صبحج الله بالخير حبيبتي مبتعثة

انا قاعدة اهلك وامحو نفسي في سبيل بيتي وبنتي وهذا لا يرضي الله ولا رسوله

ولنفسك عليك حقا

اهو حتى الاعفاف مو قادر يعفني



ما قدر يمسك بيت اللي يموت فيها تتوقعين بيمسك بيت وحدة ما دخلت قلبه

واساس هذا البيت ركيك وضعيف وماله اي قواعد



رجاء مبتعثة حبيبتي كلام عن رجعة او تراجع بليز عشاني لا اتييبين طاريه


الله يحفظج ويخليج ( لي) 😃

__________________
لا اله الا انت سبحانك اني كنت من الظالمين

واصلا لو كنت بارضى اني ارجع معناته اني رضيت على نفسي بالظلم والله سبحانه ما يرضى جذي


مو بس ظلم معناته اني رضيت اتصرف باللي ما يرضي ربنا عشان يتعدل


اذا ما طعته ياني يركض واذا رفض طلبه في الفراش يسامح


واولا واخيرا طابت نفسي منه


مبتعثة هو مو اخر ريال بالدنيا


اللي يابه اييب اللي احسن منه

__________________
لا اله الا انت سبحانك اني كنت من الظالمين

مبتعثة حبيبتي..

كلامج صحيح .. وفعلاً مثل هالقرار المصيري محتاج تفكير جاد وعميق عشان يكون التنفيذ عن قناعة ورضا .. مب لحظة انفعالية تهدم أكثر ما تبني.

لكن جملتج (جهزي نفسج للرجعة) فيها شيء من الضغط النفسي على موهبة .. مب بس لأن وضعها النفسي حالياً ما يسمح بكلام من هالنوع .. لكن لأنها يمكن فعلاً تكون شايفة إنها عملت كل اللي تقدر عليه وما عندها قدرة تعطي أكثر.

الحياة الزوجية إذا ما فيها استقرار واطمئنان مب حياة يا مبتعثة.

وبالرغم من كل هذا مب موهبة اللي بادرت وطلبت الطلاق .. يعني يمكن لو استمرت الحياة بينهم كان صبرت أكثر عشان هالبنت وهالبيت.

لكن هو اللي بادر وطلق .. وتيين تقولين لها جهزي نفسج للرجعة!! .. وكأنه أول ما يتصل المفروض ترجع له ركض!! .. أشوفها صعبة!

__________________


اللهم طِيبَ الأثر .. وحُسْنَ الرحيل.

قدر الله وماشاء فعل
انا عندي قاعدة ياموهبة
اللي يبي يبيع بيلقى اي حجة وان كانت واهية عشان يطلق
اذا هو من النوع هذا ف تركة خيرة لج وربج كبير ومنتي والله ميتة جوع

اتركية في الوقت الحالي واذا حب يرد ادرسي موضوعة
واذا ماحب يرد ف افراقة عيد صدقيني

وهذا حنا مطلقين وعايشين ولله الحمد ما متنا والا انتهينا .. الحياة تستمر وبنعيش مثل مانبي

الله يعوضج خير يارب

__________________
استغفر الله واتوب إليه

اختي موهبه
نصيحه من مجرب
هجمات الالم راح تروح و ترجع عليج طول الفترة القادمة
خاصة انه الطلاق تم بشكل انفعالي
لازم تحصنين نفسج ضد هالهجمات ولا بتتعبين
انصح بالتواصل مع استشاريه زواجية تهيئج للفترة الانتقاليه هذي
لازم تلقين ايد تعاونج و تدلج علصح
والا راح تبقين في دوامة بين هدوء والم

__________________

الله المستعان


اليوم جدا متضايقة واحس بضيقة ودمعتي على عيني

مو عشانه ولا عشان سواد عينه

مابي اتطلق للمرة الثانية

__________________
لا اله الا انت سبحانك اني كنت من الظالمين

الله يفرج همك ويقوي قلبك يارب
حبيبتي اقري قران وادعي ربك يأجرك في مصيبتك
صدقيني مايتساهل تبكين على فراقه فيها خيره انتي صبرتي وتنازلتي كثير ورايتك بيضاء
معيشك حرب نفسيه وتهديد بالطلاق مامنه امان عنده الطلاق سهل مثل شربة المويه
انا تطلقت مرتين والله بدون ماامدح نفسي الكل يشتري قربي ويتمناني حتى لو من اول نظره الحمدلله على كل حال بس انتي خليك متفائلة وطبيعي تحسين بالضعف والانكسار بها اللحظه فتره وتعدي ان شاء الله
الله يوفقك

الله يمسح على قلبج ويعطيج راحة ..
معليه ياحبيبتي ماتدرين الخيرة في وين ..
يمكن مطلقة للمرة الثانية أفضل من متزوجة بالوضع اللي كنتي فيه ..
لا تفكرين كثير بهالنقطة ..

محسستني ياموهبة انج خسرتي الآخرة
او بتخسرين رجل بكل ماتعنية الكلمة
يبة وكلي امرج لله والمكتوب يبي يصير
تضايقتي والا زعلتي محد بيتعكر مزاجة الا انتي
كبري راسج وانا اخوج مافيه شي يستاهل
الخيرة فيما اختاره الله

__________________
استغفر الله واتوب إليه

طبيعية حالة المد والجزر في المشاعر والنفسية ..
كوني قوية ولما تحسين بالضيق توضي وصلي ركعتين وأقري وجهين من القرآن الكريم..
وتعالي فضفضي هنا .. فيه عضوات ماشاء الله تحطينهم على الجرح يبرا ويقلبون الجو الكئيب إلى فكاهة وضحك وفرفشة..
وهالشي تحتاجينه الآن ..