حياك الله ياصغيرة..
محد عارضك بالعكس
هم امتصوا مني صعوبة الموقف وحرارته لما قالوا تعاملي باللين والكلمة الحلوة
مسائل الأولاد تشعري الأطراف كلهم أصحاب حق عشان كدا لابد من الروية

الآن الموقف اختلف حبيبتي
أنا أعذرت إلى الله ..وامام الله وأمام الناس أنا سويت اللي علي وزيادة حاولت أتعاون حاولت أرخي
صح على حساب صحتي وراحة بالي لكن ان شاء الله ما يغلب اللي مع الله
وله أخوة يساندوه مثلكم

لو مارضيت من البداية كان قالوا يتعاندوا والولد ضايع بينهم
والحين لما وصلت لصحتي وامام الجميع أنا أعطيت ورخيت الحبل وحاولت والآن ما قدرت دحين هو يروح يطالب ولو شديت ما احد يلومني..اموت يعني!!

وبالعكس دحين صعب يروح هو ويبدأ بالشر إن كان عنده بقايا ضمير

هو ياعزيزتي يهمه شكله أمام الناس وأهله وزوجاته!!
لو عاندت حيقول عاندت تستاهل أشاكيها وأوديها ورا الشمس
كلهم الحين شافوا وسمعوا بتعبي وإني حاولت وما قدرت إذن ..معذورة

الموقف صعب ما أنكر
بس حيشتكيني بعد ما بادرت بالطيب؟؟ مو حلوة في حقه...فهمتيني

حيشتكيني بعد ما مرضت على ولدي وتعبت وجبت تقرير طبي؟؟؟ يصير غبي وهو الخسران
لو جاب الشرطة راح أوريهم التقرير واقول يروح هو يجيب صك زيارة ..هذا في حالة لو سواها
وماله وجه يسويها الحين
الآن انقلبت الموازين ..
صح كلامي؟؟

وبعدين خصمي شرس ممكن يدعي بالباطل ويقول جيتهم ضربوني وطردوني
وترا حكاني مواقف زمان انه صار له موقف ومضاربة مع شخص ولما راحوا للشرطة قال لهم كان يعاكس مرتي
والرجل بريء وهو اللي قالي هذا الكلام.. إذن اعرفي خصمك.. واعرفي حدود قوتك وامكاناتك

مو فلسفة بس يكفيني خساير .. صح؟؟

والله عزوجل اعلم بكل أحد

******
وكمان ظروفي صعبة هنا ابويا معارض وقال لأمي لما جلس حسن كم يوم عند أبوه : قولي لها يجيبه الخميس بس كفاية إحنا تعبنا
يعني أنا عندي معارضة داخلية كمان وهنا الصعوبة
لما أروح طواريء من قدام عينه ايش حيقول؟؟ على الأقل لو ما حيوقف في صفي يسكت وهذا أهون من أنه يقول اعطيه الولد أو شوفي سكن مستقل

حبيبتي أحيانا الظروف تضطرك تكوني مرنة أو تتنازلي مؤقتا وهذي قوة بشكل تاني

تتحملي وتصبري ولا أمدح نفسي

يعلم الله إني كتبت المشكلة وانا غرقانه ماني شايفة الطريق وماني عارفة اتصرف

وبتجاوبكم ودعواتكم ورحمة ربنا أولا وأخيرا تنجلي إن شاء الله