لا أظن أنه طمعان

ولكن كما قال استاذنا الفاضل لماذا نتزوج ؟

أنه باني أحلام وردية على ورثك و أن الفرج قدم عليه

----------

قلنا لك سابقاً وأكررها للمرة الألف كوني هادئة و حازمه و احسمي موضوع الميراث و تسجيل أي شي يخصك باسمك
ولا تغلطي و لا تجرحي و لا تهيني و وضحي له أن هذا موضوع ماله علاقة بحياتكم

الزوجية هذا موضوع بينك و بين أخوانك وماراح يرضوا حد يتدخل بيننا و لو كان أقرب الناس

وقولي له حط نفسك مكانهم ترضى أزواج خواتك يحشروا أنفسهم و يأثروا على قرارتهن ؟؟

حظي حلو... صحيح ياليت كنت ساكته احسن ... عالأقل كنت مريحه راسي من هذا كله ... وبخصوص السياره .. له معي جمايل مو جميل واحد ... اقول بهديها له وبنفس الوقت اخاف اصير غبيه لاني احبه ...

كنافه ... ان شاء الله مارح اسجل ...

اخي محب السنه ... مافي فرق بين طمعان وبين انه باني احلام ورديه على ورثي وان الفرج جا لعنده !!! يعني احس نفس الشي ..

فتحت معه الموضوع مره ثانيه وقلت له على الحلول مثل ايجار البيت او اذا كتبنا البيت بإسمي محد بيدري او نشتري بيت نتقاسم فيها واكتبها بإسمي ... قال كلام كثير بس بإختصار ... يقول كيف ترضينها لي اجلس ببيت مو بيتي يعني المفروض انا المسؤول انا الرجال وانا وانا ... قلت له طيب خلينا على شقتنا القديمه وانا بدفع الايجار ... رفض وعصب يقول ماباقي الا تقولين انا بشتغل برا البيت وانت اجلس بالبيت اكنس ونظف واطبخ ... ولو ابيك تدفعين الايجار كان خليتك تشتغلين وتدفعين .. قلت له طيب وش اللي يرضيك .. قال ولا شي خلاص انسي الموضوع اصلا ربي كاتب لي الشقا والكرف من يوم ماعرفت نفسي ... ورجعت غيرت الموضوع لاني حسيت انه متضايق من شي ..ودخلنا بسوالف ثانيه وتجهيزات العيد وسفرنا وغيره ...

الموضوع متعب لنا لا هو فاهمني ولا انا فاهمته ...

__________________
-

فأجبر خَاطري .. بفيّض نعَمك ❤ ....

لحد هني كفاية
الرسالة وصلت .. " البيت ما راح يتسجل ب اسمك "
لا تفتحين باب النقاش مرة ثانية
واذا هو رجع فتح الموضوع قولي له بصريح العبارة " حبيبي ما عليه بيكون باسمي و محد بيدري .. بس هذي مسائل فيها حياة و موت ما ابي اثقلك بها "
لا تناقشين ولا تعرضين حلول جديدة خلاص...
اكتفي بهذا القدر...


بخصوص السيارة لا تروحين تقولين له ناوية اشتري لك
او او او .. لاااا
احتفظي بالفكرة في مخج و لما يصير وقت التنفيذ وتفكرين في الامر عدل مدل بعدين قولي له...


انتبهي من اخوانج ايضا .

.

لما كنت في المحاكم وتجينا قضايا الارث
كنت اقول في خاطري شرع رب العالمين واضح
ف ليش الخلافات!
بس صرت ادرك ان الطمع يسوي كل هذا

__________________

حاجة الناس إليكم من نعم الله عليكم ، فـ لا تملوا النِعم ☁✨

ان شاء الله يازين ...وهذا بيكون كلامي ومارح اغير شي بإذن الله... والنقاش انتهينا منه ...

اشكركم جميعا ..

__________________
-

فأجبر خَاطري .. بفيّض نعَمك ❤ ....

اختي عندي لك اقتراح ،، ليش ما تسددي ديونة ؟؟ اعتقد انه اقل شي ممكن تسوية له ،،

لو كتبتي البيت باسمه اكبر غلط ارتكبتيه في حياتك هذه الدنيا مالها امان يمكن يبيعك في. دقايق وزوجك بما انه طمعان في فلوسك شي واضح وطبيعي ليس له أمان ونفس الوقت لو كتبتي البيت باسمك هو بيتضجر ويعيش معك ناقص طول حياته اشوف الأفضل ابعدوا عن البيت الا اذا هو بناه واشتراه بنفسه ثاني شي زوجك زعلان اصحابه يتمصخرون عليه عشان البيت باسمك طيب اخي انت وش سويت وش فكرت وش بنيت يعني لا استثمرت ولا حاولت تطور من نفسك راضي بس براتبك طبيعي راح تحط نفسك في ذي المواقف ثالثا لو اشتريتي سياره له غلط لنه راح يتعود عليك دائماً في كل شي وراح يزيد مطامعه في طلب أشياء ثانيه لاكن الأفضل تقلين له بعطيك النص وانت النص في سعر السياره خليه يشاركك في دفع السياره النص او الربع على الأقل يكون هو شارك و حسستيه انه له يد في الوضع ومايحس بالنقص دائماً حاولي تخليه يطور من نفسه او يستثمر مو يقعد ينتظر فلوس منك حتى الديون لاتدفعيها كامله ادفعي النص خليه يدفع نص لايتعود عليك انتي تدفعين كل شي

__________________
لاتأسفن على غدر الزمان لطالما رقصت على جثث الأسود كلاااااب
ولا تحسبن برقصها تعلو على اسيادها ولاكن تبقى الأسود اسود والكلاب كلاب

لا انا ابغاه يكون مديون ... ومستحيل اسدد ديونه ...

البيت خلاص قررت اني ماسجل بإسمه شي حتى لما قلت له كذا سكت وقال براحتك وقفلنا الموضوع ...

السياره عادي ماعندي مانع اشتريها له اللي نفسه فيه ... وبالاول والاخير بكون انا المستفيدة ... اما الديون شايله الفكره من راسي لا نص ولا ربع ...

هو يحاول يحسن من وضعه... وفي محل بيفتحونه بس مدري متى بيجهز هو وصاحبه مشتركين ... لهم 4 او 5 شهور قايمين على ترتيباته ...

__________________
-

فأجبر خَاطري .. بفيّض نعَمك ❤ ....

موضوعك ضايقني من أمس خصوصا إن شخصيتك تشبهني واضح ماتبين تدخلين بمشاكل كبيرة وعندك استعداد بسيط للتنازل سواء لإخوانك أو زوجك أهم شي مايهتز استقرار حياتك

سألت زوجي قال لي فيه حل يحفظ للمرأة حقها وللزوج كرامته

لكن ركزي معي بالخطوات
تجلسون مع رجل حكيم منصف (أبوه مثل أو أخوك أو عمك) وتقررون المبلغ اللي بتعطينه زوجك (اقترح يكون نصف قيمه البيت اللي حاطين عينكم عليه)
يكتب لك زوجك شيك بالمبلغ بحيث إذا توفى أو حدث بينكم أمر تروحين للبنك وتاخذين حقك ولو ماحصل بالقانون

ياخذ المبلغ ممكن يكمل عليه بقرض ويشتري البيت اللي هو يبغاه
أي حاجه تصير يقرر يبيع البيت يتزوج ويسكن الجديده فيه هو حر لأنه بيته حلاله أنت فقط دينتيه

أتمنى الأعضاء يوجهونك لو كان الحل منطقي أو لا مع أفضليه إن البيت يكون باسمك أكيييييد لكن هذا أسوأ الحلول

مادام هو فهم آيه بتريد وانقفل الموضوع الحمدلله حبذا ماتفتح على نفسها باب جديد

__________________
اللهم صَل وسلم على نبينا محمد

حبيبتي غرناطه والله مافهمت اللي قلتيه بس اذا كبرت السالفه وان شاءالله ماتكبر ..بدخل عمي ابو زوجي بالموضوع.. اما الحين خلاص بسكت الين بعد العيد .. اخواني ماتوقع انهم طمعانين او بيظلمونا ... اليوم ارسلوا لي مبلغ كعيديه وماشاء الله مبلغ محرز بالنسبه لي ... زوجي درى قال خليها مع الاولى ولا تصرفين منها شي الين تتوزع الارث ... مدري وش يفكر فيه ... بس اخواني ان شاء الله مأمله فيهم خير ... اشكركم

__________________
-

فأجبر خَاطري .. بفيّض نعَمك ❤ ....