اصبري غاليتي لا تيأسي ثقي بالله بأن الفرج قادم وكلما تأخر كلما كان أكبر

عزيزتي إلجأي إلى مولاكِ وأرفعي أكف الضراعة

أقرأي ما في توقيعي لكي يستجاب لكِ دعاؤكِ

وأكثري من الإستغفااار والصدقة

وتفااااااءلي

أسأل ربي الكريم الرحيم أن يرزقكِ بالزوج الصالح في القرييب العالجل

__________________


سبحان الله وبحمده عدد خلقه
ورضا نفسه وزنة عرشه ومداد كلماته

عليكم السلام ورحمة الله وبركاته

يعلم الله يانايت إني مانسيتــك وأدعيلك في صلاتـي مع أغلب بنات قسمنا

صدقيني إنت ِ حساسة كثيييير ، وتبحثين عن الأشياء اللي تضيق صدرك زيادة !!

للحين على بالي موضوعك اللي قلتي فيه إنك عرفت سبب عنوستك وكان ( جسمك ) !!

وهذا شيء ثاني يدل على إنك تبحثين عن اللي يضيق صدرك لأنه الواقع مختلف

وبمعنى أصح الواقع تقدرين بنفسك تغيرينه ويصبح مختلف عن نظرتك الحالية

خذيها قاعدة ياقلبي مستحيل أي مجتمع مافيه كلام !!

لو ماتكلموا الناس وش تتوقعين يسوون في حياتهم ؟!

حاولي قد ماتقدرين ماتخلين إهتمامك بفلانة وعلانة قالت لي وهذيك نقلت لي كلام

إنت ِ الآن في مشكلة لازم تدورين لها على حل والحل بيدك إنت ِ بس

حاولي تقنعين نفسك بأنك أكبر من إنك تسمعين كلام أي أحد

دائما ً شوفي الأشياء الحلوة بحياتك وبشخصيتك وخليها هي المسيطرة

لاتجعلين الأشياء السلبية فيك لها مساحة كبيييرة من حياتك

لازم تتصرفين بهالشكل علشان ترتاحين ولو إنه مافي الحياة شي اسم راحة

لكن المحاولة أفضل من التشكي واالاحساس بالظلم من الغير وإنت في مكانك ماتحركتي

تدرين يانايت بكلامك اللي تقولينه كأنك تبين تغيرين حياة وشخصيات اللي حولك

وتخلينهم يراعون مشاعرك ويقتنعون بأن النصيب للحين ماكتبه ربي لك ؟!!

وهذا من سابع المستحيلات ..

علشان كذا أقولك لاتفكرين بغيرك نهائيا ً بالعكس خلي كلامهم مصدر قوة لك

إنك تلجأين لربك أكثر وتدعينه ليل نهار يفرجها عليك

وكذلك تعلمي تردين على من يقلل من مشاعرك برد محترم يسـكــّت

لاتدعين على غيرك ولا تحقدين على أحد

ربنـــا واحــــد

وهو اللي يدري فينا ، كل ماضيق صدرك أحد إلجأي له

وأبشري باللي يرضيك بحالك ويرضي عنك اللي حولك غصب عنهم

أتمنى أكون أفدتك يانايت

وقولي آآآآآآآآآآآمين

ومره ثانية

آآآآآآآآآمين

جعلك تكتبين الموضوع اللي بعد هذا وتبشرينا بخطبتك

هوني على نفسك ترى الدنيا ما تسوى

وجازي المسيء بالاحسان ومافي افضل من الاحسان

تفائلي وتذكري ان الله معك ومع الجميع

وكل خيره فيها خيرها إن شاء الله

عزيزتي :

ليش تسمين التسجيل في مواقع الزواج الشريفة وقاحة

تجربتي :

تطلقت وانا صغيرة و ما تقدم الا ناس يا الله لك الحمد كبار بالسن او متزوجين او مفلسين المهم في يوم من الايام سجلت في موقع اسمه اي زواج وما مرت فترة حتى وجدت الشريك الحقيقي شريك في كل شئ في الروح والحب والحنان شئ خيالي يكبرني بأربع سنوات فقط من نفس دولتي مثقف موظف وظيفة مرموقة مادياته ممتازة ........... والحين عندي ولد و بنت اموت عليه ويموت علي وكأننا تونا متزوجين أمس
لا تخجلين وخوضي التجربة بس ادرسية مضبوط ...
طبعا كل الناس ما تدري من فين وجدت هذا الشخص (طبعا كل شئ كان سري وتقدم عن طريق زوج صاحبتي ) المتكامل كأنهم حاسدين عليه .... اذا انتي ما شعرتي بمشكلتك وسعيت لحلها لا تنتظري من الناس حل لأنهم يفرحون لما يشوفون واحدة كذا عشان حيا الله ما قطعوا وقت بسالفتها

اتمنى لك التوفيق

قدر الله وما شاء فعل

السلام عليكم
اختي اولا كل شيء بيد الله وثانيا الوحدة مننا تنتظر الزوج باحر من الجمر ومجرد ما يصير بيدها تبغي تفل ! بس هذا ما ينفي حقك بالزواج وماتدرين وين النصيب على العموم بقول لك شي يمكن ما تصدقينه صديقاتي وناس واجد تزوجو صغار واخذهم التعب من الزواج واللي تندب حظها انها تسرعت بالزواج ولله الحمد تزوجت وانا راشدة ناضجة واحسنت الاختيار فشاء الله لي السعادة وكما ان الراشدة تدبر حياتها بحكمة اكثر من الصغيرة وما عليش من اللي يسخرون من الوحدة ويقولو عانس تراهم غيرانيين او يخافون تصير من نصيب رجالهم؟! انا لا ادعوك ابدا لمصاحبة الرجال فقد يغدرون لكن اطلعي للعالم وشوفي الدنيا اختلطي بالناس عشان يعرفونك اكثر ولو اراد احد التعرف اليك دعيه يكلم اهلك اولا من باب الاحتياط- المهم توكلي على الله وادعي الله كل يوم بعد صلاة الفجر والله يوفقك بزوج صالح تسعدين معه

الله يفرج عليج وتتزوجين الزوج الصالح

....

أسعد الله أيامك أخيتي ..
قسماً ان الحال واحد .. لكن اذا بتسمعين من كل شخص بيجي يووم وتنهارين من غير الامراض النفسيه ومحد صدقيني بيدري عنك لان كل شخص لاهي بحياته ..
فنصيحه انا اسويها قد ماتقدرين اشغلي وقتك
بأي شي مفيد " دراسه .. تثقيف .. تعليم .. تمريض " حسب ميولك ..
وللمعلوميه .. لا انتي اول بنت ولا اخرها تكون عانس فخلي هامتك عاليه ولاتسمعين من احد وماتتدرين يمكن الفرج قريب .. ومن صبر قدر ..
اتمنى لك التوفيق وللجميع ويرزقنا الله زوجاً صالحاً به نسعد ..
أرق التحايا واعطرهااا
أزفهــاا لكِ

أختكِ
عانس بزمن عابس

ياعمري يانايت هدي نفسك
وهاذولي الناس مانقدر نغيرهم

كل ماشافو البنت يسألونها هاه مافي أخبار جديدة؟ مانخطبتي؟ شفيك طولتي؟
وحدة سألتني مرة قالت انت تحبين!!!!!!!! تصوري!!

لذلك وكلي أمرك لله ادعي دايم الحي في الدعاء ابكي

تصدقي وربي يانايت اني كنت بهم مايعلم به الا الله في أمر وعودت نفسي كل ماطلعت اتصدق
واستقطعت جزء من الراتب مثل الطريقة اللي قالها لنا صاحب رأي سديد الله يجزاه خير

وربي يانايت ان ربي ساعدني وفرج لي بهالامر الحمدالله

محد راح ينفعك ابد بهالدنيا غير لجوئكلربك وان شالله انه بيساعدك


يمكن ربي يختبرنا يشوف مدى صبرنا ويمكن رحمة منه عشان نلجأ له

اللجوء له عبادة والصبر عبادة <<< الحمدالله يعني راح نؤجر بإذن الله

يله عاد ياعمري ابتسمي وعيشي حياتك

__________________
اللهم لك الحمد والشكر
"ولئن شكرتم لأزيدنكم"