ألف شكر غاليتي

gawlp


الله يسعدك على ترتيب مشاركتي وتنسيقها ..




وابشري بالطرق حبيبتي



..بالنسبه للعصافير


العجينة

1 ونص كاس دقيق

2 ملعقه بيكنج

3 ملاعق سكر

3 ملاعق نشاء
نص كاس سميد

بيضة

رشة فانيليا

كوبين ماء ..




وملاحظة مهمه لااااااااااااااااااااااازم تكون الخلطه ساااااااااااائله اخف من خليط الكيك بدرجتين ..


لأنه اذا كانت اثقل ولو بشوي راح تخرب وما تضبط معاكي ..



استخدمي صاج تيفال بدووووووووووووووووون زيت


وصبي دوائر صغنونه ..


وانتظري حتى تطلع النفافيخ وتبدأ تنشف من فوق ..


لا تقلبيها على الجهة الثانيه ..
على طول شيليها ..


واذا بردت شوي اثنيها من تحت وابدئي احشيها ..




الحشوة ..


2 كوب حليب ..


ملعقتين كبيرة دقيق ..


نقطة واحدة بسسسسسسسس موية ورد ..

2 فنجال شاهي سكر يا سكر ..


اخلطيهم ثم حطيهم على النار حتى تثقللللل ..


وطفي النار وحطي ملعقتين كبيرة قشطة ..


وحركي مضبوط ..


وخليها تبرد في حرارة المطبخ ..


انا أسويها قبل لا اسوي العجينه عشان تاخذ راحتها وتبرد واقدر احشي بيها مباشرة بعد ما اخلص من العصافير ..


وزينيها بالفستق المطحون ..


وبالعاااااااااااااااااااااااافيه ..

...................







أما البف ..




2 كوب دقيق ..


1 فنجال شاهي زيت

بيضة
رشة ملح
فلفل اسود

ماء للعجن

تعجني العجينة حتى تكون متماسكة ولينه لا تلتصق باليد ..



واهم شي


تتركيها ترتااااح سااااااااااااااااااااااااعه ..



ثم تبدئي بفردها ..


وحشوها ..بـ " لحمة بصل مطقطقة مع بقدونس بيض مسلو ق و مبشور فلفل اسود ملح وبسسسسسسسسس" ..


وابدئي بقليها ..


اهم شي تغرفي من الزيت على الحبات حتى تنتفخ تماما ..



ولا تخليها تطول في الزيت بمجرد ما تاخذ اللون الفاتح طلعيها واستمتعي باحلى بف لذيذ و هش ومنفوخ ..


لا تنسي اذا جربتي اي شي خبريني بالنتايج ..


اتفقنا ..


ت ح ي ا ت ي ..

ماشاء الله تبااارك الرحمن


تجنن الأكلات والأطباق


سؤال .. البف مقلي هذا ؟ ولا مشوي ؟ وايش حشيتيه؟

__________________

يا حبي لك يا بكر ..



لا مقلي وحشوته وطريقته بالتفصيل في الرد السابق ..


اتمنى تجربيه وتدعي لي..


ت ح ي ا ت ي..

تسلمي ياغالية

تو اشوف ردك السمووحه

جاري التجربة باذن الله ...


وهذه سفرتنا المتواضعة ليوم أمس .. طبعا حبيب القلب عندي فديت قلبه وما يحب يكثر على الفطور يفضل يفطر خفيف ويتعشى متأخر ومنه سحور مرة واحدة


امبارح زوجي هو اللي صور



معجب بالمملحة والمبهرة جدا ههههه

انا شفتهم بالسوق وجبتهم وقلتله هذولي انا وانت الابيض انت (ثوبه) والاسود انا (عباتي)
يعني آخر شي طلعت انا بهار




اول ما نبدي فيه الفطور .. الرطب + قشطة طازجة وفنجال قهوة يقند الراااس (امس هو اللي سوا القهوة .. لزم علي اقولكم انه هو اللي سواها هههه )



سفرتنا المتواضعة




منظر آخر للسفرة اصر على التقاطه من الجهة الثانية علشان تشوفون دلة القهوة هناااك اللي هو سواها


ادعولي يا رب رمضان القادم يكون في صورة بيبي بالصور ... اللهم آمين

__________________

بكر الشايب تهبل السفرة ..أما التصوير شئ ثاني ..

تعجبني عفوية الرجال ..

تدرين أحياناً أطلب من زوجي يصور وأنا أطبخ ..فيمسك الكاميرا من بعيد ويصور ..
وشوفي الحوسة ..الفرن كله طالع +بعض الاواني في المغسلة +طرف يدي وملابسي ..
تصوير تحفة ..مع انه مبدع ماشاء الله في التصوير ..لكن أحياناً يحب يقهرني ..
طلب ممكن يكون غريب ..لكن ..
قوليللي عن طريقتكم في القهوة ونوعيه البن من وإلى ..أحب أجرب نكهات جديدة ..

أسأل الله أن يمن عليك وعليّ و كل من تريد الحمل ..بالحمل
وأن يرزقنا الذرية الصالحة ويبارك لنا فيهم ..

__________________

شعاع يا قمر مشكورة الله يعافيك على الطرق ..

ان شاء الله اطبق العصافيري قريب ..

__________________

ههههه هلا يا قوالب الله يعينك

انا علشان يصور يقولي دخلي المطبخ يخاف ظلي يطلع لا سمح الله على الارض ولا شي ههههه <<< غيوور جدااا

بالنسبة للقهوة انا اخليه يجيبها معه من السعودية من المطحنة عادية

زوجي يحب المسمار + هيل وزعفران فيها

انا افضلها بدون مسمار

يعني أول شي احط حوالي 2 ونص ملاعق كبيرة قهوة فاتحة واخليها تغلي بهدوء مع اربع حبات هيل
وبعدين بالدله احط زعفران + ملعقة كبيرة هيل + نصف ملعقة صغيرة مسمار واصب القهوة فيها واخليها تغلي غلوة واحدة فقط واشيلها

ما اجيب القهوة المخلوطة افضل اسوي خلطتي بنفسي حسب مزاجي مع الهيل

خوات زوجي يحطون قطعة زنجبيل طازجة بالمطارة + ربع ملعقة صغيرة كوفي ميت ولذيذة تطلع


بالنهاية طبعا القهوة اذواق وانا احبها بالهيل والزعفران فقط

__________________

قوالب ياغالية الله يجزاك الخير على الدعاء

كيف تسوين قهوتك ؟

__________________

ان شاء الله يابكر نباركلك عن قريب بالحمل وان شاء الله رمضان الجاية تكونوا صرتو تلاتة(أو أربعة مع توأم)

__________________
الكيس من دان نفسه وعمل لما بعد الموت/والعاجز من أتبع نفسه هواها وتمنى على الله الأماني

شعاع لو سمحتي حابه اعرف طريقة حلى الجلي