انا أعترف ان اشفق عليها وهذا طبع فيني

بس مستحيل أظلمها او اخونها او اقصر عليها بشي اذا قررت اتزوجها
ومستحيل بيوم أحسسها اني تزوجتها من بااب الرحمه
واذا تزوجتها اول شي راح اسعى له هو اني اسعدها


الزواج مسؤاليه .. وانا قد هالمسواليه


اقصدك بالسبب نظرة المجتمع صح ؟؟ وهذا اللي محيرني القال والقيل



الله يجزاك خير أختي

أخي رجل

عااااااااااااادي

وااااااايد عندنا يتزوجون أصغر منهم وعايشين حياتهم والحمدلله عندهم عيال ومرتاحين

ودام كل الصفات الحلوة فيها وعارف أخلاقها وعاجبك جمالها

صلي الإستخارة وتوكل على الله

وبعد الملكة راح تتغير مشاعرك ونظرتك نحوها

ربي يوفقك

بس أهم شي صلاة الإستخارة لا تنساها

وأكثر من الإستغفار

أسأل الله لك التوفيق والسعادة

__________________


سبحان الله وبحمده عدد خلقه
ورضا نفسه وزنة عرشه ومداد كلماته

عليكم السلام ورحمة الله وبركاته

ماأدري ليه وأنا أقرأ موضوعك أقول في نفسي ليش يحط نفسه في متاهه !!

خاصة في هذا الموضوع الآراء تختلف من شخص لثاني ، وأحسها بتعّب مخك أكثـــر

خاصة إنه واضح إنك مو مقتنع في هالموضوع أساسا ً

والعمر بالنسبة لك شي مهم ومحددة من قبل

نصيحتي

إنت الوحيد اللي تقدر تقرر إذا مو مقتنع لا تقدم على هالخطـــوة أبدا ً وتظلم نفسك والبنت أيضا ً

وعلشان ترتاح أكثر يمكن البنت ماترضى فيك علشان العمر

ويكون الرفض منك ومنها أفضـــل

أتوقع إنه البنت نفسهـا ترفض لأنه قليل بنات يرضون إنهم يتزوجون أصغر منهم

وموضوعك اللي قبل اسبوع أكبر دليــــل


أهم شي أخوي لاتضغط على نفسك وتاخذك الرحمة وبعدين تندم

أمور الزواج لابد من الإقتناع الكامل والرضا فيها من جميع الجوانب علشان تمشي الحياة

بسهولة ومن غير مشاكل


الله يوفقك ويكتب لك الخيـر في أمرك ويسر أمرك وأمر بنت خالك سوااااء ً معك أو مع غيرك

^
^
^



مراحب أختي برا الامان


والله كلامك ريحني شوي

وصح كلامك يمكن البنت ترفض ,, بس ماتوقع بنت عمرها 29 ويجيها نصيبها وترفض


على العموم الله يجزاك الف خير

ويعطيك العافيه على ردك ؟

استــخـــر وتــوكـــل عــلــى الـلـه

واذا تزوجتها احتسب هالشي عند ربك

اشوف ان راح ترتاح معها كثير وراح ينفتح لك ابواب الرزق من بعدها اذا اخلصت النية


ومايمنع ان تتزوج بعدها ثانيه وثالثة ورابعة

أهم شي تعدل بقدر المستطاع


والله يوفقنا وياك وكل مسلم

اخوي رجل طيب



مشكله الزواج ماتنفع فيه المجاملات ابد

والمشكله الاكبر انك اذا جاملت ووافقت تحسبك تبي ترتاح ???



لا والف لا


بيضل هالهاجس يجيك اثناء الخطبه ويمكن يستمر معك اثناء الزواج

وهو اني ليش اخذت وحده اكبر مني

ويبيلك تسد اذنك عن الناس اثناء الخطه ترى فكر الشخص يكون مشتت واي كلمه تجيبه وتوديه


يعني باختصار


لازم تكون مقتنع اقتناع كلي



اذا انت تحس انك مستعد تضحي عشان هالبنت ولا تسمع كلام الناس
ولا تقعد بكرا تهزءها وتجرحها وتقول انا اخذتك وانتي اكبر من وانا وانا



اذن توكل

__________________
عذراً ، الصورة الرمزية مخالفة ولابد من تغييرها حتى تستمر فاعلية العضوية

الادارة

التوقيع

لا تقولون النبي صلى الله عليه وسلم تزوج خديجة وعمرها كيت وكيت ...!!!

هذا رسول الله بأبي هو وأمي صلوات الله وسلامه عليه .... وتلك خديجة رضوان الله عليها ...!!

بمعنى لن نكون مثلهم ...

اذن تزوج ممن ترغب فقط والعمر الذي يروق لك ...

لأنني اعرف كثير من الرجال حينما يبلغ الخمس والثلاثين يقول : زوجتي أكبر مني وأبدور وحده ثانيه ...!!

يعني يوم راحت السكرة جت الفكرة ... يوم انجبوا اطفال ... لا زال سالفة العمر ترررن في اذنه ..

كبيرة أو عجوز ..

يا اخي ..

اذا كنت ترأف بحالها فعلا أبحث لها عن زوج مناسب في عملك أو من جماعتك

أما تتزوجها وهي أكبر منك فما انصحك ... أبداً .. أبداً ..
.
.
.
.
.
.
اختك الكبرى /

بنان

__________________

اخوي ، ما شاء الله فعلا اسمك على مسمى
نصيحتي الشخصيه لك اولا طبعا تستخير الله
ثانيا، الرسول عليه الصلاة والسلام قال اقضوا حوائجكم بالكتمان، اللي ابي اقوله ، يا ليت تاخذ الموضوع بانفراد، اقصد ما له داعي مثلا تخبر المقربين انك براح تخطب قريبتك او وحده تصغرك، ليس من باب الأحتياط وبس ، لكن بالأمور ذي وايد مفيد الكتمان ما اعرف شلون اوصلها لك
ثالثا، ان كانت مواصفات بنت خالك مثل المواصفات اللي في بالك، اقولك توكل علىالله واخطبها
لكن لو ناوي تزوجها علشان تنقذها من عنوستها ، فانا اقولك لا تستجل

بالنسبه عن كلام الناس، ترى كلامهم ما فيه فايده، ورضا الناس غايه لا تدرك، لو خذت ضعيفه قالوا لازم تاخذ متروسه
ولو خذيت وحده اصغر بخمس سنوات قالوا ما راح يكون بينهم تفاهم
يا اخي، شعليك من كلام الناس، اهم شي تكون سعيد ومرتاح ، والرسول عليه الصلاه والسلام لنا فيه عبره

بالنسبه عن الأنجاب، يااخي البنت موكبيره يعني ما طافت الأربعين علشان تقلق

انا اشوف من كلامك عنها انها مناسبه ،

بالنسبه عن سالفه الرفض والموافقه هذاكله بيد الله، اللي ربك كاتبه بيصير، بس لو باذن الله تزوجتها بليز لاتعايرها وتقول لها مثلا لو ما انا جان ما تزوجتي وانا اصغر منك وانا وانا ، وانا اعرف ان ما راح تقول بس لازم اوصيك
في دعاء ((اللهم سخر لي فلان كما سخرت الرياح لسليمان))
وحاول امك تتقرب من البنت وانت اكسب ودها وباذن الله بتشوفها موافقه

راح ادعي لك ولو بغيت رايي اقولك توكل واخطبها
لأن لو انا كنت بوضعها صج ما جاني نصيب ومثلا تقدم لي واحد اصغرمني بس مناسب وشيخ الرياييل راح اوفق مو لأني ما في نصيب لي من قبل بس ليش اضيع فرصه ممتازه ، بالعكس هذي هديه من الله

دعواتي لك واتمنى فعلا انتدعو لي بسجودك ان يرزقني الله زوجا عاجل غير آجل
بالتوفيق يا اخوي

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح

أخي الفاضل .. هناك شيء واحد أريدك أن تسأل نفسك . هل اذا تزوجتها ستظلمها معك ؟؟ سواء أكان بالكلام أو حتى بالتفكير .. هل ستتحسر أنك لم تتزوج بمن هن أصغر منها ؟؟

أرجو أن تجلس مع نفسك و أن تجيب على هذه الاسئلة - بكل - صدق و شفافية

اذا كنت ستظلمها .. فأنت تعلم مالذي يجب فعله ..

__________________
اللهم تقبل دعاء

اخي وعزيزي (الطيب)

اعقلها وتوكل..
فمهما بلغ عمر المرأه تظلً صغيرةً بعقلها
عفواً
لأقصد الاساءه وأنما مقارنةً بعقلية الرجل (الناضج)
ونرجع معاً الى الرد الاول من الاخت ام خالد
كما ذكرت ان النبي صلى الله عليه وسلم تزوج
خديجه وهي ام الاربعين رضي الله عنها
وفي مجتمعنا الحاضر
اعرف كثيراً من الشباب من تزوج بفتاةً تكبره بخمسة اعوام وما دون ذلك والحمدلله هم بأحسن حال
فيا أخي توكل على الله
هذا وأسأل الله لك التوفيق
===============================
اخـــــــوكـ

__________________