عادي اسكن معهم ليش لا

بس اكون بشقة لوحدي مايشوفوني وانا طالعة وانا داخله

بس اذا الظروف تجبرني على غير كذا

امري لله

روح الغالي ..
ردك عور قلبي ..
ضربتيني ع الوتر الحساس ..
لا فض فوك ..

بصراحه أنا ساكنه في شقه أجار وشقتنا صراحه حلوه حيل وكبيره حيل بس اللي مضايقني

اني بروحي يعني صحيح اني وزوجي نسوي عزايم من فتره لفتره عشان نحس بحركه في شقتنا والحين

الحمد لله أهل زوجي يبنون بيت كبير ولنا شقه متكامله وفيها مدخل خاص أصلا قاعده اتمنى يخلصون البنيان بسرعه عشان نسكن وياهم لان أهل زوجي طيبين حيل الله يذكرهم بالخير ويعني أتخيل روحي مستانسه معاهم انزل لهم في اي وقت أشوفهم ويشوفوني

الله وناسه بصير مو معزوله بروحي بيصير معي أهل في البيت في أروع من كذا

ويعلم الله في حالتي بداية زواجي كنت أزهق حيل لان زوجي دوامه طويل ويرجعلي متأخر ولا وياي أحد الشقه خاليه مافيها حس ولا نفس بس كان يضيع وقتي الصبح في الكليه والحين الله رزقني ببنت ملت علي الدنيا كلها الحمد لله بس والله والله الأهل حلوييين

__________________

اعيد وارد انا يشوفوني متى طلعت ومتى دخلت واحس لازم اتكلف لانزلت او حتى لو خارجه مع زوجي واذا جبنا اغراض يكونوا جالسين بالإستقبال والله ملل وضيق احيانا اكره الطلعه بسببهم لأنهم جالسين ويشوفوني والله هي ماهي مشكلتهم هم بالنسبه لهم بيتهم عادي يعني ابسط شئ بيقولوا حنا جالسين ماراقبناكم بس انا احس بمراقبتهم في الصغيره والكبيره
نصيحتي لاتسكنوا عند اهل زوجكم الحب بيزيد لما تبتعدوا والله انا مجربه

__________________
اللهم صلي على سيدنا محمد الحبيب المحبوب 00الذي تتعشقه الأرواح وتحن له القلوب صلاة دائمة التكرار آناء الليل وأطراف النهـــــــــار

لما لاتنظر الفتاة بنظرة ايجابية الى السكن مع اهل الزوج

فمثلا زوجك في العمل وانتي تمرين بحالة من الطفش اليس جلوسك مع اهل زوجك في الاسفل افضل

من خروجك من بيتك؟ الن تقوي العلاقة بمشاركتك ام زوجك يوم في طهو الطعام؟

عندما تلدين طفلك الأول الذي لن يتركك من البكاء كيف ستستحمين او تطهين الطعام لزوجك بدون مساعدة

الن يكونوا اهل زوجك عونا لك؟

عندما تمرضين من يستطيع الوصول اليك والجلوس معك كثيرا غير اهل زوجك ؟

اهل الزوج ليسوا( بعبعا او وحشا) هم اشخاص ولكل شخص مفتاح ليألف الأخر..

وإذا لم تريدي الاحتكاك بأهل زوجك لاتنزلي لهم ولاتحادثيهم وسيبتعدوا عنك..ان فضلتي الابتعاد..

أنا مع سكن الفتاة مع اهل زوجها ان كانت لها شقة مستقلة بمدخل مستقل..

الله يسعدك

حائزة

__________________

صراحة أفضل ويقوة السكن مع اهل الزوج خاصة في اول الايام .. يمكن لانه الحمدلله الله رزقني اهل زوج عسل ربي بيحفظهم ويخليهم لي يارب ..

لعدة أسباب أهمها انه تزيد علاقتي فيهم .. يعني دايما مع بعض .. واي وقت ابي اشوفهم هم معاي ..

وأحلى سبب انه ام زوجج بتصير امج صح .. يعني تخيلي انح ماتشوفين امج كل يوم .. بس اذا ساكنه في بيت اهل زوجج ام زوجج بتصير امج .. فيعني حلو الشعور ..

هاذي الاسباب اللي عندي حالياً ..

لكن طبعاً ما اعارض الخوات الي يفضلون السكن بروحهم ويا ما سمعت عن اهل زوج فربهم نار والعياذ بالله .. فهالزوجة من يقدر يلومها اذا فضلت انها تسكن ببيت بروحها خاصة واصلا انه البيت المستقل حق لها ..

في نقطه الضيوف انا اعارض لسبب واحد فقط .. هو ايضا لانه الحمدلله اهل زوجي طيبين ... يعني اذكر مرة كنت ابي اسوي عشا حق صديقاتي في بيت ابوي عشان ماكلف على بيت عمي .. والله عمتي اصرت انه يكون في بيتها عشان تشوف اشلون الترتيب وعشان تساعدني ..

اللهم لك الحمد والشكر ...

ما شاء الله اشوف الغالبيه رافضين الفكره


طيب سؤال ثاني

اذا كانت ام الزوج كبيره في السن وزوجها متوفي والبيت كبير مره ولا فيه الا الام فقط


حتى الجمعات تصير خارجيه بين الاهل


ونا بصراحه مااحب السكن مع اهل الزوج وجهة نظري الخاصه

لكن حبيت اخذ رائي الفتيات والشباب ما فيه مانع

اخي الكريم حتى لو البيت كبير
وما في احد غير الام
اذا جى حد والام ما تحب تستقبله والزوجه تحب تستقبله وش يسير ؟؟
ثاني شي اذا ما جلست البنت مع امه
ها وش فيها ما تبي تجلس معي ؟؟
ما تحبني ؟؟
ما تبي تشوفني ؟؟
والادهى والامر ان يتدخل احد في تربيه الابناء
الام تقول للبن مافي شكولاته يروح عند جدته ويخذ شكولاته
يعني كلام الام يسير عاااااااااااادي عن الابن مهي جدتي تعطيني ليش اقول لامي اروح اخذ منها واريح راسي
هذه بعض الامثله ولو اعد اكثر من كذا امثله مارح اخلص
وفقك الله اخي لكل خير
في رعايه الله

__________________
سبحانك اني كنت من الظالمين

اخي الفاضل


هنا بهذا الموقف

والله اشيلها بعيوني

واخدمها بيديني وبرمش عيني

واوافق على طول

__________________

لااله الا انت سبحانك اني كنت من الظالمين .. ربي اني مسني الضر وانت ارحم الراحمين .. إنا لله وإنا إليه راجعون ولاحول ولا قوة الا بالله .. يامغيث أغثني

إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا

والله إذا الام مثل ماقلت على العين والراس مافيه مشكلة إني أسكن معاها وأخدمها وأعتبرها مثل أمي
وشكرا

__________________

دعووووواتكم لاختكم لحن السعاده