على غير عادته عندما التقينا بأحد المقاهي كالعاده لمتابعة احد المباريات
كان مزاجه متعكرا وكانت تبدو عليه علامات الغضب 00 سألته فرد :
مافيه شي 0 سكت وعرفت ان هناك مشكلة ولكنه لايود الافصاح عنها
وعند الساعة الثانيه عندماا اردت الخروج من المقهى قال لي : اجلس انا
عازمك على السحور الليله 00 رديت عليه : الليله خميس والسحور مع
المدام له طعم غير قال لي : يارجال ماوراهن الا النكد والطفش بس اجلس
هنا عرفت ان هناك مشكله بينه وزوجته وبعد الحاح عليه اخبرني التالي :
بعد الفطور كانت زوجته بالمطبخ فرن جوالها وكانت {فلانه} فأخذ الجوال
ورد عليها فسلمت ورد عليها سألت عن زوجته فقال انها مشغوله في المطبخ
فطلبت ان يأخذ الجوال اليها فضحك وقال ابشري فسمعت زوجته ضحكته
معها على الجوال فغضبت واقفلت الجوال وهنا بدأت المشكله لانها قالت له
بصوت عالي : وشلون ترد على جوالي وانت شايف انها وحده من زميلاتي
لا وبعد تضحك معها فقال لها : انا زوجك تكلمي معي بهدوء وبعدين مافيها
شي اذا رديت على جوالك لانك مشغوله والضحكه لانها ماقتنعت بكلامي فقلت
لها ابشري وضحكت وبس 0 ردت بغضب مالك شغل بجوالي مره ثانيه لو يحترق
فرد عليها بغضب الا لي شغل ولاترفعي صوتك مره ثانيه يقول وتركتها وفتحت
الباب لاخرج قالت لي على وين بعد فقلت اذا عرفتي احترام زوجك ارد عليك
ويقول من خرجت للحين مااتصلت علي والحين بنتسحر هنا وبرجع للبيت وانام
وترا الفطور عندك بكرا 00 قلت له حياك الله ولكن من رايي انك تروح تتسحر
معها رفض وقال تبي تتسحر معي هلابك لكن انا هذا اللي ناوي عليه 00
بعد طول كلام معه واخذ ورد وهو مو راضي يسمع مني عرضت عليه ان
اعرض عليه مشكلته هنا في المنتدى ونرى الحلول منكم ايها الاعضاء
وهذا انا انتظره على الفطور وفي انتظار مساعدتكم 000
واعذروني على الاطاله
05-10-2006, 05:37 PM
ضوابط المشاركة
العرض الشجري