه》

اولا

مقتنعه

هذا اهم شي
ان كنتي مقتنعه ان كلامك معاه بيجيب نتيجة فاستخيري وتوكلي على الله وربك يحنن قلبه عليك وان شاء الله ربك يهديه ويعتق بكل هدوء وما يماطل اكثر

لكن انتبهي لبعض الامور
اولا خلص هو من المهرجان -الي قلتي عليه انه عنده شغل فيه ومشغول فيه
يعني ما عنده حجة
ثانيا
ان توكلتي وكلمتيه
انتبهي لكلامك معاه لا يجر الكلام للحديث عن امور ثانية ويشتت انتباهك ويتكلم عن ---- مثل اخر مرة وما تستفادي منه شي
حاولي تستعطفية وتبيني انك تعبانة من الموضوع ومالك غيره هو الي يقدر يساعدك فيه
بيني له انك خلاص شلتي فكرة الزواج نهائيا من راسك و بنتعيشين لعيالك وبس
احذري تجيبي طاري انك تبين تتزوجي وتعيشي مع احد يصونكو يحبك ويعوضك عما مضى
انتبهي انتبهي

هو يبي يحر اخوك ويظن -الله يهديه -يعتقد انه بهالشي يقهر اخوك
واتوقع هو بيطلق لكن مو قبل كم شهر حتى تمر عليك شهور عدة -غصب طيب بسوي لك عدة

قولي له ان انتي لما وافقتي عليه كنتي تبينه زوج لك وابوي لعيالك لكن الحين خلاص انتي تبين تعيشين بهدوء ولعيالك وبس
اكدي على هذة النقطة
قولي له انك مريضة وتبين تسوي عملية بعد كم يوم وتبين تدخلي العملية وانتي مرتاحة
حاولي وان شاء الله خير


لكن اهم شي انتي مقتنعه في هذة الخطوة
لان مو انا او احد غيري بيعيش هذة التجربة
انتي الي عايشتها وانتي الي بتتحملي تبعات هذة الخطوة
اعتذر ان اخفتك لكن حتى اضعك بالصورة

اقتنعي واتوكلي على الله وكلميه

وبعد ما تكلمينه ومهما كان رده او كلامه معاك كيف كان
انسي ولا تراجعي المحادثة بذهنك
انسيها تماماااااااااااااااااااااااااا
وكانها ما صارت ولا تحي حالك وا تندمي انك كلمتيه
ما ينفع الندم

الحين هذا الوقت الي عندك تفكري في هذة الفكرة جيدااااااااااااااا ومتى ما نفذتيهااااااااا
خلاص انسيهااااااااا ولا تتكلمي عنها مع احد ثاني
وكانها ما صارت

واذا وافق ان شاء الله وربيي هداه للحق خلاص انتي بترتاحي وتفتكي من هالسيرة وتبدي حياة جديدة

وان ربي بعده ما اذن
عيشي حياتك وكانه هالمحادثة ما صارت وهو هو ما تغير ولا في شي جديد

ربي يسر امورك ويجبر بخاطرك ويعوضك خير
لا تخافي ربي معك ويحميك

استخيري وفكري جيداااااااااااااا
وكافي بكاء البكاء ما ينفع بشي
حاسة فيك لكن البكاء ما يقدم او ياخر بشي وبالدعاء وحدة تقدري ترتاحي

حبيبتي ربي معك ويصبرك ويعوضك خير ويجبر بخاطرك


اعتذر ان كانت نصيحتي غير مفيدة لكن هذا تفكيري وهذا ما هداني الله عليه
فاستغفر الله ربي

انا كمان الحين احترت بعد ما كتبت هذا الرد واخاف اكون احرضك على شي في ضرر لك

طيب ليه ما تحطي هذة الموضوع او هذة الفكرة على الخصوص بقسم ساعدوني وتطلبي راي الاعضاء باسمائهم
في من الاعضاء يقدروا يفيدوك في هذا الموضوع اكثر
انا اخاف من قصر تفكيري فاعتذر
ما راح امسح من كلامي شي وراح اتركه لك لتفكري فيه

ان شاء الله ربي يكتب لك الي فيه الخير
وان شاء الله احد الاعضاء يساعدك ويوجهك اكثر براي سديد واكثر حكمه

سامحيني يا اختي والله خوفي عليك يحركني واخاف ان مشاعري توجه تفكري واخطا بالنصح


سامحيني



اختك في الله

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~

إخوي كلم أمي يطلعني في بيت بلحالي ويجيب لي سواق وينتبه لعيالي
كلمها من وراي ورفضت أمي طيب ماحد يعطيني مصروف أحيانا احتاج أمي تعيي الضمان حصلته مقطوع
أمي ناويه تهاوش اخوي عشان مايساعدني أختي قالتلي أمي رفضت إخوي قال لااختي
أبي اطلع بيت بلحالي أنا اتبع مصلحة عيالي أبي أربيهم تربيه صالحه بدون مايسمعون مشاكل.عني وعن أبوهم تعبت
اليوم انفعلت وعصبت. تعبت مافيني صبر نفذ أبي حل
ا

__________________
《اللهم استودعتك أطفالي الذي لا تضيع ودائعه》

حبيتي
انا ما اعرف كيف تفكر امك لكن اكيد احترمهااااااااااااا
نعيش في مجتمعنا الشرقي والناس مالها الا الظاهر
ربي يستر عليك بستره وعليناااااااااااااااا

اقدم اعتذاري اولا على الكلام الي كتبته في الرد السابق وهذا الرد ايضاااااااااااا
لكن هدفي مصلحتك فانا اسفه جدااااااااااااااااااااا

عاطفتي هي الي توجه تفكيري
اسمعي كلامي وارميه بحر
احسن شي هههههههه


طيب امك ليه معارضه لهذة الدرجه وخصوصا مساعده اخوك لك
يعني دام اخوك الله هاديه لك ومسخره لك ولعيالك
ليه حتى هي توقف بوجه رزقك
الله يكون في عونها ويهديها للي في صالحك دنيا واخره

حبيبتي ان كنتي مو مرتاحة بالعيشة مع امك ومحتاجه تعيشي بمنزل مستقل مع اولادك
ما شاء الله عليهم ربي يخليهم لك ويحميهم
واخوك اكيد متكفل بالكلام الي قلتيه واكيد
يعني اكيد مو مجرد اقتراح وكلام قاله وهو عارف الرد
حبيبتي ابي انصحك نصيحة واعتذر ان كانت سيئة في الظاهر لكن ان شاء الله فيها الصالح لك

كلمي اخوك واتفقي معاه على كل شي واتاكدي منه ومن مدى استعداده وجديته
وخليه يباشر يدور لك على منزل ويطلب لك السائق
يعني خليه بيدا بتنفيد وعده
وبعدها كلمي امك و تناقشي معها ان هذا الشي يبصير اليوم او باجر وفيه راحة لك ولاولادك وفي راحتها هي بعد
وانتقلي من المنزل حتى لو كانت هي معارضة --اسفة لكن عن جد الواحد احيانا لازم يمسك زمام حياته وسيرها بيده

لكن اهم شي المنزل يكون قريب من منزل اخوك واخوك هو الكافل والضامن لك ولاولادك وحاميكم


انتقلي وبعد ما ترتاحي وتستقري انتي واولادك وتهدا النفوس
روحي لامك وراضيها وفهميها انك تعبانة والحين ارتحتي وتسامحي منها واطلبي رضاها ودعائها لك

وان شاء الله خير


اكرر اعتذاري من هالنصيحة السيئة لكن


شكلي استاهل الضرب هههههههه

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~

عرفتوا ليه انا ما ادخل اقسام المتزوجين واشارك فيها او انصح
لان انا افكر بقلبي واتاثر بحبي للاخت
وادور راحتهاااااااااااااااا

فنصيحتي تتاثر وحكمي يتاثر
فانا لست اهلا بالنصح

ما انفع اكون قاضية
ههههههه


قلب مجبور
حبيبتي نصيحة اخيرة عن كل شي
التجاي الى الله فري اليه
وهو لك خير ملجا و معين

ربي يجبر بخاطرك
ان شاء الله ويحمي لك اولادك وتبشرينا بزوال همك قريبااااااااااااااااا

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~

ذوذو حبيبت عمري ربي يسعدك ويوفقك
كنت متردده ومو مقتنعه إني أكلمه
بس تعبت لأني لاحظت إخوي كل شوي يسأل شايل همي بزياده مايمديني أسلم عليه وانشده عن أخباره إلا ويسألني عنه طلق ولا باقي وألبارح كنت في لحظه ضعف وانهيار وكنت ناويه أكلمه
ابنتظر إذا خلص الجنادريه وماجاب الورقه أبستخير
متأكده فعله هذا يبي يحر إخوي
ومن ناحية الأمور اللي ذكرتيها لا توصين حريص ماراح أعطيه مجال والله العظيم هو يتكلم في الأمور هدي المره الأولى أرد عليه اللهم استر عوارتنا وأمن روعاتي ؤاقوله عيب عليك
حتى في بداية مكالمتي له قال أرسلي صورتك ؤانا رفضت
وأمي قالتله ماراح تتزوج تجلس تربي عيالها

وبالنسبه لاأمي ربي يحنن قلبها علي أحيانا ترفض انه يقدم لي المساعده
هو والله ماقصر قال لاأمي ورفضت تخيلي راح يأمن لي سائق ويسكني في شقه من شققه وبجوار زوجته أمي رفضت أمي تعاملني مثل الطفله ؤإلمشكله ماتساعدني ومع ذلك تحرمني من أشياء كثيره أتمناها في حياتي حتى لو كانت بسيطه جدا
آلحمدلله الضمان الاجتماعي ينزل لي كل شهر بس هالمره مانزل الله يعين يإرب

مشكوره حبيبتي على النصيحه جعله في ميزان حسناتك

__________________
《اللهم استودعتك أطفالي الذي لا تضيع ودائعه》

بالعكس أختي نصايحك في محلها
الله يجزاك خير واسفه إني تعبتك معي حبيبتي

__________________
《اللهم استودعتك أطفالي الذي لا تضيع ودائعه》

العفو حبيبتي
ربي وحدة عالم بكبر حبك وغلاتك عندي

ربي يحنن قلب امك ويهديها لك


انتي ان قررتي تكلمنه ان شاء الله -ربي يختار لك الخير

ان عاند واصر انه ما يطلق
استشيري اخوك وارفعي عليه قضية خلع او طلاق شوفي وضعك شو الي يناسبك
واتوكلي واعمليه
ولا تضيعي وقتك اكثر

لكن المهم انا اخوك يكون معك وما تعملي شي الا برضاه

ربي يحنن قلوب العباد عليك يسر امورك كلهااااااااااا
ويجبر بخاطرك

بخصوص الضمان -سبق وسمعت بالاخبار انه في قطع احيانا
مو متاكدة من السبب لكن اصبري كم يوم وببعدها روحي اسالي عن سبب تاخير نزول الراتب

ربي يسر رزقك ويفرح قلبك ويحميك ويحمي اولادك

اللهم امين يا رب العالمين

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~

اللهم أمين
أكيد حبيبتي ماراح أسوي شيء الإبرضاه
إخوي ماعادوراه شيء فاحت كبده منه يقول إذا ماطل ولاجاب الورقه
بعد الجنادريه بسحبه عند رئيسه في العمل

__________________
《اللهم استودعتك أطفالي الذي لا تضيع ودائعه》