هو من النوع اذا فعلت فيه شيء يردها لك ومابرتاح الين يردها ..
كدا عادتا مع الناس .. مع انه الكل بيحترمه وله مكانته ماشاء الله ..
واذا حصل موقف من احد خلاص يتجنبه نهائي وحتى لو كان دا الشخص طيب ومايستاهل
بس بمجرد الموقف يصير مايطيقه ويبتعد عنه ولاتجيب سيرته قدامه وكدا ..

نصيحة لك حاولي تهذبي أسلوبك وألفاظك من الآن في التعامل مع زوجك

ولا تتسرعي بألفاظك

إستعيذ بالله من الشيطان الرجيم و استعيني بالله وإذا غضبتي عجلي بذكر الله ثم الوضوء والإستعاذة بالله من الشيطان الرجيم

جزاك الله خير أخي شاطئ الراحة ..

الأخ محب السنة صادق بكل حرف ..
و فعلا ألفاظك تحتاج تهذيب ..

مايصير تتهمي زوجك وتقولي عنه كذا ..
رغم إن الظاهر منه إلى الآن الطيبة والتسامح .. لكنه مجروح جدا جدا ويحس بالظلم منك ..

وريتيه نجوم الليل وتبينه بيوم وليلة يقول خلاص صدقتك برجعك ..

يبي لك ترممين العلاقة الممزقة بكميات ( الدعاوي والشتايم والإهانات اللي خلته يتركك غصب عنه

واضح جدا إن زوجك يبغاك ، لكنه متردد وخايف من رجوع مشاكلك . واضح تردده لكن يبدو أنك طفشتيه بشكل فيحتاج صبر منك .
وأنت بسماحك بتدخل الأهل أشعلت النار . كان عليك إفهامهم بلطف إنك تحاولين إصلاح أخطائك . ثم زوجك لو قال لأهلك أنك من بدأ بلإرسال وعرفوا أهلك إنك تكلمينه من وراهم .. وين المشكلة ؟ لازلت زوجته وتدخل الابوين في غير محله . بل الخطأ منهم قطعاً في هذه القضية ويبدو أنك أنت الكبيرة فما عندهم خبرة في التعامل مع المشكلات حتى وإن كانوا شيبان .
الحل إن شاء الله يكون بالآتي :
1- اذهبي لبيت زوجك واعتدي فيه إذا كان زوجك موجود الآن أو قريب سيأتي حتى لو قال لا تجين حتى لو زعل وغضب و وحتى لو أنك أنت من خرج منه برجليك . ورتبي البيت ونفسك و و وهناك بدال الرسايل تكون مواجهة واعتذار صريح وجهاً لوجه واستلميه هناك باللين واللطف .
2- الآن لا تسمحين لأهلك بالتدخل بس برضوه لا تشدين عليهم في الكلام مثل بعض الأخوات .. صعب أحد يقول لابوه ( ما تقدر ) هذا عقوق سيجني على صاحبه ولو بعد حين إن ما تاب إلى الله .
3 - الوظيفة لا تتركينها مهما كان .. وارجعي لعملك وش وضعك لو ماتوا الوالدين - الله يطول بعمرهم على الطاعة- .. كلام الأبوين وتشرطهم عليك في غير محله أبد بل خطأ صريح منهم .. لكن تلطفي معهم وليني في الكلام والاعتذارات والتبرير المنطقي وحتى لو غضبوا . فالطاعة التي أوجبها الله على الأبناء تكون بالمعروف وليس بمافيه ضرر .
4- ارفعي الحظر عنه . وكل فترة وفترة أرسلي للزوج إن رأيت الوقت مناسب ولا عليك من أحد ، وركزي على مسألة ابنكما فواضح إن الزوج ضعيف من هذه المسألة وهذا طبيعي بدليل رفعه الحضر وتجاوبه عندما يقرأ شيء عن ولده أخبريه أنك فعلا تشعرين بثقل مسؤولية التربية وأنك عاجزة عنها لوحدك وأشعري زوجك معها بأهمية وجوده في حياتكما وبالغي في ذلك . ولا تستجيبي للأهل وحتى لو أخبرهم وصور لهم الرسائل ( خير يا طير ) . أنت ما قطعت حدود الله حتى تشعرين بالحرج والإهانة .
كتبتها على عجل موفقة

__________________
قال ﷺ ( والذي نفس محمد بيده ما تواد اثنان ففُرق بينهما ؛ إلا بذنب يحدثه أحدهما ) .

ودي اعتد في بيتي بس ماقدر ارفض كلام اهلي واروح بدون رضاهم ..
و الوظيفه حاولت اقناعهم لكن رفضو يسمعولي ..
رفعت الحظر عنه ورسل وقال انا ماقصدت شي من ارسال الصور بس لأن ابوكي اتهمني بأني جالس اراسلك وانا اسف اذا سببتلك مشاكل مع اهلك .. وعمل لي حضر ..

اهلك هدموا كل مابنيتيه في الايام الماضية
وزوجك بعد ماكان يفكر بإرجاعك ومتردد اصبح يفكر بعدم الرجوع
قلبوا الموازين وماراح تكون في صالحك
وش ناويه تسوين

صحيح كلامك ... والله محتاره ما اعرف ايش اعمل

يا أختي وين المشكلة ادا صارحتي أهلك أنك تودين ترجعين لزوجك لانك مو بعندهم أحسن حال من عنده بل العكس
أنتي الان مسؤولة عن بيت و لازم تدافعين عن بقاءه و هدا حقك و لا واحد يستطيع منعك هدا الحق
و ادا كنتي لا تقدرين تكلمين أهلك لضعف فيك أو خجل استعيني بأحد من العيلة ليس به سفاهة و له كلمة علة والديك و تشوفي انه يكون فاعل في حل الموضوع و لما لا يكلم أيضا زوجك قبل لا طيح الفأس في الرأس و تعضي أصابعك ندم لاني الحقيقة لا أستبشر خير بمكوثك ببيت أهلك مطلقة

من ناحية اهلي ماينفع اكلمهم لأنهم ضد دي الفكره نهاائي ..
فكرت اكلم خالي لأنه هو تدخل في موضوع طلاقي وانا كنت قبل مصره على الطلاق فتدخل هو وطلقني .. لكن لو كلمته الان راح يرفض ..
خالتي قالت انا اكلمه لكن هي خايفه انه زوجي يعلم خالي بأنها كلمته وتصير مشكله ..

فشكلي حوكل امري لربي . يمكن خيره لنا الانفصال ...زوجي عارف وفهم اني ابغى نرجع وهذا اهم شي وصله الي ابغاه

يعني انتي فقط تبين تبرين ذمتك انك طلقتني وانا غلطانه ومصرة على الطلاق

وجيتك اقولك رجعني وابغى نرجع لبعض واهلي صدوك ولو ماحاربت الدنيا كلها وجيت ترجعني فأنت المسؤول ؟

كذا مرتاح ضميرك هل كلامي صحيح ؟

وبعدين مو فاهم ليه ماتودون ولدك للمستشفى مع ابوك او احد اخوانك ؟ ليه يجي عم الولد ويوديه للمستشفى ؟ من حيمسك الولد بالسيارة ومين حيهتم فيه ؟ ومين بيعطيكم التعليمات للادوية والاستعمال الخ الخ ؟؟

ليه طلبتي من زوجك وهو مسافر ان الولد تعبان ولازم يروح للمستشفى ؟ ليه ماقلتي له الولد تعبان وبروح مع ابوي وانتهت السالفه

وانتي عارفه اهلك فأتوقع ان زوجك يبغاك لكن مايبغى اهلك بالعربي مو مرتاح لهم ولا يبغى يكون بينه وبينهم احتكاكات ومشاكل

فالبعد والانفصال بالنسبة له افضل

وانتي تقولين وصلت له اني ابغى ارجع والكرة الان بملعبه وهو المسؤول فليدير المشهد والسيناريو الايام القادمة على راحته انا بريت ذمتي