هلا ومس هلا بالقمر
ومبروك نزول الوزن >>> عقبالي هع
بقولك قصتي بالتفصيل
انا كمان سويت العمليه قبل سنه بس بطريقه ثانيه ربط المعده وليس قص المعده مع اني مو كتير 100 بس
على طولي كان حلو لاكن ماكنت مرتاحه وعملت
وحاليا نقصت بس ماترهلت كتير لاني انزل على خفيف والحمدلله لمن اخلص بعمل الشد لانو كان شرط قبل ادخل العمليه عشان ما اورط بعدين
المهم طبعا انا انخطبت وانا دبدوبه وخطيبي يموت فيني وماكان يبغاني انحف
بس ركبت راسي وسويت
ودحين قلتلو احنا على البر لان باقيلي سنه على فك الربط وابدا بعمليات الشد يعني اذا جت الموافقه واتزوجنا بيكون جسمي مو مشدود عشان كدا شوف وحده تانيه
احسن لك >>>
مقهوره من الجسم مع ان مو كتير مترهله بما انو بدايه وبس بالاوراك والفخد
قال لا ابغاكي زي ما انتي وراضي اهم شي روحك الحلوه وقلبك ومن دا الكلام
والحمدلله مرتاحه معاه ومو محسسني بشي
وبقولك قصه وحده اعرفها اتخطب وهي دبدوبه 150 ما شاء الله ويموت فيها وعملت نفس عمليتك ولو تشوفي الترهلات شي فضيييع صراحه وصل 60 ما شاء الله
وصارلها ظروف وماسوت شد
تخيلي من كتر مايحبها اتزوجو وهي بهذي الحاله ولها سنه دحين ومره مبسوطه
يعني الرجال انواع
بس انتي لازم تقوليلو عشان ماتورطي ويطلع من النوع اللي يحب المظهر على الجووهر
والله يسعدك يار ولاتفقدي الثقه بحالك مهما يكون
واسفه طولت