السلام عليكم ورحمة الله وبركاته

اختي نور لا تحاتين شي... الدكتورة ماستغربت ولا شي.. ماستغربت انك بنت وتطلعلك التهابات .. بس الدكتورة كانت اتحاتي شلون تاخذ عينة من الافرازات .. لان يا غناتي لما تبي تاخذ عينة ... تحتاج اتدخل مثل قطنة .. نفس قطنة الاذن طويلة داخل المهبل.. واذا انتي عذراء طبعا ماتقدر اتسويها..
وبالنسبة لغشاء البكارة .. تراه بعيد .. وصعب انه ينفض بهالسهولة .. والدم الي طلعلك يمكن لانك انجرحتي..
ولنفترض.. مجرد افتراض.. ان الدم الي نزل بيكون من غشاء البكارة .. مو شرط يكون انفض كامل بس جزء بسيط منه ..
ريحي بالك واتطمني.. الغشاء مو بالسهولة ينفض.. ولا كان مافي ولا بنت ظلت عذراء ليوم زواجها.. ياما وياما طحنا.. وياما وياما جرحنا نفسنا ونزلت مننا دماء.. ووالله اني مريت بنفس حالتك النفسية وقعدت احاتي انا عذراء ولا لا.. وكانت هالمحاتاة مالها داعي..
وانتي نفس الشي.. اتعوذي من ابليس وعيشي هالكم يوم قبل العرس وانتي مطمنة ووفكري بمستقبلك ويوم زفافك ... وبس!!
وبالنسبة للافرازات .. اختي بعد نفس الشي.. تنزل لها افرازات كثييييييييييييييرة وهي اصلا مو متزوجة كثيرة بشكل مو طبيعي.. وعلى كلامها فيها ريحة ..
فالحل يالغلا اتروحين للصيدلية .. واتقولين لهم احتاج vaginal wash يعني غسول للمناطق الحساسة .. واتكون مافيها اي مواد غير طبيعيه .. صدقيني اتفيد .. انا استخدمها.. وتزيل الريحة الكريهية الي تطلع من الافرازات وغيره ..

__________________
ربنا هب لنا من أزواجنا و ذرياتنا قرة أعين واجعلنا للمتقين إماما

أرجوكم ادعو لي ..بإن ربي يجمع بيني وبين زوجي على خير

إلى زوجي ..إلى مقلتي.. إلى فؤادي...إلى بسمتي... إلى دمعتي... إلى حياتي وروحي... إلى عشيقي، حبيبي، فارسي، أميري، إلى القلب والكيان... والحب والهيام...

الـعزيـــــــــــــــز بو وداد..

أحبــــــــــــك ...

بصراحه الدكتوره غريبة

لا ياقلبي لا تخافي لأن الإلتهابات حتي البنات الصغار تجيهم


لكن أنتي محتاجه لدكتوره نساء ممتازه وأكيد بتوصفلك دواء يفيد للإلتهابات

أما بالنسبة لغشاء البكاره مو من السهل فضه ويمكن تحتاجين لشهر حتى تتم العمليه


وبتتذكرين كلامي إن شاء الله وبيوفقك ربي ويتمم لك على خير


تمنياتي لك بالتوفيق

__________________
اللهم أغفر لوالدي وارحمهم واجمعني بهم في جنتك

مهمــا أمثــل فرحتـــــي
وأمشـي وأعيـــش بدنيتــي
تبقى ملامـــح بسمتـــي
فيـــها علاااماااات الألـــــــم

السلام عليكم ورحمة الله وبركاته


اختي الفاضله وعروستنا بإذن الله



شوفي ياقلبي


1_ الالتهابات عاديه جدا وتجي للجميع


اهم شي العنايه الشخصيه


كيف ؟؟؟

1_ تطهري نفسك من الامام للخلف ،، يعني لما تغسلي

2_ تستعملي الغسول شوي منه مو كثير. في الغسله

3_ تنشيف المنطقه جيدا جيد من الماء.

4_ لبس الملابس الداخليه القطنيه.

5_ البعد قدر الأمكان عن بناطيل الجينز او الضيقه مرررره (لأنها تكتم المكان )

6_ ازالة الشعر اول بأول ( لأن سبب رئيسي في خروج الروائح ومكان لتعايش البكتيريا)

7_ تغير الملابس الداخليه اكثر من مره في اليوم ،،، او لبس الفوط الصحيه ( للأستعمال اليومي) وتغيريها كل ساعه ساعتين بالكثير


8_غسل الملابس الداخليه الخاصه بك بمفردها،،،، يعني من غير ماتخلطيها مع ملابس غيرك او حتى ملابسك

الداخليه لها غسله لوحدها.


======================


2_ الحبه الواحده اليتيمه اللي اخذتيها تكفي تماما انا استعملتها قبل فتره بسيطه وانتهى كل شيء


================

3_ غشاء البكاره ماله دخل في الموضوع كله وان شاء الله ما تأثر اثناء وقوعك ولا حتى المويه.

سمي بسم الله وتعوذي من الشيطان ومافيك الا العافيه

شوفي انا كيف عايشه الحمدالله ترى كنت العب في الحاره مع اولاد الجيران ووياما طحت وياما مقعد الدراجه لما العب واطيح يوصل لمنطقه حطأ

ومره اتفكت رجول بين حافتين لعبه ونزل شوية دم

وكل هذا وامي عارفه وشافتني وماخوفتني ولا شي ولا حتى قالت خليني اروح اشوف بكارتها كانت تغسل لي وتطمن عليه وبس

وشوفيني كم عمري ولا انا خايفه ولا شي بالعكس بأتزوج وانا كلي فخر حتى

توكلي على الله


=================


وخليك متفائله وسعيده ولا تخافي من شي

اهم شي الاهتمام بنفسك وصحتك



ودعواتي لك بالتوفيق والسداد وراحة البال

والله يألف بين قلبك وقلب زوجك ويحنن قلوبكم على بعض


سامحيني طولت عليك

حصنتك بلا اله الا الله

__________________

لااله الا انت سبحانك اني كنت من الظالمين .. ربي اني مسني الضر وانت ارحم الراحمين .. إنا لله وإنا إليه راجعون ولاحول ولا قوة الا بالله .. يامغيث أغثني

إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا

بعد اذن صاحبة الموضوع،، حبيت اقول شي لاختي روح الغالي،،

حبيت اقول يا بخت اهلك بيك ما شاء الله ويا حظ اللي بياخذك،،

اسلوب وذوق وايمان ما شاء الله تبارك الرحمن..

ياليتك طبيبه نفسيه لانه كلامك واسلوبك زي البلسم على الجروح..

الله يبارك فيك ويفيد الامه بيك..

شكرا.

__________________

ياودود ياودود ، ياودود ياودود أسألك بأسمك الأعظم الذي أذا سؤلت به أجبت ، أن ترزق أخواتي "خوخة، وردة العسل،لقيت قلبي،كتكوته مخطوبة ، أم وداد ، ولحظة حزن" ما يتمنون من نعيم الدنيا والأخرة، وتطمئن قلووبهم كما طمنوا قلبي... اللهم أرزقهم وأدخلهم الجنة بغير حساب يارحمن يارحيم.

أختي العزيزة: روح الغالي ، أشكرك كثيراً على النصائح التي كتبتيها لي ، وبأذن الله سألتزم بها مع أني ولله الحمد من زمن طويل وأنا متقيدة بها، وأشكرك على وقتك في الرد علي، وربي يبارك لك في كل ثانية من وقتك ويسعدك في الدنيا والأخرة ، وأنتي الي سامحيني أني أخذت من وقتك، وأشكرك كثيراً على دعائك لي.
أختي الغالية :عروس بالأسم، بإذن الله نشوفك عروس زي القمر ، مو بألأسم بس...
وأن شاء الله بأخذ بنصيحتك وبسير قوية ....وأملي بالله كبير .. والحمد لله أنا ماأترك الدعاء ليل ونهار...
والله يسعدك ويوفقك أنتي بعد في الدنيا والأخرة..

ينقل الي مكانه المناسب ليجد رد الطبيبه عليه


.

.

.

__________________

لااله الا انت سبحانك اني كنت من الظالمين .. ربي اني مسني الضر وانت ارحم الراحمين .. إنا لله وإنا إليه راجعون ولاحول ولا قوة الا بالله .. يامغيث أغثني

إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا

ياحياتي عادي الالتهابات للبنت والمتزوجه
والغشاء ريحي عمرك إن شاء الله موجود لانه مثل ماقالوا الاخوات بعيد
روحي لدكتورة نساء وتعالجي منها وبس ترى الموضوع بسيط
غسلي بمويا وبملح كذا قل لي الدكورة لما طلبت غسول قال الملح والماء افضل
ويالله دعواتك لـــــــــــــــــــي زواجي قرب

__________________

دعووووواتكم لاختكم لحن السعاده

الله يسعدك ويوفقك يالحن السعادة ، ويخلي زوجك ما يشوف من نساء العالم كله غيرك ، ويصب حبك في قلبه صباً ، ويجمع بينكم على خير ... آميييين يارب العالمين...

آآآآآآآآآآمين ياقلبي الله يجزاك خير ولكي بالمثل يارب

__________________

دعووووواتكم لاختكم لحن السعاده